Hesiodus; Zamanja, Bernard (1735-1820) [1785], Hesiodi Ascraei opera, versio electronica (), 2747 versus, verborum 58425 [genre: poesis - versio; poesis - epica; poesis - elegia; poesis - carmen; prosa - epistula; prosa - commentarius] [word count] [zamagnabhesiod].
-- RA1-PA17 --
135 Ille graves curas abigens, hominumque deumque
Imperio subigens prudentem in pectore mentem.
Nigra Chao sata Nox, Erebusque: at maximus Aether,
Atque Dies e Nocte sati, quos edidit ipsa
Mixta Erebo, postquam vasta concepit in alvo.
140 Terra autem genuit Stellis ardentibus aptum
Caelum, quo fuso tegeretur desuper omnis,
Ac sua firmarent stabiles vestigia divi.
et ipse apud Aristophanem productus est ab ovo illo ventoso: apud Hesiodum
improductus est, ut Chaos, ut Terra, ac Tartarus. Quae quatuor a quo sunt genita,
plane ignoramus ope huius Theogoniae, nisi fortasse ipsa statuantur r\ $ti]Uaf>y{x.7)
Svvccjak; , quum ex
nihilo nihil etc.
137 Nigra Chao sata Nox etc. Prima haec
est omnium generatio sine ullius, ut apparet, admixtione. Neque enim necesse erat,
ut res quae in privatione lucis consistunt, ab alio quam a solo Chao, informi illo
ac tenebricoso spatio, exordium ducerent. Porro Nox et Erebus idem est, si vocis
vim spectes; nam et Moysi hereb aut erbo tenebrae sunt.
138 Atque Dies e Nocte etc. Aether seu
serenitas et dies ipse ex Nocte Ereboque prodierunt. Ne quaeras, qua ratione ex
rebus, immo ex non rebus, res omnino contrariae ac diversae exstiterint? Satis est
scire, lucem post tenebras exortam ita, ut diei nox respondeat, ereboque
aether.
140 Terra autem etc. Id recte, inquit
Clericus, nam et Moy— ses post terram caelum formatum docet. Videtur autem
Terra per Hesiodum nullius concubitu indiguisse, ut caelum montes speluncas
pelagus, pontumque produceret, contra quam factum est in ceterarum rerum
productione.
Hesiodus; Zamanja, Bernard (1735-1820) [1785], Hesiodi Ascraei opera, versio electronica (), 2747 versus, verborum 58425 [genre: poesis - versio; poesis - epica; poesis - elegia; poesis - carmen; prosa - epistula; prosa - commentarius] [word count] [zamagnabhesiod].
|