Ioannis Vaticinium obitus, et exequię 48 Particula Tertia
Ioannes canis rugisque senilibus albam
Ornarat faciem, meritis ornatior amplis,
Et senium diri oppressit violentia morbi
Iamque dolor laterum fragiles consumpserat artus
5 Parcarumque diem senior cernebat adesse.
Advocat ergo greges hominum iam morte propinqua.
Quos proprius stantes lacrymis affatur obortis:
"Chara mihi soboles, animę pars intima nostrę,
En me fata vocant, oculis ac denique vestris
10 Subtrahor et Stygię persolvo debita morti.
Nunc igitur vidui solertem querite vobis
Pontificem, Sophia et vitę integritate potentem.
Vos mihi aspectu dulcis tueatur Iesus.
Ne ve salus vobis vitę, neu copia rerum
15 Desit: ager pinguis, pecudes sint ubere pleno.
O mihi si Dominus stellantes annuet arces,
Quantum vos precibus, quantoque favore iuvabo;
Vos etiam nostri memores estote precantes.
Hortor ut ignito nexo vivatis amore,
20 Quo succensa Deo proles ęquęva parenti
84v Huc humilis venit mortalesque induit artus
Crudeli ut lapsum repararet funere mundum. 50
Cernitis ut fragilis tenuique similima rori est
Vita hominum, ut violis citius pretervolat albis.
25 Annis heroes vivebant millibus olim,
Ceu prisce referent Hębręa volumina legis,
Tandem completis effluxit cursibus aetas; *
Fluxerunt reges quorum orbis sceptra timebat.
Quare agite, ad placidam cęlo properate quietem
30 Vosque parate mori: Lachesis fatalia vertit
Fila manu et penitus vivis excedere oportet."
Sic ait, hinc vates casum pręnunciat urbis:
"Post vestra exurgent sceleratę sęcula gentes
In quas irata exercebunt numina pęnas;
35 Quin Sythicus miles Traguri dominabitur urbe,
Męnia disiiciat captosque abducet alumnos; 52
Post longum vero exilium patria arva revisent
Constituentque novas arces et męnia circum,
Martiaque arma geret genus insuperabile bello."
40 Lassus erat lingua et defecit spiritus ori.
Tunc omnes aula turbas exire benignus
Obsecrat extremumque valere gementibus edit.
Binos dumtaxat vita fugiente sodales
Adiunxit coramque parens adsistere iussit.
85r 45 Dein se divinis commisit mentibus orans:
"Christe salus hominum et generis custodia nostri,
Adami duros quondam miserata labores,

Previous page

Next page

---

Mladinić, Sebastijan (c. 1561 - c. 1621) [1590], Vita beati Ioannis episcopi Traguriensis, versio electronica (), Verborum 4659, versus 746, Ed. Mladen Ivanišević [genre: poesis - epica; poesis - epigramma; poesis - ode; prosa - epistula - praefatio] [word count] [mladinicsvita].

---