Marulić, Marko (1450-1524) [1516], Evangelistarium, versio electronica (), Verborum 155872, Ed. Neven Jovanović [genre: prosa oratio - tractatus] [word count] [marulmareuang].
-- -- ait:
[ERROR: no link :] ps. 118
Pax multa diligentibus legem tuam,
et non est illis scandalum.
et alius propheta:
[ERROR: no link :] Baruch 3
Si in uia Dei ambulasses inquit,
habitasses utique in pace super terram.
Vera igitur certa-que et stabilis pax est |
in Dei seruitio adunatorum |
diuina-que sequentium pręcepta Legem-que colentium.
Eorum rete plenum magnis piscibus,
id est eorum concordia uirtutibus perfectionis referta non scinditur.
eorum pacis tunica inconsutilis,
quam a Christo acceperunt,
non diuiditur,
neque scissuras patitur rixarum |
nec tineas inuidię sustinet,
sed Domini pręsidio munita inuiolata illęsa-que perdurat.
tunc felicius et sine fine duratura,
cum de terris transferuntur in cęlum.
ut qui pacifici fuerant,
filii Del fiant et uocentur.
Ad pacem istam capessendam Corinthios hortatur Apostolus dicens:
[ERROR: no link :] Ad Cori. prima I
Obsecro uos, fratres, per nomen Domini nostri Iesu Christi,
ut idipsum dicatis omnes |
et non sint in uobis schismata.
Sitis autem perfecti in eodem sensu |
et in eadem scientia.
Plurimi sane hoc faciendum esse ostendit,
dum cum tanta exigit obsecratione |
et dum adiurat per nomen,
quod est super omne nomen,
testatur fidelibus maxime necessariam esse pacem atque concordiam.
Quod aperte declarat,
ubi ad Hebreos scribens ait:
[ERROR: no link :] XII
Pacem sequimini cum omnibus et sanctimoniam,
sine qua nemo uidebit Deum.
Nequis pręterea generis conditione alteri se pręferens dissidium concitet,
[ERROR: no link :] XII
In uno spiritu omnes nos inquit,
in unum corpus baptizati sumus,
siue Iudei siue gentiles,
siue serui siue liberi |
et omnes in uno spiritu potati sumus.
Intantum autem Dominus fidelium suorum pace delectatur,
ut in salutationibus quoque pacem offerri iubeat dicens:
[ERROR: no link :] Matth. X
Intrantes domum salutate eam dicentes:
Pax huic domui.
Et ipsemet post resurrectionem suam apparens Discipulis:
Pax uobis, inquit.
Et in cęlum ascensurus:
[ERROR: no link :] Io. 14
Pacem relinquo uobis,
pacem meam do uobis.
[ERROR: no link :] Esa. II
Quin etiam tunc in carne nasci uoluit,
cum terrarum orbis cessantibus bellis pacem agitaret,
quando gladii iuxta
Marulić, Marko (1450-1524) [1516], Evangelistarium, versio electronica (), Verborum 155872, Ed. Neven Jovanović [genre: prosa oratio - tractatus] [word count] [marulmareuang].
|
