Stans medio in coetu lites componere gaudet.
Regibus idcirco mentis prudentia maior
Indita, uti raptas res cogant reddere cives
Leniter insanae placantes iurgia linguae.
100 Hinc et quum cernunt spatiantem forte per urbem,
Numinis in morem taciti venerantur: at ille
Gaudet ovans, aliosque inter supereminet omnes.
Magnum homini Musae decus addunt: namque per ipsas,
Perque procul Phoebum iaculantem spicula, vatum
105 Fama viget cantuque potens citharaque sonanti.
Ab Iove sunt reges: felix sed et ille, Camoenae
Quem meritum donis augent, et amore tuentur.
Olli vox dulcis fluit ore, et suavior ipsa
Liquitur ambrosia. nam si quis corda recenti
110 Saucius heu luctu curis tabescat acerbis,
Musarumque comes veniat, veterumque disertus
Facta virum divosque attollere laudibus instet,

106 Ab Iovc sunt reges etc. Quemadmodum primus inter deos honore Iupiter est, ita reges inter homines. Idcirco etiam dicti sunt SloyeveHg quasi geniti love, et hoTPEtteiq & Iove nutriti.

108 Olli vox dulcis etc. Homerusne ab Hesiodo, an Hesiodus ab Homero hanc loquutionem accepit, qui in Iliad. A. ait de Nestore iuxta versionem vere Virgilianam mei Cunichii:

» Cui vox manabat ab ore
» Suaviloquo iucunda, ipso dulcis mage melle etc.