THIENEIDOS LIBER QUARTUS.
1 Extollat varia meriti quod laude Thienem,
Sacrilegum, Romae quia iniquum, dicere bellum
Incipiam. Dives spoliis, opulenta potentum
Regnorum exuviis, populorum, Orbisque subacti
Luxurians opibus, tot fractis gentibus ingens
Roma; cui augustis fuerat spectata triumphis
Ipsa superborum famulari gloria regum;
Exemplo monuit, docuitque extranea tali
Arma, etiam se posse capi: proprio ense sarissas
Hostiles acuit, crudam sudore Latino
Barbariem fovit, subtractum gentibus aurum
Depositi lege occuluit, quod postea, ferro
Fusae olim, ferro urgerent sibi reddere gentes.
2 Primus erat gelida veniens Alaricus ab Arcto;
Romam hic posse capi, praedatricemque subacti
Orbis, praedam etiam fieri potuisse, probavit.
Debuerat primum calcare Arctoa Latinam
Ursa Lupam; ut tantam, proprii vi frigoris, auri

Previous page

Next page

---

Vičić, Kajetan (?-ante 1700) [1686], Thieneidos libri sex, versio electronica (), 5415 versus, verborum 33672, Ed. Gorana Stepanić [genre: poesis - epica] [word count] [vicickthien].

---