Marulić, Marko (1450-1524) [1516], Evangelistarium, versio electronica (), Verborum 155872, Ed. Neven Jovanović [genre: prosa oratio - tractatus] [word count] [marulmareuang].
-- --
Dum parum uirium habet,
non difficulter opprimitur,
sponso in Canticis dicente:
[ERROR: no link :] Cant. ii.
Capite nobis uulpes pusillas |
exterminantes uineas,
et uineę nostrę florebunt.
Cum enim uitiosa extinguitur cogitatio,
animus ad prosequendum uirtutum propositum uegetatur |
et saluberrimis uitę fructibus exhuberat.
Cęterum si malarum cogitationum insultus non ita crebros |
neque ita uehementes pati desyderas,
claude fenestras sensuum tuorum,
per quas mors ad animam ingredi consueuit.
Auerte oculos ne uideant uanitatem.
Sepi aures tuas spinis |
et linguam nequam noli audire.
Pone ori tuo frenos,
ne in uerbo labaris |
neque gulę aliquid ultra necessitatem indulgeas.
Naribus odoramenta luxurię subtrahe.
Manus contine,
ne quem iniuste offendas |
ne-ue quid impudice tangas.
denique modis omnibus obserua et caue,
ne extranei portas Hierusalem ingrediantur, id est animę tuę domicilium.
Et si ingressi fuerint,
cura ut expellantur.
neque malignos cogitatus ibi remorari sinas,
ubi cum inualuerint,
perniciem generant.
Veruntamen sępe fit,
ut ipsi cogitatus etiam inuitis nobis ingerant sese |
et suapte ui ab iis quę iusta atque honesta sunt,
auertere animum nostrum tentent.
[ERROR: no link :] Mar. ii.
ac quemadmodum paralyticus ille in Euangelio,
qui portabatur,
non poterat prę turba offerri Saluatori ut curaretur,
ita nobis cogitationum quandoque officere solet congeries,
ut non quod uolumus,
sed quod
Marulić, Marko (1450-1524) [1516], Evangelistarium, versio electronica (), Verborum 155872, Ed. Neven Jovanović [genre: prosa oratio - tractatus] [word count] [marulmareuang].
|