Hesiodus; Zamanja, Bernard (1735-1820) [1785], Hesiodi Ascraei opera, versio electronica (), 2747 versus, verborum 58425 [genre: poesis - versio; poesis - epica; poesis - elegia; poesis - carmen; prosa - epistula; prosa - commentarius] [word count] [zamagnabhesiod].
-- RA1-PA28 --
230 Divorum in coetus gradientem, arcesque beatas.
Hae subito laudes, haec illi munera certa
Sorte data, in terris inque alta sede deorum
Virgineos curare choros, risusque, iocosque,
Gaudiaque, illecebrasque, astusque, et dulcia furta.
235 At gnatos genitor saevus, quos ipse crearat,
Increpitans, diro Titanas nomine dixit,
Obiecitque nefas ingens, sumptumque nefandi
Supplicii crudele genus, quod sanguine quondam
Vltus, et immani miserorum caede piabit.
240 Nox autem Fatumque ferum Parcamque tremendam
231 Hae subito laudes etc. Idest
ante Iovis regnum haec illi fuit cura demandata, ut iuvenum puellarumque
voluptatibus praeesset, resque amatorias administraret. Multa enim munera
Saturno devicto antiquissimis deorum a Iove conservata, multa etiam addita,
quae ante non habebant, ut mox videbimus, ubi de Hecata sermo erit.
235 At gnatos genitor etc. Docet
Hesiodus, a patre Caelo filios esse dictos Titanes a,7to rov rirctiveiVy quod est plectere, quod nimirum ausi sunt in
patrem manus iniicere. A Callimacho autem multisque aliis poetis Titanes
dicti sunt ynyeveiq et 7tr\\6yovoi e terra seu luto geniti,
quod cum phoenicia explicatione nominis consentit nam Tit est lutum. Quum addit porro:
» Quod sanguine quondam »
Vltus, et ingenti miserorum caede piabit. alludit ad bellum, quod
contra Iovem gessuri erant, et in quo victi fugatique aeternis erant in
Tartaro suppliciis cruciandi.
240 Nox autem Fatumque ferum etc. Si
haec tot tantaque monstra regnante Saturno Nox edidit, recte petit Clericus,
quando illa
Hesiodus; Zamanja, Bernard (1735-1820) [1785], Hesiodi Ascraei opera, versio electronica (), 2747 versus, verborum 58425 [genre: poesis - versio; poesis - epica; poesis - elegia; poesis - carmen; prosa - epistula; prosa - commentarius] [word count] [zamagnabhesiod].
|