STEPHANI GRADII, RAGVSINI, HENDECASYLLABI.
Vates optime, quotque litteratos
Nostra aetas tulit, aut tulit virorum
Plenior sapientium vetustas,
Nulli consilio, nec erudita

-- 265 --

Largo flumine posthabende linguae;
Te facundia, litteraeque nostrae,
Te suum Latiae decus Camoenae,
Lumenque eloquij vocant auiti.
Tuis en studiis laboribusque
Linguae gratia se leporque debet;
Debent munditiae, elegantiaeque,
Et purae veneres locutionis.
Per te ab exilio, et malis tenebris
Prisca Suada redit, proculque ad imas
Rus et barbaries facessit umbras;
Ipsaque esse Latina Roma discit.