Petrović, Vice [1743], Amissa uxore orbitatem suam rursus deflet, versio electronica (), verborum 688, versus 96, Ed. Đuro Körbler [genre: poesis - elegia] [word count] [petrovicvamissaux].
<?xml version="1.0" encoding="UTF-8"?>
<TEI xmlns="http://www.tei-c.org/ns/1.0">
<teiHeader>
<fileDesc xml:id="petrovic-v-amissa-ux">
<titleStmt>
<title ref="petrovic-v-amissa-ux.opus.9084581936537849">Amissa uxore orbitatem suam rursus deflet, versio electronica</title>
<author ref="petrov02" key="petrov02">
<name xml:lang="hr">Petrović, Vice</name>
(1677-1754)
</author>
<editor xml:id="DK"><ref target="15157187" type="viaf">Đuro Körbler</ref></editor>
<respStmt>
<resp>Electronice descripsit</resp>
<name xml:id="FS">Filip Šarić</name>
</respStmt>
<respStmt>
<resp>Edidit et editionem electronicam praeparavit</resp>
<name xml:id="NJ"><ref type="viaf" target="6913774">Neven Jovanović</ref></name>
</respStmt>
</titleStmt>
<editionStmt>
<edition>Prijepis starijeg znanstvenog izdanja (1911).</edition>
</editionStmt>
<extent ana="B">Mg:B verborum 688, versus 96</extent>
<publicationStmt>
<p>elektronska verzija:
Humboldt Chair of Digital Humanities,
University of Leipzig - Erasmus student training
<date>Ožujka 2014.</date>
</p>
</publicationStmt>
<sourceDesc>
<bibl>Đuro Körbler, Vićentije Petrović Dubrovčanin (1677.-1754.), Rad 186, Zagreb 1911.
In obitu uxoris, quae decessit V.
Non. Jul. ante horam III. pomeridianam anno sal. MDCCXLIII
</bibl>
</sourceDesc>
</fileDesc>
<profileDesc>
<creation>
<date notBefore="1743-07-03">post 1743-07-03</date>
</creation>
<textClass>
<keywords scheme="biblio/croala-catalogus-aetatum.xml#typ01">
<term>poesis</term>
</keywords>
<keywords scheme="biblio/croala-catalogus-aetatum.xml#aet01">
<term>Litterae recentiores (1600-1850)</term>
<term>Saeculum 18 (1701-1800)</term>
<term>1701-1750</term>
</keywords>
<keywords scheme="biblio/croala-catalogus-aetatum.xml#gen01">
<term>poesis - elegia</term>
</keywords>
</textClass>
</profileDesc>
<revisionDesc>
<change>
<name><ref type="viaf" target="6913774">Neven Jovanović</ref></name>
<date>2014-03-20T22:58:12.273395473</date>
Prva TEI XML verzija. Latinski spellcheck.
</change>
</revisionDesc>
</teiHeader>
<text>
<body>
<div type="poesis-elegia" met="elegiacum">
<head>
Amissa uxore orbitatem suam rursus deflet
</head>
<l n="1">Conjugis ut carae patrio mens debita caelo</l>
<l n="2"> Pars melior, miseram laeta reliquit humum:</l>
<l n="3">Postquam, illa rapta, simul omnis rapta voluptas</l>
<l n="4"> Est mihi (jam ex illo tempore mensis abit)</l>
<l n="5">Non nisi perpetuos fundunt mea lumina fletus;</l>
<l n="6">Lux sequitur noctem tristis, et umbra diem.</l>
<l n="7">Pabula sunt <sic>lacrymae</sic>, <sic>lacrymae</sic> sunt pocula, sed quae</l>
<l n="8"> Plus, Medea, tuo gramine fellis habent.</l>
<l n="9">Sic me qui pascit, simul enecat humor, et hospes</l>
<l n="10"> Ipse mei cordis, cor mihi luctus edit.</l>
<l n="11">Ac veluti turtur, sociam cui barbarus auceps</l>
<l n="12"> Exceptam structis perdidit insidiis,</l>
<l n="13">Si quam forte videt sine vite, et frondibus ulmum,</l>
<l n="14"> Aequalem sorti, consimilemque suae,</l>
<l n="15">Flectit iter, ramoque sedens miserabilis ales</l>
<l n="16"> Gutture subrauco nil nisi triste gemit.</l>
<l n="17">Non illum exhilarat facies pulcherrima Veris,</l>
<l n="18"> Nulla sibi in notis pabula quaerit agris:</l>
<l n="19">Non sociae possunt volucres abducere ramo,</l>
<l n="20"> Ad prope labentes non sitis urget aquas.</l>
<l n="21">Sic ego. Sic vitam sine te, dulcissima conjux,</l>
<l n="22"> Si vitae haec nomen vita meretur, ago.</l>
<l n="23">Sola queri misero, sola est mihi flere voluptas,</l>
<l n="24"> Sola loci facies maesta, silensque placet.</l>
<l n="25">Non aures cantus, non fila loquacia mulcent;</l>
<l n="26"> Non oculos formae gratia, flosque rapit.</l>
<l n="27">Unam te in sylvis, unam in florentibus hortis,</l>
<l n="28">Per juga, per valles quaero, nec invenio.</l>
<l n="29">Nec magis Eurydice est Vati quaesita marito,</l>
<l n="30"> Tartareum quamvis viderit ille canem:</l>
<l n="31">Nec magis est Cephalo Procris defleta, videnti</l>
<l n="32"> Deceptae errorem, flagitiumque manus;</l>
<l n="33">Quam totas ego te noctes, mea vita, diesque</l>
<l n="34"> Quaero, nec inventam maestus abesse queror.</l>
<l n="35">Et tamen ante oculos errat tua semper imago,</l>
<l n="36"> (Quid non fingit amans?) et tua verba sonant.</l>
<l n="37">Si qua avis in densis, Siren innoxia, lucis</l>
<l n="38"> Est audita mihi fundere dulce melos,</l>
<l n="39">Sisto gradum, et similis deceptus imagine vocis</l>
<l n="40"> Est, inquam, est cantus conjugis ille meae.</l>
<l n="41">Si quando ad fontes, aut ad vernantia prata,</l>
<l n="42"> Aut maris ad placidas me tulit error aquas,</l>
<l n="43">Hic locus est, dico, quem visere saepe solebat.</l>
<l n="44"> Quae mora (jam sol est ortus) abesse facit?</l>
<l n="45">Sed jam jam veniet; latet illa forte sub umbra,</l>
<l n="46"> Aut illi pietas est sua causa morae.</l>
<l n="47">Causa morae est certe pietas: nisi fallimur, haec est,</l>
<l n="48"> Fundentem ad superos quae videt hora preces.</l>
<l n="49">Mox sat ut illusum me liquit amabilis error,</l>
<l n="50"> Protinus ex oculis bina fluenta cadunt.</l>
<l n="51">Bina fluenta cadunt, quorum hinc dolor elicit unum,</l>
<l n="52"> Inde aliud, tanti causa doloris, amor.</l>
<l n="53">Meque ipsum incuso, quod sim tam stultus, et amens,</l>
<l n="54"> Et pascam aerumnas crudelitate meas:</l>
<l n="55">Rursus in errores tamen hos delabor, et hujus</l>
<l n="56"> Erroris rursus paenitet esse reum.</l>
<l n="57">Sic pugnant mea vota meis contraria votis,</l>
<l n="58"> Nec placet, heu! misero quod modo dulce fuit.</l>
<l n="59">Nec quod sim discors, angit modo; saevius angit</l>
<l n="60"> Vivere me longos te sine posse dies.</l>
<l n="61">Ah! ubi sunt voces illae, et mea fortia verba?</l>
<l n="62"> Ah! ubi, quae verbis debet inesse, fides?</l>
<l n="63">Me quoque rapturam subito, quae te hora tulisset,</l>
<l n="64"> Et pariter praedam mortis utrumque fore?</l>
<l n="65">Ecce tamen vivo, nec post nova cornua Phoebes</l>
<l n="66"> Vis me maeroris perdere longa potest.</l>
<l n="67">Heu! quae dura silex, quod inexsuperabile robur,</l>
<l n="68"> Quod ferrum, et triplex aes mihi pectus obit?</l>
<l n="69">Vivo equidem, vivo, sed morte est tristior ipsa,</l>
<l n="70"> Quae sine te, conjux, vita relicta mihi est.</l>
<l n="71">At tu nunc choreis Natorum immixta tuorum,</l>
<l n="72"> Qui (prona) facili ad Superos te praeiere (via) gradu,</l>
<l n="73">Plena Deo frueris, nec, quae tibi parta, bonorum</l>
<l n="74"> Amittendorum te timor ullus habet.</l>
<l n="75">Nam tua non tristes pietas te duxit in oras:</l>
<l n="76"> Debetur sedes non nisi laeta piis.</l>
<l n="77">Te plaga (credo equidem) summi plaga lucida caeli,</l>
<l n="78"> Te laeta aeterno vere vireta tenent.</l>
<l n="79">Ipsum ipsum Auctorem rerum, quem qui videt, ultra</l>
<l n="80"> Nil habet optandum, jam sine nube vides.</l>
<l n="81">Usque et ubique vides, at non saturata videndo</l>
<l n="82"> Illo oculos pascis; pressa sed usque fame es.</l>
<l n="83">Te vis implet opum, sed non (licet impleat) explet;</l>
<l n="84"> Excipit unum aliud, <FONT COLOR="#CC3300"><b>subsequiturque</b></FONT> bonum.</l>
<l n="85">Non te humiles curae, non te mortalia tangunt;</l>
<l n="86"> Prae caelo, et stellis quam tibi sordet humus!</l>
<l n="87">Sordet humus certe. non sic tamen, ut tua nunquam</l>
<l n="88"> Ad miserum flectas lumina blanda virum;</l>
<l n="89">Audire aut flentem fugias, et saucia flentis,</l>
<l n="90"> Qua licet, admota corda fovere manu;</l>
<l n="91">Iactatumque diu ventisque undisque vocare</l>
<l n="92"> Ad laeta Eridani littora stelliferi.</l>
<l n="93">Quam tua sors felix, quam nostra simillima morti est,</l>
<l n="94"> Felle ego, tu Divum vesceris ambrosia.</l>
<l n="95">Non tamen invideo tua gaudia, sed miser opto,</l>
<l n="96"> Laetitiae consors quam prius esse tuae.</l>
</div>
</body>
</text>
</TEI>
Petrović, Vice [1743], Amissa uxore orbitatem suam rursus deflet, versio electronica (), verborum 688, versus 96, Ed. Đuro Körbler [genre: poesis - elegia] [word count] [petrovicvamissaux].
|
