Ode F. Andronici in triumpho reuerendissimi atque amplissimi domini Ioannis de Lasko, archiepiscopi Gneznensis, de uictoria inuictissimi Sigismundi, Polonie regis, contra Moscos habito
Grandis immensi pietas Tonantis,
Gentis antiquę miserata casus,
Post tenebrosas lachrimas metumque
Postque procellas
Reddidit clarum nebulis fugatis
Lumen inuicto domino ducique
Nunc Sigismundo placidoque regi
Laude perenni,
Cuius ingentes canimus triumphos
Atque uictrices uiridesque lauros;
Sub tuis, princeps, oculis et alis,
Te duce, Laski,
Turba Polonos uariis honores
Laudibus tollit redigitque in astra
Perstrepens plausu gracilique uoce
Vndique in urbe.
Ipsę[ERROR: no reftable :]Corr. ex Ipse montanę teneras corollas
Simplices Nimphę manibus pudicis
Ingerunt mensis uiolisque miscent
Lilia plenis,
Blanda nec restat Venus et Cupido,
Gratię et Cynthi nemoris puellę
Gentibus dulces meritis lepores
Vsque citantes.

Previous page

Next page

---

Andreis, Franjo Trankvil (1490-1571) [1515], Ode in triumpho reuerendissimi atque amplissimi domini Ioannis de Lasko, archiepiscopi Gneznensis, de uictoria inuictissimi Sigismundi, Polonie regis, contra Moscos habito, versio electronica (), 60 versus, verborum 294, Ed. Bratislav Lučin [genre: poesis - oda] [word count] [andreisfode].

---