Grbić Ilirik, Matija (1503/1512 - 1559) [1559], Aristeae historia cum conversione Latina, versio electronica (), Verborum 3353, Ed. Nino Zubović [genre: prosa oratio - historia; prosa oratio - versio] [word count] [grbicmaristea].
-- 21 -- sibi videri eam, cum satis auri habeat, certa
de causa et ratione ista magnitudine constare: propterea non velle, neque debere eam,
cum iusta et commoda sit, transgredi et transmutare. Sed dixit se aliam initurum
rationem, ac curavit ut quamplurimum ingenii et artificiosae operae in eam conferretur.
Nam ut erat ingenio solerti ad rerum formas et imagines concipiendas, omnia ipse
accurate perpendendo, ad speciem venerandam excogitabat. Et quidem quae coelata debebant
esse, illa iubebat facere quam speciosissime: quae vero plana et nullo coelo exornata,
illis modum suum convenientem praecipiebat adhibere. hinc longitudine duorum cubitorum,
altitudine autem unius et semis, eam extruebat, undique ex auro probato solidam, non
foliaceo extrinsecus circumvoluto obductam. Coronam autem palmarem circumdederunt.
Plegmata vero et reticula circum labia et extremitates erant contorta ad modum
funiculorum, in quibus supra modum mirabile artificium torni ex tribus lateribus erat.
nam figura triangulari erant, et a quaque parte
Grbić Ilirik, Matija (1503/1512 - 1559) [1559], Aristeae historia cum conversione Latina, versio electronica (), Verborum 3353, Ed. Nino Zubović [genre: prosa oratio - historia; prosa oratio - versio] [word count] [grbicmaristea].
|