Hesiodus; Zamanja, Bernard (1735-1820) [1785], Hesiodi Ascraei opera, versio electronica (), 2747 versus, verborum 58425 [genre: poesis - versio; poesis - epica; poesis - elegia; poesis - carmen; prosa - epistula; prosa - commentarius] [word count] [zamagnabhesiod].
-- RA1-PR7 --
non vulgaris doctrinae luminibus distincta liquido ostendunt, id solum pro
comperto habeatur. Haec autem maximos eum fecisse progressus et in ea philosophiae
parte, quae ad astrorum pertinet scientiam, quamque in rebus georgicis pertractandis
passim adhibet; et in ea, quae ad res divinas mundique spectat opificium, quamque
allegoriis involvit potius quam exornavit in Deorum generatione; et in ea demum, quae
versatur in moribus vitaque recte instituenda in hominum societate, cuiusque
praecepta optima ubique tradit, clarissime certissimeque docent. Fuit praeterea in
rerum nominumque antiquitate scientissimus, et in carminum sono ad aurium voluptatem
accommodando plane admirabilis: ut eum recte dixerit Dionysius Halicarnassaeus et
voluptatis et aequabilis dictionis et verborum collocationis vehementer studiosum; et
Velleius Paterculus vocaverit perelegantis ingenii virum et mollissima dulcedine
carminum memorabilem; et ipse Fabius Quinctilianus, quamvis neget eumdem crebro
assurgere, quod Homeri proprium est, tamen fateatur utiles habere circa praecepta
sententias, lenitatemque verborum et expositionis probabilem, palmamque in illo
mediocri genere
Hesiodus; Zamanja, Bernard (1735-1820) [1785], Hesiodi Ascraei opera, versio electronica (), 2747 versus, verborum 58425 [genre: poesis - versio; poesis - epica; poesis - elegia; poesis - carmen; prosa - epistula; prosa - commentarius] [word count] [zamagnabhesiod].
|