Hesiodus; Zamanja, Bernard (1735-1820) [1785], Hesiodi Ascraei opera, versio electronica (), 2747 versus, verborum 58425 [genre: poesis - versio; poesis - epica; poesis - elegia; poesis - carmen; prosa - epistula; prosa - commentarius] [word count] [zamagnabhesiod].
-- RA1-PA82 --
750 Vtrique. horrendum sonuere ingentia ponti
Aequora, congemuit tellus, caelumque superne;
Atque pedum crebro pulsu, telisque furentum
Impete Caelicolum tremuere cacumina Olympi
Sedibus ex imis convulsa. immissus in ipsa
755 Pervenitque tremor nigrantia tartara, et ingens
A pedibus, iactisque una fragor excitus armis,
Omniaque indomito penitus concussa tumultu.
Sic illi alternos geminabant ictibus ictus
Sese inter congressi, et sidera ad aurea clamor
760 Ibat utrinque hortantum, et utrinque in bella ruentum.
Nec sibi iam genitus Saturno temperat; ira
Suscitat incendens animos, atque exerit omnem
Virtutem: summi gradiens per culmina Olympi
Saevit, et ardenti iaculatur fulgura dextra
765 Igneus. ingenti tonitru delapsa ruebant
Fulmina crebra, sacras circum volventia flammas,
Terrifica sub nocte. solum late aestuat omne
761 Nec sibi iam genitus etc. Quid hac
Iovis pugnantis descriptione magis poeticum atque illustrius excogitari fingique
potest? Terribilis sane est et Hector ad naves Graecorum pugnans, et Achilles ad
Xanthum Troianos persequens; sed haec heroum pugna. Iove autem crebro fulminante,
caelum, tellus, maria, omnia denique concuti ac conflagrare videntur. Nae illi,
qui ad poesim se dedunt, maie sibi consulunt, si negligant exemplaria graeca nocturna versare mavn, versare diurna.
Hesiodus; Zamanja, Bernard (1735-1820) [1785], Hesiodi Ascraei opera, versio electronica (), 2747 versus, verborum 58425 [genre: poesis - versio; poesis - epica; poesis - elegia; poesis - carmen; prosa - epistula; prosa - commentarius] [word count] [zamagnabhesiod].
|