Marulić, Marko (1450-1524) [1503], In epigrammata priscorum commentarius (), Verborum 25316, Ed. Bratislav Lučin [genre: prosa oratio - commentarius] [word count] [marulmarinepigr].
-- 19v -- 37.2. Kłis Sextilibus : die prima Augusti, qui et Sextilis dicitur.
Consulibus : per consules tempora designabantur. Testament. iur. mili. : militibus
liberam testamenti factionem primus quidem diuus Iulius Cęsar concessit, ut, quoquo modo
testati fuissent, rata esset eorum uoluntas.
[ERROR: no reftable :]Cf. Maph. Veg. 'Militibus liberam' ( cf. Dig. 29,1,1)
Alioqui testamentum non iure factum dicebatur, ubi solennia
iuris deerant.
[ERROR: no reftable :]Cf. Maph. Veg. 'Testamentum aut' (cf. Dig. 28,3,1)
Fundos Baleares : Baleares insulę sunt in mari Hispanico, quod
ab eis Balearicum denominatur. Hi fundi olim maioribus suis dati fuerunt, quando
Hannibal, Carthaginensium dux, ab Italia fuit expulsus. Hos ergo fundos legat Aurelio
Tucidano et simul tacitam pecuniam . Tacitam pecuniam intelligo uel quam ei tacite sine
teste crediderat, uel quam ipse in numerato habebat, non in nominibus, ut tacita sit
quasi non scripta nec in tabulis relata. Via Latina : qua in Latium itur. Porta etiam
Latina dicitur quę ad uiam hanc spectat. Latium uero ea pars Italię est quę inter Alpes
patet et Apeninum, Romaque ipsa cum finibus suis Latii pars est. (Libertus.
Ingenuus) Liberto Aug. uindicia manumisso : inter libertum et ingenuum hoc
differt quod libertus is est qui seruitute liberatus est, ingenuus
Marulić, Marko (1450-1524) [1503], In epigrammata priscorum commentarius (), Verborum 25316, Ed. Bratislav Lučin [genre: prosa oratio - commentarius] [word count] [marulmarinepigr].
|