329. AD MARCELLUM
Quod fuit astuto pugnax Aetolus Ulixi,
Quod duro Telamon Amphitryoniadi;
Quod fuit inflexo mitis Patroclus Achilli,
Formoso Nisus quod celer Euryalo;
Quod fuit e Thebis profugo Calydonius exul,
Pirithoo casti quod pater Hippolyti,
Quod fuit Emathius domitori Hephaestio rerum,
Trux Epaminondae, quod Pelopida, suo,
Quod totidem Libyae victoribus unus et alter
Laelius; Augusto quod gener ipse fuit;
Hoc tu magnanimo, nunc es, Marcelle, Renato,
Felix, qui regum dignus amore venis.