Croatiae auctores Latini: inventa |
domum | qui sumus | textus | auxilia | tolle, lege! | |
Rastić, Džono; Appendini, Franjo Marija; Zamanja, Marija; Zamanja, Bernard; Ferić, Đuro; Appendini, Urban (1755-1814; 1768-1837) [1816], Carmina, versio electronica (), Versus 6583, verborum 46647, Ed. Neven Jovanović [genre: poesis - satura; poesis - elegia; poesis - epistula; poesis - carmen] [word count] [rasticdzc].
ELEGIA VI. QUERELA SENECTUTIS
Hei mihi! purpureae species optata juventae Diffugit nostris non reditura genis! Jam subit et plenis aetas maturior annis: Heu fuimus juvenes! jam juvenile virum Nil decet. Heu lusus nostrique valete lepores, et vos dilectae carmina nota lyrae! Ut breve luteolis ver est hyacinthis, utque Non duraturo vivit odore rosa, Sic quoque prima meae, sic effluxere juventae Praecipiti nimium tempora curriculo! Et quamvis nullis mihi sit frons aspera rugis, Absit et integro canities capiti, At procul est validi vis vivida corporis, et mox Squalida cum rugis canities aderit. Quid faciam? Teneras inter lusisse puellas Dulce fuit quondam, dulce hilarasse mero Atque jocis animum, placuitque, Amathusia, curas Nequiter ad dominam concinuisse tuas. At mox turpe seni mollis jacuisse puellae In gremio, et blandas carpere delicias. Turpe etiam tremulo discordes pollice nervos Tangere, et incerto carmen hiare sono. Si calices poscam, exiguo titubasse Lyaeo Turpe erit, impositae nec bene temporibus
Rastić, Džono; Appendini, Franjo Marija; Zamanja, Marija; Zamanja, Bernard; Ferić, Đuro; Appendini, Urban (1755-1814; 1768-1837) [1816], Carmina, versio electronica (), Versus 6583, verborum 46647, Ed. Neven Jovanović [genre: poesis - satura; poesis - elegia; poesis - epistula; poesis - carmen] [word count] [rasticdzc]. |
Zbirka Croatiae auctores Latini, rezultat Znanstvenog projekta "Digitalizacija hrvatskih latinista", dostupna je pod licencom Creative Commons Imenovanje-Nekomercijalno-Dijeli pod istim uvjetima 3.0 Hrvatska.
Podatke o projektu vidi na www.ffzg.hr.
Za uporabe koje prelaze okvire ove licence obratite se na http://www.ffzg.unizg.hr/klafil/dokuwiki/doku.php/z:digitalizacija-hrvatskih-latinista.