Tranquillus Parthenius Andronicus Dalmata lectori verum describit philosophum.
Hic est maximus ille quem requiris,
Nulli par hominum, minus secundus,
Nunquam sollicitus, dolore nullo.
Quem nec vanus amor metusve rodit:
Ignarusque animi furoris: atqui
Nec vitae cupidus, sibi nec ipsi
Indulgens nimium: sed usque constans.
Quem nec frigora, nec gelu, nec aestus,
Imbres nec madidi, niuesque dirae,
Ventorum aut rabies trucisque saeua
Non fati series mouere possunt:
Quin semper putet esse se beatum,
Fortunae dominus, suique rector.
Hunc si partibus assequi licebit
Cunctis: Quis neget Herculem, Iouemque
Caessuros animo tuo decenti?