Admoniti properant fugiendo evadere fata.
Non ego si centum solido aere sonantia linguis 160
Guttura cum totidem Briareus vocalis haberem;
Ingeniumque mihi rapido torrentius amne
Eloquii immensis in carmina fontibus iret;
Quae dedit illa dies, variae ludibria sortis,
Multiplicesque vias, et tot nova nomina lethi 165
Expediam cantu, aut dignis ploratibus aequem.
Sic habet. Immitis nostro, Fortuna, labore
Pascere, corque ferum caesis tot millibus exple:
Occidimus; versa est Epidauri gloria. Laetos
Ducere quid cessas misera de gente triumphos? 170
Vicisti. Cur vero? Haud sic temeraria coeco
Turbine volvuntur fata, ut tibi vertere fundo
Immeritas liceat, prout jusserit impetus, Urbes.
Quondam etiam faciles miserorum injuria Divos
Sollicitat, Parcaeque horrenda retraxere gaudent 175
Licia. Quid solidas naturae impellere partes
Profuit, et caecum in tecta effudisse furorem?
Ringere: nil furiis actum et molimine tanto:
In cassum cecidere minae: Manet ecce superstes
Cladibus, et longum invidia plorante manebit 180
Antiquus decor: ipsa novas injuria vires
Suggerit. Ac veluti per acutae vulnera falcis
Et variam caedem subolescere laetius arvis
Cernimus, inque novos foetus, et munera vitae
Sufficere: ut Palmis nitentia pondera contra 185

Previous page

Next page