Pugnavere diu se inter certamine magno
Titanesque, dei ac Saturno rege creati.
Insedere Otryn Titanes; Olympia divi
Culmina, dives opum Saturni et pulcra comantis
705 Progenies Rheae. sic annos ordine denos
Alterni valido certarunt robore et aestu
Ancipiti ardentes. non his fuga nota, nec illis;
In longum aequali ducebant praelia Marte.
Sed quando ambrosiamque et dulces nectaris haustus,
710 Queis Superi vescuntur, eis Saturnius auctor
Praebuit, extemplo cunctis vis addita maior,
Atque animis arsere omnes. caelestibus auctos
Tum dapibus tali est affatus Iupiter ore.
O Terrae ac vasti clarissima germina Caeli

cumseptos atque in vincula coniectos, venisse cum magna Cretensium multitudine, Titanumque ac filios eius pugnando vicisse, parentes vinculis exemisse, patri regnum reddidisse; atque in Cretam remeasse. Post haec deinde Saturno datam sortem, ut caveret, ne eum filius e regno expelleret •. illum, elevandae sortis atque eflugiendi periculi gratia, insidiatum Iovi, ut eum necaret. Iovem, cognitis insidiis, regnum sibi denuo vindicasse ac fugasse Saturnum, ex Thessalia nimirum. Hactenus Lactantius. Itaque primum bellum Iovis fuit pro Saturno ac Rhea coatra Titanes -, alterum pro se contra eosdem Titanes Saturnumque eorum regem: utrumque videtur gestum in Thessalia, quae erat victoris praemium. De primo bello nihil Hesiodus; de secundo longam heic atque elegantem subiicit descriptionem. 714 O Terrae ac vasti etc. Iovis alloquutio ad Titanas et prae