====== Q. Horatius Flaccus (Hor.) ======
65 - 8 a. Chr. n.

Fons: [[http://www.hs-augsburg.de/~harsch/Chronologia/Lsante01/Horatius/hor_intr.html|Horatius in Bibliotheca Augustana]].
  * sat. (serm.) saturae (sermones), ca. 41/40
  * epod. epodi, post 40
  * epist. epistulae, ca. 20 - 13
  * carm. carmina (carminum libri IV), 23
  * carm. saec. carmen saeculare, 17
  * ars: ars poetica, ca. 15
===== Sermonum liber I =====
==== Sermo I ====
Qui fit, Maecenas, ut nemo, quam sibi sortem\\
seu ratio dederit seu fors obiecerit, illa\\
contentus vivat, laudet diversa sequentis?\\
«o fortunati mercatores» gravis annis\\
miles ait, multo iam fractus membra labore;\\
contra mercator, navim iactantibus Austris...
===== Epodon liber =====
==== Epodos II ====
[[http://www.horatius.net/index.xps?2.1.602|Latinski]] (horatius.net)

===== Epistularum libri II =====
==== Epistula VIII libri I ====
Celso gaudere et bene rem gerere Albinovano\\
Musa rogata refer, comiti scribaeque Neronis.\\
si quaeret quid agam, dic multa et pulchra minantem\\
vivere nec recte nec suaviter, haud quia grando\\
contunderit vitis oleamve momorderit aestus,\\
nec quia longinquis armentum aegrotet in agris;\\
sed quia mente minus validus quam corpore toto\\
nil audire velim, nil discere, quod levet aegrum,\\
fidis offendar medicis, irascar amicis,\\
cur me funesto properent arcere veterno,\\
quae nocuere sequar, fugiam quae profore credam,\\
Romae Tibur amem, ventosus Tibure Romam.







===== Carminum liber I =====
==== Carmen I,9 ====

[[http://www.horatius.net/index.xps?2.1.109|Latinski]] ([[http://www.horatius.net/index.xps|horatius.net]])

[[http://filologanoga.blogspot.com/2008/08/horacije-19.html|Hrvatski]]

===== De arte poetica liber =====
Prijevod: Senc 1920, s. 160.

Humano capiti cervicem pictor equinam\\
iungere si velit et varias inducere plumas\\
undique collatis membris, ut turpiter atrum\\
desinat in piscem mulier formosa superne,\\
spectatum admissi risum teneatis, amici?\\
credite, Pisones, isti tabulae fore librum\\
persimilem cuius, velut aegri somnia, vanae\\
fingentur species, ut nec pes nec caput uni\\
reddatur formae. «pictoribus atque poetis\\
quidlibet audendi semper fuit aequa potestas.»