Rogačić, Benedikt (1646 - 1719) [1690], Proseucticon de terraemotu (, Rim), 300 versus, 1974 verborum, Ed. Gorana Stepanić [genre: poesis - epica; poesis - carmen] [word count] [rogacicbproseuct].
-- 13 --
Formabunt citharis, vocalibus inspirabunt
Cannis, immo tubis, Cyrraeque per omnia Cosmum
Antraque, littoraque, et nemorum secreta sonabunt:
Cosmum alti sopuli referent, nemora avia Cosmum.
Sed tua nil stimulis eget, aut hortamine Virtus 270
Ipsa sibi calcar, neque te mortalia tangunt
Praemia, vel sermone hominum, plausuque moveris,
Maxima cui fecisse videntur praemia facti.
Et nunc quod seri tandem post altera lustra
Ad tua detulimus miseros altaria questus 275
(Is pietatis honos, adeo tibi prompta voluntas)
Objurgas trepidum, et cessantem in vota pudorem
Teque morâ laesum quereris, reliqua omnia mitis
Supplicibus, solum indignans quod sero rogaris.
Macte animis, Heros, tantis! Haec gloria nempe 280
Mortalem immiscet Superis: benefacta per orbem
Sublatis monstris, debellatisque tyrannis
Alcidem (unde tibi genus, et sublimis origo)
Sacrarunt caelo: quem frustra insanus honorem
Regnorum excidiis, et tanto sanguine mundi 285
Quaesivit Macedo. Nimirum perdere letho
Non magnae virtutis opus: leo, vipera, tigris
Tantum etiam possint: letho eripuisse Deorum est.
Quod si per clades varias, et tristia rerum,
Te tantum nobis assertorem astra parabant, 290
Nec parvo constare caducae debuit urbi
Grande patrocinium, saevis en [ea] crimine fatis
Rogačić, Benedikt (1646 - 1719) [1690], Proseucticon de terraemotu (, Rim), 300 versus, 1974 verborum, Ed. Gorana Stepanić [genre: poesis - epica; poesis - carmen] [word count] [rogacicbproseuct].
|