Andreis, Franjo Trankvil (1490-1571) [1527], Dialogus Sylla, versio electronica. (), Verborum 15372, Ed. Neven Jovanović [genre: prosa oratio - dialogus] [word count] [andreisfsylla].
-- xx -- inuisibiles penitissimis
aditis resident certis legibus et mira uicissitudine emergentes
occidentesque ad continuam rerum propagationem et decorem uniuersitatis
demonstrant in supremis deorum sedibus nihil non agi summa cum sapientia
atque uirtute.
CAES.
Sua cuique opinio blanditur quum ueritas in
occulto est: Cęterum (ut de cęlo in terram oratio deuocetur) pręstantissimi
habiti sunt omnes qui suas cogitationes altissimis in rebus defixas tenuere,
imperiumque, quod animo concępissent, ortu solis et occasu terminauerunt.
Stupidos uero nemo inficiatur, quos humi reptantes nulla rerum illustrium
cupiditas ad gloriam excitauit. Ac mihi quidem uidetur excellentissima ingenia
saltem duabus maximis de causis ad summum niti debere, ne scilicet indignioribus
se pareant tum imperio potiantur: qua re nihil in terris amplius aut pulchrius
hominum potestati natura tribuerit. Quodsi quispiam tacitus haec secum
reputauerit, nequaquam diuersus a mea sententia recedet. Igitur ex antiquis
regibus labente quotidie uita nostra in deterius facile coniectura possumus
assequi quales principes habituri sint mortales. Priscis temporibus, a quibus
hęc ętas degenerauit, rara documenta
Andreis, Franjo Trankvil (1490-1571) [1527], Dialogus Sylla, versio electronica. (), Verborum 15372, Ed. Neven Jovanović [genre: prosa oratio - dialogus] [word count] [andreisfsylla].
|