150. 1591. listopad 16. Sisak KAZ, ACA fasc. 27, nr. 11/16. Izvornik Reverendi domini et patres colendissimi, praemissa salute, officiorum nostrorum commendationem.

Quotquot numero levari poterint ex provincia nostra milites, curabimus fieri ut ad praefixum diem et locum, prout iubent reverendae dominationes vestrae, sint parati cum sufficienti commeatu. Veremus tamen ne omnes compellere possimus qui arma capere possunt: nam usque hunc diem nocte dieque natantia milia educi et exportari ex aquis coguntur, ne pereant. Nichilominus ut et vestrarum reverendarum dominationum voluntati et domini bani desiderio satisfacit, incumbemus diligenter competentem numerum virorum mittere.

Cum his reverendas dominationes vestras felicissime valere optamus. Sciscii in die sancti Galli abbatis 1591. Reverendarum dominationum vestrarum servitores deditissimi, spani Sciscienses. A tergo: Reverendis dominis capitulo ecclesiae Zagrabiensis etc., dominis et patronis colendissimis.

151. 1591. listopad 21. Sisak KAZ, ACA fasc. 27, nr. 11/17. Izvornik Reverende domine et frater amantissime, salutem et fraterni officii oblationem.

Quid causae sit quod venerabìie capitulum a me decimas exigat, nescio; peto reverenda dominatio vestra velit mihi succurrere. Si forsan praetendit alienas vineas me coluisse, sane male sentit si ideo decimari debeo. Nam numquam mea memoria aliquis canonicorum, si quascunque vineas coluisset, decimas soluit. Rem non exaggerabo pluribus, hoc unicum peto ut reverenda

Previous page

Next page

---

Auctores varii (1590) [1590], Epistolae Siscienses, versio electronica (), Verborum 11.224 (pro tem), Ed. Josip Kolanović [genre: prosa oratio - epistula] [word count] [aavvsisakepist].

---