Rastić, Džono; Appendini, Franjo Marija; Zamanja, Marija; Zamanja, Bernard; Ferić, Đuro; Appendini, Urban (1755-1814; 1768-1837) [1816], Carmina, versio electronica (), Versus 6583, verborum 46647, Ed. Neven Jovanović [genre: poesis - satura; poesis - elegia; poesis - epistula; poesis - carmen] [word count] [rasticdzc].
-- XVII -- delectus et Latinae elocutionis ratio. Noverat enim
ipse, quam dedeceret coctam jam crambem recoquere, et res alienas alienis servili more
coloribus adumbrare. Ex duplici itaque fonte res dicendas hauriri posse arbitratus est, ex
hodiernis nimirum moribus, qui, ut alibi, sic etiam Ragusae a pristina severitate longe
recesserant, atque ex lectione romanensium, uti ajunt, fabularum: quarum usus, modo
sapiens sit, rem comicam et satyricam valde promovet exornatque. Inter has fabulas in
deliciis eas habuit praesertim, quibus titulus, Istoria del famoso predicatore Fray
Gerundio de Camperas, alias Zotes et don Chisciotte della Mancia. Eas ut
delibaret utilius, Hispanam linguam sibi discendam putavit. Ex Anglicis vero laudabat
fabulam Fristum Ghandy nuncupatam, et libros Spectatoris, e quo
integrum Satyrae octavaedecimae argumentum.
Vitia nimium generatim persequi insulsum duxit Junius. Quare Juvenalem potius, et
praecipue Persium quam Horatium sequutus in hac re ea praesertim in vitiis notare studuit,
quae tunc temporis maxime dominarentur. Novum illi inauditumque videbatur, homines quo
tempore ingenio morumque elegantia se sapientiae apicem tetigisse gloriabantur, eos ita
insanire,
Rastić, Džono; Appendini, Franjo Marija; Zamanja, Marija; Zamanja, Bernard; Ferić, Đuro; Appendini, Urban (1755-1814; 1768-1837) [1816], Carmina, versio electronica (), Versus 6583, verborum 46647, Ed. Neven Jovanović [genre: poesis - satura; poesis - elegia; poesis - epistula; poesis - carmen] [word count] [rasticdzc].
|