Cibel, Valentin (c. 1490 - post 1517) [1509], Ad Pannoniam, versio electronica (), Versus 108, verborum 536, Ed. Maria Révész [genre: poesis - carmen] [word count] [cibelvpannonia].
<?xml version="1.0" encoding="utf-8"?>
<TEI xmlns="http://www.tei-c.org/ns/1.0">
<teiHeader>
<fileDesc xml:id="cibel-v-pannonia">
<titleStmt>
<title>Ad Pannoniam, versio electronica</title>
<author key="cibel01">
<name xml:lang="hr">Cibel, Valentin</name>
<date>c. 1490 - post 1517</date>
</author>
<editor>Maria Révész</editor>
<respStmt>
<resp>Hanc editionem electronicam curavit</resp>
<name><ref type="viaf" target="6913774">Neven Jovanović</ref></name>
</respStmt>
</titleStmt>
<editionStmt>
<p>Prema kasnijem znanstvenom izdanju (1939).</p>
</editionStmt>
<extent ana="B">Mg:B Versus 108, verborum 536</extent>
<publicationStmt>
<p>Rad nastao u okviru znanstvenog projekta Profil hrvatskog latinizma,
(Filozofski fakultet Sveučilišta u Zagrebu, Hrvatska). <date>Kolovoza
2012.</date></p>
</publicationStmt>
<sourceDesc>
<bibl>
Régi magyar irodalmi szöveggyűjtemény I.
Ács Pál (1954–), Jankovics József (1949–), Kőszeghy Péter (1951–)
Balassi Kiadó
<relatedItem type="digitalisatum">
<ref type="internet" target="http://www.tankonyvtar.hu/hu/tartalom/tkt/regi-magyar-irodalmi-1/ch15.html">Régi magyar irodalmi szöveggyűjtemény I.</ref>
</relatedItem>
</bibl>
</sourceDesc>
</fileDesc>
<profileDesc>
<creation>
<date when="1509">1509</date>
</creation>
<textClass>
<keywords scheme="biblio/croala-catalogus-aetatum.xml#typ01">
<term>poesis</term>
</keywords>
<keywords scheme="biblio/croala-catalogus-aetatum.xml#aet01">
<term>Litterae renatae (1400-1600)</term>
<term>Saeculum 16 (1501-1600)</term>
<term>1501-1550</term>
</keywords>
<keywords scheme="biblio/croala-catalogus-aetatum.xml#gen01">
<term>poesis - carmen</term>
</keywords>
</textClass>
</profileDesc>
<revisionDesc>
<change>
<name><ref type="viaf" target="6913774">Neven Jovanović</ref></name>
<date>2012-08-27</date>
Početna verzija.
Latinski spellcheck.
</change>
</revisionDesc>
</teiHeader>
<text>
<body>
<div type="poesis-epigramma" met="hendecasyllabus">
<head>AD PANNONIAM</head>
<l>Foelix Pannonia et beata certe es,</l>
<l>Caelo quae frueris sereniore,</l>
<l>Quae omnes fertilitate vincis oras</l>
<l>Mundi nunc gemino sitas sub axe.</l>
<l>5 Nam tu Callaicis paris metalla</l>
<l>Multo nobiliora vel Corintho</l>
<l>Aes purum pretiosiusque fundis</l>
<l>Gratum Deliaco nimis poetae.</l>
<l>Pubes doctior et tua est opimae</l>
<l>10 Terrae viscera, quam Asturum propago</l>
<l>Scrutari atque redire tincta fulvo</l>
<l>Auro continuo frequens labore.</l>
<l>Nulli tu regioni opum secunda es</l>
<l>Maiestate dei favore summi</l>
<l>15 Ob magnae merita atque cultum honorum</l>
<l>Virtutis decorata sic perenne,</l>
<l>Qua semper radias superba dote.</l>
<l>Nec donis Cerealibus cares vel</l>
<l>Solerti minus es potens colono,</l>
<l>20 Cum tu Sardiniae ferocis agros</l>
<l>Et pingues segetum vales acervos</l>
<l>Gargani superare nunc remoti</l>
<l>Campanique soli uberes agellos.</l>
<l>An tu pampineo liquore cuiquam</l>
<l>25 Cedes? aut Latiis nequis Falernis</l>
<l>Concertare animosiore pugna?</l>
<l>Si possis Cilicum anteire colles</l>
<l>Claros vitiferis crocique glebis,</l>
<l>Bacchi copia non parum probati.</l>
<l>30 Nam Methymna tuos timet racemos</l>
<l>Provocare nimis minante vultu</l>
<l>Mamertinaque Setiaeque vina</l>
<l>Dant palmam tibi dulcibusque succis.</l>
<l>Sed quid? nonne tua illa <FONT COLOR="#CC3300"><b>mire</b></FONT> acerbum</l>
<l>35 Audent Sirmica Caecubo duellum</l>
<l>Semper nectareo sapore odora,</l>
<l>Tota quae populi merentur ora.</l>
<l>Laudes Pannoniae haec domant inertes</l>
<l>Curas exhilarantque corda gentis</l>
<l>40 Vere Martigenae chorosque dulces</l>
<l>Suadent ducere cassibus repostis</l>
<l>Et diris clypeis vel ense curvo.</l>
<l>O quae multiplici beatitatis</l>
<l>Fulges munere amica valde tellus,</l>
<l>45 Quis laudes poterit tuas ad unguem</l>
<l>Iusto dicere carminis tenore?</l>
<l>Quae pulchra radias decente gemma,</l>
<l>Duri quae es chalybis referta circum,</l>
<l>Amnes quae vitreos strepente cursu</l>
<l>50 Nutris fonticulis nimis puellis</l>
<l>Caros arvaque flosculis odora.</l>
<l>Marmor Mygdonio paris nitore,</l>
<l>Aequas vel Parium decente vena.</l>
<l>Tu armenti locuples gregisque pulchri</l>
<l>55 Et dives pecoris colore multo</l>
<l>Dantis vellera multiformis usus.</l>
<l>Foelix atque iterum beata tellus,</l>
<l>Nostrae quae fidei decus perenne es,</l>
<l>Gentis Christicolae undecunque asylum et</l>
<l>60 Invictus clypeus, poli sub umbra</l>
<l>Mortali innumeram ambiens catervam:</l>
<l>Tu nomen lachrymabile atque dirum</l>
<l>Turcarum populis rapina adultis</l>
<l>Et iustum sitientibus cruorem.</l>
<l>65 Foelix, quae Hectoream paris virorum </l>
<l>Turbam atque Herculea manu perita</l>
<l>Nutris agmina militum feroci</l>
<l>Mente et quae Ausoniae aemulam coronae</l>
<l>Pubem sola foves, simul Catones</l>
<l>70 Quae iam Scipiadasque prole digna</l>
<l>Aequas lumina Dardanae cohortis</l>
<l>Nam antistes, titulo ecce quem venustat</l>
<l>Quinquecclesia iam infulae sacratae,</l>
<l>Fines irradiat tuos Georgius</l>
<l>75 Alti solis ad instar, coelitum qui est</l>
<l>Natus stemmate, quem parens deorum</l>
<l>Despectat nitidaque fronte ab aula</l>
<l>Coeli stelligeri docentem honori</l>
<l>Cordis consilio rudem popellum</l>
<l>80 Aequi iura, fidem atque iter beatae</l>
<l>Virtutis superas merentis arces</l>
<l>Monstrantem, angelici ac soni adaptantem</l>
<l>Paeana innumeris deorum in aulis,</l>
<l>Thesauros inopum atque largientem</l>
<l>85 Turbae multifluae favente dextra</l>
<l>Et multos iuvenum ingeni Minerva,</l>
<l>Phoebeis habiles vel artibus mox</l>
<l>Tradentem Latiis deabus; hic fons</l>
<l>Et dulce auxilium meae Camoenae est,</l>
<l>90 Hic spes maxima luxque amoena vitae.</l>
<l>O felix iterum et magis beata es,</l>
<l>Quae felicibus emicas alumnis</l>
<l>Ac gentis variae quibus refulcis</l>
<l>Fines, quae Italiam tuis adornas</l>
<l>95 Gazis et generosiore ditas</l>
<l>Natorum numero decus Latinum.</l>
<l>Quos inter nitida nepos Georgi</l>
<l>Vita praesulis optimoque fulgens</l>
<l>Insignitus honore moribusque</l>
<l>100 Est Laurentius; hunc Camoenae adorant,</l>
<l>Hunc et Felsineae potens colit grex</l>
<l>Baptistaeque Pii Thalia tollit</l>
<l>Altis aethereas sonis ad arces.</l>
<l>O Paeonia, si feraciorem</l>
<l>105 Natorum generando talium nunc</l>
<l>Praeberis numerum, volabis ecce</l>
<l>Iam iam Romuleis in orbe toto</l>
<l>Fama notior, clarior. Valeto.</l>
</div>
</body>
</text>
</TEI>
Cibel, Valentin (c. 1490 - post 1517) [1509], Ad Pannoniam, versio electronica (), Versus 108, verborum 536, Ed. Maria Révész [genre: poesis - carmen] [word count] [cibelvpannonia].
|
