Šižgorić, Juraj; Marulić, Marko; Mihetić, Ambroz; Tideo Acciarini; Andrea Banda di Verona; Hilarion di Vicenza; Raffaele Zovenzoni; Giliberto Grineo (c. 1445-1509?; 1450-1524; c. 1420-post 1487) [1477], Elegiarum et carminum libri tres, versio electronica (), 1585 versus, verborum 10077, Ed. Veljko Gortan [genre: poesis - carmen; poesis - elegia] [word count] [sisgorgeleg].
<?xml version="1.0" encoding="UTF-8"?>
<TEI xmlns="http://www.tei-c.org/ns/1.0">
<teiHeader>
<fileDesc xml:id="sisgor-g-eleg">
<titleStmt>
<title>Elegiarum et carminum libri tres, versio electronica</title>
<author>Auctores varii: </author>
<author key="sizgo01">
<name xml:lang="hr">Šižgorić, Juraj</name>
<date>c. 1445-1509?</date>
</author>
<author key="marul01">
<name xml:lang="hr">Marulić, Marko</name>
<date>1450-1524</date>
</author>
<author key="mihet01">
<name xml:lang="hr">Mihetić, Ambroz</name>
<date>c. 1420-post 1487</date>
</author>
<author key="alienus-acciarini">
<persName xml:lang="it">Tideo Acciarini</persName>
</author>
<author key="alienus-banda">
<persName xml:lang="it">Andrea Banda di Verona</persName>
</author>
<author key="alienus-hilarion">
<persName xml:lang="it">Hilarion di Vicenza</persName>
</author>
<author key="alienus-zovenzoni">
<persName xml:lang="it">Raffaele Zovenzoni</persName>
</author>
<author key="alienus-grineo-g">
<persName xml:lang="it">Giliberto Grineo</persName>
</author>
<editor>Veljko Gortan</editor>
<respStmt>
<resp>Hanc editionem electronicam curavit</resp>
<name><ref type="viaf" target="6913774">Neven Jovanović</ref></name>
</respStmt>
</titleStmt>
<editionStmt>
<edition>Altera editio electronica.
<date>2008</date>
</edition>
</editionStmt>
<extent ana="D">Mg:D 1585 versus, verborum 10077</extent>
<publicationStmt>
<p>Ova elektronska verzija: Digitalizacija hrvatskih latinista, znanstveni
projekt na Filozofskom fakultetu Sveučilišta u Zagrebu,
Hrvatska. <date>2008</date>.</p>
</publicationStmt>
<sourceDesc>
<bibl>Šižgorić Šibenčanin, Juraj, and Veljko Gortan. Elegije i pjesme. Zagreb:
Jugoslavenska akademija znanosti i umjetnosti, 1966. <relatedItem type="internet">
<ref type="electronice" target="http://mqdq.cab.unipd.it/mqdq/poetiditalia/">Poeti d'Italia in lingua latina, Padova, Trieste, Venezia, Verona,
2002.</ref>
</relatedItem>
</bibl>
</sourceDesc>
</fileDesc>
<profileDesc>
<creation>
<date when="1477">1477</date>
</creation>
<textClass>
<keywords scheme="biblio/croala-catalogus-aetatum.xml#typ01">
<term>poesis</term>
</keywords>
<keywords scheme="biblio/croala-catalogus-aetatum.xml#aet01">
<term>Litterae renatae (1400-1600)</term>
<term>Saeculum 15 (1401-1500)</term>
<term>1451-1500</term>
</keywords>
<keywords scheme="biblio/croala-catalogus-aetatum.xml#gen01">
<term>poesis - carmen; poesis - elegia</term>
</keywords>
</textClass>
</profileDesc>
<revisionDesc>
<change>
<name><ref type="viaf" target="6913774">Neven Jovanović</ref></name>
<date>2012-08-30</date>
Preuređena struktura. Više autora u zaglavlju.
Počeo spellcheck, ali je od slabe koristi.
Lista imena bila bi vrlo zanimljiva.
Xpointer za Marulićevo pismo, koje je drugdje.
</change>
<change>
<name><ref type="viaf" target="6913774">Neven Jovanović</ref></name>
<name>Luka Špoljarić</name>
<date>2012-02-15</date>
Novo, unificirano zaglavlje.
</change>
<change>
<date>2011-04-15</date>
<name><ref type="viaf" target="6913774">Neven Jovanović</ref></name>
fiamma > flamma
</change>
<change>
<date>2011-03-29</date>
<name><ref type="viaf" target="6913774">Neven Jovanović</ref></name>
Cantabam secum > croatismum est!
</change>
<change>
<date>2011-02-11</date>
<name><ref type="viaf" target="6913774">Neven Jovanović</ref></name>
etemum > eternum + corr (ad virginem)
</change>
<change>
<date>2010-01-18</date>
<name><ref type="viaf" target="6913774">Neven Jovanović</ref></name>
Ispravio tipfeler u Apollo. Pojednostavio jedan tekst (premjestio iz docTitle u head). Odabrao pjesmu za laudationes (Trst).
</change>
<change>
<date>[2009-06-29]</date>
<name key="neven.jovanovic"><ref type="viaf" target="6913774">Neven Jovanović</ref></name>
Etemos > Eternos.
Popravljeno zaglavlje.
</change>
<change>
<date>[2008-08-22]</date>
<name key="neven.jovanovic"><ref type="viaf" target="6913774">Neven Jovanović</ref></name>
Validacija u Oxygenu.
</change>
<change>
<date>[2006-01-19T23:46:52+0100]</date>
<name key="neven.jovanovic"><ref type="viaf" target="6913774">Neven Jovanović</ref></name>
Dodao prozne tekstove (skenirane iz izdanja HAZU), ispravio jedno eret u
erit, dokraja proveo strukturno kodiranje.
</change>
<change>
<date>[2008-05-13]</date>
<name key="neven.jovanovic"><ref type="viaf" target="6913774">Neven Jovanović</ref></name>
korekcija slovnih pogrešaka, premješteni brojevi petog retka unutar l elementa, TEI.2 element zamijenjen s TEI, prilagođeno tei.css listu</change>
</revisionDesc>
</teiHeader>
<text>
<front>
<docTitle>
<titlePart>Georgii Sisgorei Sibenicensis Elegiarum et carminum libri tres</titlePart>
</docTitle>
<div type="prosa-epistula">
<head>AD EGREGIUM IUNIOREM PETRUM, SPECTATI VIRI DAMIANI TOBOLEI FILIUM, GEORGIUS SISGOREUS
SIBENICENSIS SALUTEM DICIT PLURIMAM</head>
<p>
Homerus ranarum murumque simul crudelia bella, Virgilius Culicem, Lucanus Orpheum
tanquam studiorum primitias descripserunt, ut exercitatione magistra ad graviora
describenda et commodius et facilius ascendere potuissent, quemadmodum eos temporum
curriculo et studiorum diligentia ascendisse videmus. Quod et in Iliade Meonides et
in Eneide Maro et poeta Cordubensis in magno civium motu ostenderunt. Nos vero
saepenumero doloris cruciatu affecti, aliquando refecti ipsa consolatione, interdum
amicorum desideriis satisfacientes elegias, carmen Sapphicum atque Phaletium pro
exercitationis scripsimus utilitate. Nanque apud Iuvenalem<note place="foot" resp="VG">Sat. I 17-18</note> legimus:
<quote type="versus">
<l>Stulta est, inquit, clementia, cum tot ubique</l>
<l>Vatibus occurras, periturae parcere chartae.</l>
</quote>
Non tamen eo ordine id carminis nostro inclusimus libello, quo et fecimus illud et
composuimus, sed quo includendum arbitrio nostro putavimus.
</p>
<p>
Tu vero, mi suavissime Petre, accipe nostras Musas, quas tibi pro tuo in nos
dedicavimus amore. Neque enim impresentia alio te praeclariore donare potuimus munere
nisi suavissimarum Musarum modulationibus, quas tibi fore quam gratissimas non
diffido, cum non minus mea quam me ipsum et diligas et ames. Satis profecto mihi
erit, si meam dumtaxat perspexeris voluntatem. Invenies enim Georgium Sisgoreum te
diligenter ad sacra Musarum excitare, qui preterea te et recta prosequitur
benivolentia et honore non mediocri. Vale et Musam nostram cantantem audiamus!
<quote type="versus">
<l>Villia miretur vulgus, mihi flavus Apollo</l>
<l>pocula Castalia plena ministret aqua?</l>
</quote>
</p>
<closer>
<salute>Iterum vale!</salute>
</closer>
</div>
</front>
<body>
<div type="liber">
<head>Elegiarum et carminum liber primus</head>
<div type="poesis-elegia" met="elegiacum">
<head>De Musae luctibus</head>
<l n="1.1.1"> Musa mihi fuerat lachrymosis plena querellis,</l>
<l n="1.1.2"> Materiam Musae sed mea fata dabant.</l>
<l n="1.1.3"> Portabat tunicam pullo mea Musa colore,</l>
<l n="1.1.4"> Quam soror Hectoreo detulit in tumulo.</l>
<l n="1.1.5"> Et semper croceos lacerabat Musa capillos,</l>
<l n="1.1.6"> Fecit ut in ficto protinus Anna rogo.</l>
<l n="1.1.7"> Illa gemens nitidos turbabat semper ocellos,</l>
<l n="1.1.8"> Sicut in Hypoliti funere uirgo sacri.</l>
<l n="1.1.9"> Liquerat Aonias tristis mea Musa choreas</l>
<l n="1.1.10"> Montibus in rigidis carmina moesta canens.</l>
<l n="1.1.11"> Intima saepe dabant moestas suspiria uoces</l>
<l n="1.1.12"> Et repetens missos reddidit echo sonos.</l>
<l n="1.1.13"> Cum dea suspirat, repetens suspirat et echo,</l>
<l n="1.1.14"> Echo simul tanti plena doloris erat.</l>
<l n="1.1.15"> Tityrus ad Musam coepit properare gementem</l>
<l n="1.1.16"> Et gregis oblitus ferre uolebat opem.</l>
<l n="1.1.17"> Te, Corydon, linquens formosus currit Alexis</l>
<l n="1.1.18"> Et doluit lachrymis uulneribusque dee.</l>
<l n="1.1.19"> Sole sub ardenti stupide tacuere cichade,</l>
<l n="1.1.20"> Facta uidebatur Musa cichada gemens.</l>
<l n="1.1.21"> Buccula mugitu temptans succurrere flenti</l>
<l n="1.1.22"> Non potuit madidis moesta leuare genis.</l>
<l n="1.1.23"> Sicut ad Orphei cytharam uenere canori</l>
<l n="1.1.24"> Saltantes pecudes: multa capella, boues.</l>
<l n="1.1.25"> Plurima uenit apis tenui sine murmure mirans,</l>
<l n="1.1.26"> Compatiens querulis luctibus atque modis.</l>
<l n="1.1.27"> Myrmidonum semen, magni formica laboris</l>
<l n="1.1.28"> Admirans posito pondere sistit iter.</l>
<l n="1.1.29"> Vndique depicte uolitabant nanque uolucres,</l>
<l n="1.1.30"> Corripuit pictas moeror acutus aues.</l>
<l n="1.1.31"> Fecerat infoelix lachrymoso carmine Musa,</l>
<l n="1.1.32"> Fecerat et querulo magna theatra sono.</l>
<l n="1.1.33"> Illa dolens cecinit toto mirante theatro</l>
<l n="1.1.34"> Nec prius urentes sic tulit illa sonos:</l>
<l n="1.1.35"> "Illa ego Pyerio fueram laetissima prato</l>
<l n="1.1.36"> Inter delitias blanditiasque sacras.</l>
<l n="1.1.37"> Hei mihi, nunc cogor rupes habitare rigentes</l>
<l n="1.1.38"> Inter barbaricos Tarthareosque choros.</l>
<l n="1.1.39"> Illa ego gaudebam lauro sacroque corymbo,</l>
<l n="1.1.40"> Candidulis etiam purpureisque rosis,</l>
<l n="1.1.41"> Hic ego sed uideo densas sine gramine spinas,</l>
<l n="1.1.42"> Hic sterilis nimium semper hauena riget.</l>
<l n="1.1.43"> Illa ego Castalios didici libare liquores,</l>
<l n="1.1.44"> Ferre etiam nostris laurea <corr>serta</corr> comis.</l>
<l n="1.1.45"> Monte sub hoc sterili limosam cerno paludem,</l>
<l n="1.1.46"> Sola ligustra uidens iuniperosque gemo.</l>
<l n="1.1.47"> Inter et Aonias comites ridere solebam</l>
<l n="1.1.48"> Et Charites inter ducere laeta choros.</l>
<l n="1.1.49"> Saxa mee socie, turbat mea gaudia luctus</l>
<l n="1.1.50"> Et modo sunt Charites lachryma multa mee.</l>
<l n="1.1.51"> Edo mei luctus causam causamque doloris</l>
<l n="1.1.52"> Et me Pegaseos deseruisse choros.</l>
<l n="1.1.53"> Causa mee magne Musa est neglecta querelle</l>
<l n="1.1.54"> Et mala quae dudum noster alumnus habet.</l>
<l n="1.1.55"> Dormitans fuerat Parnaso in monte satelles,</l>
<l n="1.1.56"> Pluribus ex aliis qui mihi carus erat.</l>
<l n="1.1.57"> Hunc ego seruabam foelicia pocla ministrans,</l>
<l n="1.1.58"> Nectar et ambrosias pollicitansque dapes.</l>
<l n="1.1.59"> Munus in Aonio sacratum uertice portans:</l>
<l n="1.1.60"> Hoc tibi, dicebam, forte Camoena dabit.</l>
<l n="1.1.61"> Perfidus ille tamen Musam neglexit amicam,</l>
<l n="1.1.62"> Perfidus atque aliam coepit amare deam.</l>
<l n="1.1.63"> Quid, rogo, pontificum prestabant iura poete?</l>
<l n="1.1.64"> Nil nisi cum studio tedia magna graui.</l>
<l n="1.1.65"> Ast ego prestabam placidos sine fine uigores,</l>
<l n="1.1.66"> Vatibus est doctis Musa iocosa suis.</l>
<l n="1.1.67"> Quid, rogo, cum Baldo ciuilia iura docente?</l>
<l n="1.1.68"> Arguit hic alios arguiturque simul.</l>
<l n="1.1.69"> Nescio quid faciat Dynus, legumque magister</l>
<l n="1.1.70"> Bartholus a Saxo saxea uerba dedit.</l>
<l n="1.1.71"> Sed Maro Virgilius noster sine fine poeta</l>
<l n="1.1.72"> Viuet in Elysio, Mantua sacra, iugo.</l>
<l n="1.1.73"> Naso, poeta sacer, uiuet gaudente Corinna,</l>
<l n="1.1.74"> Cum Nemesi uiuens ipse Tibullus erit.</l>
<l n="1.1.75"> Est faciens uigilem legalis cura studentem</l>
<l n="1.1.76"> Et docet in tenues arma mouere reos.</l>
<l n="1.1.77"> Hesperus in studio discentes iura relinquit,</l>
<l n="1.1.78"> Lucifer intentos inuenit atque uiros.</l>
<l n="1.1.79"> Lex hominum uexat, tenebroso carcere punit,</l>
<l n="1.1.80"> Imperio legis carnificesque necant.</l>
<l n="1.1.81"> Musa colit facilem Phoebo cantante quietem,</l>
<l n="1.1.82"> Et fugit argutum blanda Camoena forum.</l>
<l n="1.1.83"> Ennius, Aonio dum iam dormisset in antro,</l>
<l n="1.1.84"> Numina cum flammis sensit, Homere, tuis.</l>
<l n="1.1.85"> Sensit et Ascreus dulces in fonte Camoenas,</l>
<l n="1.1.86"> Pegaseis quando protulit ora uadis.</l>
<l n="1.1.87"> Quid iuuat egregiam uati liquisse Camoenam</l>
<l n="1.1.88"> Et sine deliciis aspera iura sequi?</l>
<l n="1.1.89"> Certe ego, cum miseri uerso mala fata poete,</l>
<l n="1.1.90"> Semper ut infoelix turtur amara gemo.</l>
<l n="1.1.91"> Certe ego Castalios liqui mea gaudia campos</l>
<l n="1.1.92"> Atque dolens rigidum cogor adire locum.</l>
<l n="1.1.93"> Sum nimium certe uatem miserata dolentem,</l>
<l n="1.1.94"> Qualiscumque mihi perfidus ille fuit.</l>
<l n="1.1.95"> Perfidus ille fuit, quia me contempsit alentem</l>
<l n="1.1.96"> Et quia me potuit deseruisse deam.</l>
<l n="1.1.97"> Nec uoluit prorsus me Musam temnere uates,</l>
<l n="1.1.98"> Musa quidem partem uatis amoris habet.</l>
<l n="1.1.99"> Diligit Erigonem, sed Musam fingit amare,</l>
<l n="1.1.100"> Succedente tamen pellice nullus amor .</l>
<l n="1.1.101"> Sensit ob iratam uates mala multa Camoenam,</l>
<l n="1.1.102"> Sensit et ultricem saepius ille deam".</l>
<l n="1.1.103"> Dixit et assurgens subito lachrymosa uolauit</l>
<l n="1.1.104"> Immemor Aonidum Castaliique uadi.</l>
<l n="1.1.105"> Cuius et ad motum fugiebat picta uolucris</l>
<l n="1.1.106"> Et tacuit repetens echo sonora sonum.</l>
<l n="1.1.107"> Totaque turba, deam postquam uidere uolantem,</l>
<l n="1.1.108"> Ad loca iam redeunt seruitiumque suum.</l>
</div>
<div type="prosa-epistula" ana="alterius-auctoris">
<head>
Ambrosius Sibenicensis philosophus
</head>
<p>
Aegritudinem tuam, suavissime Georgi, que te tam vehementer
vexavit, ut debeo, moleste tuli et dolores tuos meos fuisse putavi
non secus ac si eodem igne febrium me ipsum torrere sensissem.
Quare non possum non foelicem illam medicinam vocare, que tibi
profuit, nec medicum non beatum, qui te tam cito ac probe curavit.
Tua enim bona valitudine egomet convalui et tuis antydotis sanatus
sum. Sed et Musae, quarum etiam amore percussus es et quarum sacra
geris, pro tua salute non dedignate sunt intercedere nec vatem
suum, qui diutius vivere potuisset ac debuisset, tam celeriter
interire passae sunt. Que cum multa ore tuo facundo cecinissent,
plura adhuc canere voluerunt et, ut olim Orpheum, ita te nuper pene
ab inferis reduxerunt.
</p>
<p>
<quote type="versus">
<l n="1.2">Noctes atque dies patet atri ianua Ditis,</l>
<l n="1.2">Sed revocare gradum superasque evadere ad auras,</l>
<l n="1.2">Hic labor, hoc opus est. Pauci, quos equus amavit</l>
<l n="1.2">Iuppiter aut ardens evexit ad aethera virtus,</l>
<l n="1.2">Diis geniti potuere,</l>
</quote>
inter quos te connumero, suavissime Georgi, quem crinitus Apollo cythara donavit,
qua nedum umbras Tartareas, sed etiam tricipitem Cerberum delinire ac demulcere
potuisses, neque ut Orpheus, si tibi recuperanda fuisset, dimisisses Euridicem.
Macte virtute, pro quo insuper et iura pontificia intercessere, quibus te frustra
insudasse videretur, si tam inmaturo tempore decessisses. Neque postremo amicorum
vota tibi defuere, qui te sanum ac incolumem fore vehementer optavere. Inter quos et
eum poteris ponere, cuius nomen tuis chartis voluisti inserere. Et cum a me exigeres
bidentem, non gravabor offerre pro tua sospitate nec vitulum aut magnam et pinguem
iuvencam.</p>
<closer>
<salute>Vale.</salute>
</closer>
</div>
<div type="poesis-carmen" met="sapphicum">
<head>De nouem poetis Latinis</head>
<l n="1.3.1"> Iam nouem Musae comites sacrate</l>
<l n="1.3.2"> Ore facundo cecinere uatum,</l>
<l n="1.3.3"> Quos tulit Phoebo penitus fauente</l>
<l n="1.3.4"> Lingua Latina.</l>
<l n="1.3.5"> Principem uatum resono Maronem,</l>
<l n="1.3.6"> Qui canit Daphnym Cereremque flauam,</l>
<l n="1.3.7"> Cantat argutum superans Homerum</l>
<l n="1.3.8"> Arma uirumque.</l>
<l n="1.3.9"> Dulce opus nunquid sileam Terenti,</l>
<l n="1.3.10"> Arte qui mores hominum diserta</l>
<l n="1.3.11"> Scripsit et uicit ueteris poete</l>
<l n="1.3.12"> Scripta Menandri.</l>
<l n="1.3.13"> Et sales Plauti memoro iocosi,</l>
<l n="1.3.14"> Qui Iouem priscum faceretque Musas</l>
<l n="1.3.15"> Concuti magno penitus cachinno</l>
<l n="1.3.16"> Arte faceta.</l>
<l n="1.3.17"> Barbyton Flacci potuit domare</l>
<l n="1.3.18"> Tantali mores Venerisque luxum</l>
<l n="1.3.19"> Et sibi magnum ualuit leonem</l>
<l n="1.3.20"> Conciliare.</l>
<l n="1.3.21"> Naso facunde facilisque uene</l>
<l n="1.3.22"> Saepius totum canitur per orbem,</l>
<l n="1.3.23"> Nanque miramur Venerem poete</l>
<l n="1.3.24"> Ingeniosam.</l>
<l n="1.3.25"> Carmen est culti querulum Tibulli</l>
<l n="1.3.26"> Cantat infoelix imitans olorem,</l>
<l n="1.3.27"> Dura nam uati nocuit Neera</l>
<l n="1.3.28"> Plutoque uelox.</l>
<l n="1.3.29"> Cinthyam blandi, puto sic, Properti</l>
<l n="1.3.30"> Nouit occasus simul ac Eous</l>
<l n="1.3.31"> Et simul nouit tenerum poetam</l>
<l n="1.3.32"> Rex Acherontis.</l>
<l n="1.3.33"> Passerem doctus resonat Catullus,</l>
<l n="1.3.34"> Lesbye curam tenere uolucrem,</l>
<l n="1.3.35"> Et dolet Cressam scopulo puellam</l>
<l n="1.3.36"> Coniuge lictam.</l>
<l n="1.3.37"> Prodigum Musae cano Martialem,</l>
<l n="1.3.38"> Cui dedit foelix cytharam Thalia.</l>
<l n="1.3.39"> Ellegans uates epigramma scribens</l>
<l n="1.3.40"> Viuet in orbe.</l>
</div>
<div type="prosa-epistula" ana="alterius-auctoris">
<p>
<ptr type="croala-internum" target="marul-mar-epist-1477"/>
</p>
</div>
<div type="poesis-carmen" met="hendecasyllabus">
<head>Musae et uatis carmen</head>
<l n="1.5.1"> Cur tantum quereris, rogo, Camoena?</l>
<l n="1.5.2"> Aduersis crucior mei poete,</l>
<l n="1.5.3"> Qui fato premitur laborioso,</l>
<l n="1.5.4"> Dic fati rabiem, rogo, Camoena!</l>
<l n="1.5.5"> Rerum pernicies luesque fratrum</l>
<l n="1.5.6"> Et damnum patriae fidesque parua.</l>
<l n="1.5.7"> Musarum, rogo, cur fugis choream?</l>
<l n="1.5.8"> Quaero iam miserum dolens poetam</l>
<l n="1.5.9"> Per montes rigidos grauesque spinas.</l>
<l n="1.5.10"> Quid dices, rogo te, Camoena, uati?</l>
<l n="1.5.11"> Vates perfide, deseris Camoenam</l>
<l n="1.5.12"> Astree stimulo polum tenentis.</l>
<l n="1.5.13"> Cur uatem laceras morique cogis?</l>
<l n="1.5.14"> Vati materiam dabo dolenti,</l>
<l n="1.5.15"> Vt scribens memor ipse sit Camoene.</l>
<l n="1.5.16"> Ergo non misero doles poeta?</l>
<l n="1.5.17"> Nimirum doleo placetque uates</l>
<l n="1.5.18"> Et saltem mihi sit dolens poeta.</l>
<l n="1.5.19"> Cur uates elegos sonat lyramque?</l>
<l n="1.5.20"> Fors turbat mala saepius poetam,</l>
<l n="1.5.21"> Interdum lyra temperat dolorem.</l>
<l n="1.5.22"> Musarum repetas, rogo, cateruam.</l>
<l n="1.5.23"> Certe Pyerios petam triumphos</l>
<l n="1.5.24"> Et nomen referam mei poete.</l>
<l n="1.5.25"> I, foelix ualeasque Musa foelix!</l>
<l n="1.5.26"> Et tu iam ualeas memor Camoene,</l>
<l n="1.5.27"> Iam noui dea te, poeta dulcis.</l>
</div>
<div type="prosa-epistula" ana="alterius-auctoris">
<head>
Tydeus Acciarinus poeta
</head>
<p>
Legi ego, vir impense suavis, saginatam immolationem tuam et
carmina pariter, quibus numina infesta mihi placasti. Ago tibi
gratias inmortales, quandoquidem referre non licet. Probe omnium
iudicio factum est, cum ineuntem amiciciam tantopere colis.
Intelligas itaque velim sive arridente sive novercante fortuna te
neminem habere Tydeo amiciorem. Et quandoque tu si periculum
feceris, invenies Tydei rectam fidem. Scribis enim te mirum in
modum conmendare carmina nostra ad summum pontificem edita. Hoc
mihi fuit voluptati non mediocri. Etenim, si qui critici et qui in
aliena acutiores esse solent insurrexerint, errare cum viro
doctissimo non egre feram, sed si te mihi assentatorem prebuisti,
in te omnis hec cudetur faba. Nam cum hec, in quibus te dubitare
autumas, aperuero, in ceteris una mecum corripiere, si quid fuerit
castigatione dignum. Obsecro tamen te, quoniam tu forte aliud
petis, quod respondeam, ut ad me scribas; dabo litteras
copiosiores, si res ipsa exegerit.
</p>
<closer>
<salute>Vale.</salute>
</closer>
</div>
</div>
<div type="liber">
<head>Carminum liber II</head>
<div xml:id="GS201" type="poesis-epigramma" met="elegiacum">
<head>Ad Vrbanum presulem</head>
<l n="2.1.1"> Vile mihi argenti sit semper pondus et auri,</l>
<l n="2.1.2"> Auriferi pereat diues harena Thagi!</l>
<l n="2.1.3"> Pulchra minusque iuuant auratis tecta columnis</l>
<l n="2.1.4"> Tinctaque nec Tyrio murice lana iuuat.</l>
<l n="2.1.5"> Quippe nihil Musa melius, nil carmine maius,</l>
<l n="2.1.6"> Castalios placeat ludere saepe modos.</l>
<l n="2.1.7"> Hac te, Vrbane pater, dulci celebrabo Camoena,</l>
<l n="2.1.8"> Tu quia sic nostra laetus es ipse dea.</l>
<l n="2.1.9"> Nanque Vrbanus erit noster famosus Vlixes,</l>
<l n="2.1.10"> Dum cantat nostro Callyopea sono.</l>
</div>
<div xml:id="GS202" type="poesis-epigramma" met="elegiacum">
<head>Ad Virginem</head>
<l n="2.2.1"> Tanta se ueteres non iactant uirgine uates,</l>
<l n="2.2.2"> Quanta ego, delicie uirgo serena mee.</l>
<l n="2.2.3"> Tu, mea Callyope, des nostro in carmine uires,</l>
<l n="2.2.4"> Dedico dum carmen, dum tibi, uirgo, meum.</l>
<l n="2.2.5"> Perfoelix esset, si te nouisset Homerus,</l>
<l n="2.2.6"> Qui cecinit placidis plurima ficta iocis.</l>
<l n="2.2.7"> Te caneret solam, soli tibi carmina libans</l>
<l n="2.2.8"> Te solam, uirgo, crederet esse deam.</l>
<l n="2.2.9"> Tu pia, tu clemens, tu quam castissima uirgo,</l>
<l n="2.2.10"> Tu decus <corr>eternum</corr>, tu mea, uirgo, salus.</l>
<l n="2.2.11"> Et tua, uirgo, deum portarunt uiscera summum,</l>
<l n="2.2.12"> Quem mare, quem tellus sydera quenque colunt,</l>
<l n="2.2.13"> Virgo, malam remoue nostro de pectore labem</l>
<l n="2.2.14"> Et faueas Musis carminibusque meis.</l>
</div>
<div xml:id="GS203" type="poesis-elegia-epistula" met="elegiacum">
<head>Ad Raphaelem Zouenzonium poetam</head>
<l n="2.3.1"> Lux mea perfoelix Raphael, tua carmina uidi,</l>
<l n="2.3.2"> Visa quater nobis hec placuere quater.</l>
<l n="2.3.3"> Nam toto culte ueniebant carmine Musae</l>
<l n="2.3.4"> Cunque tuo dulces ore dedere sonos.</l>
<l n="2.3.5"> Venerat et Delphis formosus Apollo relictis</l>
<l n="2.3.6"> Et cecinit cytharae captus amore tue.</l>
<l n="2.3.7"> Pulsabant Charites alterno ter pede terram</l>
<l n="2.3.8"> Iam capte fidibus, clare poeta, tuis.</l>
<l n="2.3.9"> Laurea texebant Driades tibi <corr>serta</corr> benigne,</l>
<l n="2.3.10"> Oscla Zouenzonio terque dedere uiro.</l>
<l n="2.3.11"> Te merito clarum ualeo uocitare poetam,</l>
<l n="2.3.12"> Cui Phoebus, Nymphae Pyeridesque fauent.</l>
<l n="2.3.13"> Vate quid est sacrius? Quid tanto nomine maius?</l>
<l n="2.3.14"> Nil, ego confiteor, clarius esse potest.</l>
<l n="2.3.15"> Numen habent uates, sunt pectora digna triumpho</l>
<l n="2.3.16"> Celesti, rapido non tribuenda rogo.</l>
<l n="2.3.17"> Nomen habent uates, quod nunquam docta tacebit</l>
<l n="2.3.18"> Turbaque paruorum turbaque iusta senum.</l>
<l n="2.3.19"> Crimen habent uates, quo se iactabit amator</l>
<l n="2.3.20"> Et releget sacras corde tepente faces.</l>
<l n="2.3.21"> Nomine nil maius uatum, nil dulcius ore</l>
<l n="2.3.22"> Musarum; Phoebi cedite, cuncta, lyre!</l>
<l n="2.3.23"> Nasonem spiras certe redolesque Tibullum</l>
<l n="2.3.24"> Et, quod pretereo, Virgiliumque sapis.</l>
<l n="2.3.25"> Perge, mones, pulchris, Raphael, cantando puellis!</l>
<l n="2.3.26"> Pergam ego nec metuam liuida corda canens.</l>
<l n="2.3.27"> Nam pro me pugnare meis, mea uita, puellis</l>
<l n="2.3.28"> Est animus, si quid liuida corda parant.</l>
<l n="2.3.29"> Pro tyrone suo doctus pugnabit Apollo,</l>
<l n="2.3.30"> Pugnabit nato proque Minerua suo.</l>
<l n="2.3.31"> Tu quoque pugnabis, si quid tua carmina possunt,</l>
<l n="2.3.32"> O presens Musis, clare poeta, meis.</l>
</div>
<div xml:id="GS204" type="carmen" met="sapphicum">
<head>Pyrami et Tisbes epitaphium</head>
<l n="2.4.1"> Vinculum si quem retinet. puellae,</l>
<l n="2.4.2"> Pyramum noscat tumulo iacentem.</l>
<l n="2.4.3"> Dum tibi, Tisbe, miser hic timetur,</l>
<l n="2.4.4"> Heu, cadit ense.</l>
<l n="2.4.5"> Tunc simul paruo cecidit superstes,</l>
<l n="2.4.6"> Nanque quos ignis tenuit uel unus,</l>
<l n="2.4.7"> Perdat atque ambos, uoluere fata,</l>
<l n="2.4.8"> Ensis ut unus.</l>
<l n="2.4.9"> Ergo nil fatis super est amaris,</l>
<l n="2.4.10"> Ossa ni claudat tumulus uel unus,</l>
<l n="2.4.11"> Claudat hos ambos, ualeant uel ambo,</l>
<l n="2.4.12"> Si pietas est.</l>
<l n="2.4.13"> Tu caue tantas furias, amator,</l>
<l n="2.4.14"> Nauita ut <sic>sceuam</sic> fugiens Charybdim</l>
<l n="2.4.15"> Siue Scilleam rabiem, gigantis</l>
<l n="2.4.16"> Siue molares.</l>
</div>
<div xml:id="GS205" type="poesis-elegia" met="elegiacum">
<head>Elegia de duorum obitu fratrum</head>
<l n="2.5.1"> Fata mihi nimium quia sunt mihi fata sinistra,</l>
<l n="2.5.2"> Maxime diuorum Iuppiter, ipse queror.</l>
<l n="2.5.3"> Insequitur me <sic>sceua</sic> nouo fortuna dolore,</l>
<l n="2.5.4"> Me dolor inclusus pectore dilacerat.</l>
<l n="2.5.5"> Meque premunt lachrymae moesto de corde fluentes</l>
<l n="2.5.6"> Et macerat tristes flebilis unda genas.</l>
<l n="2.5.7"> Est cibus infoelix, infoelix munus Iacchi</l>
<l n="2.5.8"> Necnon infoelix est mihi nocte sopor.</l>
<l n="2.5.9"> Est misero mihi nulla quies, labor undique nobis</l>
<l n="2.5.10"> Et, quocunque fugam torqueo, moeror adest.</l>
<l n="2.5.11"> Si capio sacri nodosa uolumina iuris,</l>
<l n="2.5.12"> Soluere conanti uincula moeror adest.</l>
<l n="2.5.13"> Si lego buccolicos pastorum carmina ludos,</l>
<l n="2.5.14"> Tu, Melibee, querens demere moesta negas.</l>
<l n="2.5.15"> Arma legens uatis, genuit quem Mantua foelix,</l>
<l n="2.5.16"> Didonis, Priami meque querella premit.</l>
<l n="2.5.17"> Nasonem repetens, exul qui tristia lusit,</l>
<l n="2.5.18"> Cantabam <sic>secum</sic>, sed pariterque dolens.</l>
<l n="2.5.19"> Squalidus arua peto et minuentia prata dolores,</l>
<l n="2.5.20"> Flaua seges Cereris uitis et ipsa iuuat.</l>
<l n="2.5.21"> Arborei fructus, uiolae cum flore hiacynthi</l>
<l n="2.5.22"> Flosque papauereus saepe leuamen erant.</l>
<l n="2.5.23"> Talia <corr>cernebam</corr>, frondosa turtur ab ulmo</l>
<l n="2.5.24"> Extemplo querulos prebuit ore sonos.</l>
<l n="2.5.25"> Vulnera, quae misero demebant pectore campi,</l>
<l n="2.5.26"> Turtur amara gemens non leuiora dedit.</l>
<l n="2.5.27"> Gutture ne cesses gemere, o tristissima turtur,</l>
<l n="2.5.28"> Sunt passim uite stammina nigra mee.</l>
<l n="2.5.29"> Cantabo tecum pariter miserabile carmen</l>
<l n="2.5.30"> Et que sit referam causa doloris ego.</l>
<l n="2.5.31"> Causa mei nimium fors est aduersa doloris,</l>
<l n="2.5.32"> Causa mei fletus fata seuera, queror.</l>
<l n="2.5.33"> In me fors teneris eadem quid sceuit ab annis?</l>
<l n="2.5.34"> Insequitur uolucri sub pede colla tenens.</l>
<l n="2.5.35"> Quae mala sim passus, quos nunc patiorque dolores,</l>
<l n="2.5.36"> Rumpar ego, ingenio si memorabo meo.</l>
<l n="2.5.37"> Atque utinam nostros singultus clauderet annos,</l>
<l n="2.5.38"> Gauderem extinctis tot mihi morte malis.</l>
<l n="2.5.39"> Nec te plorassem tantum, mihi frater adempte,</l>
<l n="2.5.40"> Cui Iacobo uite tempore nomen erat,</l>
<l n="2.5.41"> Nec gemerem ipse tuo fatali funere, frater,</l>
<l n="2.5.42"> Dimidium cordis, mi Nicolae, mei.</l>
<l n="2.5.43"> Alter bis denos nondum perfecerat annos,</l>
<l n="2.5.44"> Me minor infoelix ipse Iacobus erat.</l>
<l n="2.5.45"> Lustra duo, qui maior erat, geminauit et unum</l>
<l n="2.5.46"> Addidit infoelix, cum periturus erat.</l>
<l n="2.5.47"> Temperies celi uiciarat amara minorem,</l>
<l n="2.5.48"> Tabida quem subito perdidit ipsa lues.</l>
<l n="2.5.49"> Infoelix cecidit crudeli uulnere maior</l>
<l n="2.5.50"> Pro patria pugnans, pro laribusque suis.</l>
<l n="2.5.51"> Sic geminis fato geminis orbatus ocellis,</l>
<l n="2.5.52"> Sic periit nostrae maxima pars animae.</l>
<l n="2.5.53"> Sicue superstes ero nostri sine parte uigoris,</l>
<l n="2.5.54"> Me miserum referam tempus in omne meum.</l>
<l n="2.5.55"> Sed breue tempus erit, rumpent cito fila sorores,</l>
<l n="2.5.56"> Si non cessabunt impia fata, queror.</l>
<l n="2.5.57"> Nam Niobes formam lachrymosi summere saxi</l>
<l n="2.5.58"> Cogor et alcionum carmine saepe queri,</l>
<l n="2.5.59"> Siue tuos gemitus imitabor, turtur amara,</l>
<l n="2.5.60"> Mutatus fato numinibusque poli.</l>
</div>
<div xml:id="GS206" type="poesis-elegia" met="elegiacum">
<head>Ad fratrem Grandinum Ragusiensem</head>
<l n="2.6.1"> Tella Cupidinei sentis, Grandine, furoris</l>
<l n="2.6.2"> Cogeris et tanto saepe furore mori.</l>
<l n="2.6.3"> Nescio quid causae, sed tanti, credo, furoris</l>
<l n="2.6.4"> Causa puella fuit, causa puella fuit,</l>
<l n="2.6.5"> Cuius in ore sedet contorquens tella Cupido</l>
<l n="2.6.6"> Durus et aspectu mollia corda ferit.</l>
<l n="2.6.7"> Vrit te niuea mollis ceruice puella,</l>
<l n="2.6.8"> Vrunt purpureis proxima labra rosis.</l>
<l n="2.6.9"> Corripiunt animum nitidi cernentis ocelli,</l>
<l n="2.6.10"> <sic>Loederis</sic> aurata saepius ipse coma.</l>
<l n="2.6.11"> Pro qua non dubitas imbres tolerare cadentes,</l>
<l n="2.6.12"> Dummodo tu ponas insidias dominae.</l>
<l n="2.6.13"> Sed tibi nec glacies gelido constricta liquore</l>
<l n="2.6.14"> Nec nocet algenti cana pruina pedi,</l>
<l n="2.6.15"> Nec ledunt latices te candida frusta niuales,</l>
<l n="2.6.16"> Dummodo tu dominam flectere posse pares;</l>
<l n="2.6.17"> Denique non dubitas ferro iugularier ipso,</l>
<l n="2.6.18"> Dummodo tu domina iam potiare tua.</l>
<l n="2.6.19"> Si perges, duram uinces, Grandine, puellam.</l>
<l n="2.6.20"> Audaces animos et Venus ipsa iuuat.</l>
</div>
<div xml:id="GS207" type="poesis-elegia" met="elegiacum">
<head>Ad Panphylum Martinengum</head>
<l n="2.7.1"> Saepe dolens cantat residens et in arbore turtur,</l>
<l n="2.7.2"> Sed uolucri carmen flebile prebet opem.</l>
<l n="2.7.3"> Aurige, fortis currum qui rexit Achyllis,</l>
<l n="2.7.4"> Iam fesso cantus saepe leuamen erat.</l>
<l n="2.7.5"> Euridices coniunx uentos mulcebat et undas,</l>
<l n="2.7.6"> Spes erat hec Myniis ipse poeta uiris.</l>
<l n="2.7.7"> Et me solatur tenui mea fistula cantu,</l>
<l n="2.7.8"> Cum me forte dolor uel premit ipse labor.</l>
<l n="2.7.9"> Inter tot nostros est hec mea cura poetas,</l>
<l n="2.7.10"> Panphile Castalios inter habende choros.</l>
<l n="2.7.11"> Sed tu me misero me nunc foelicior ipso,</l>
<l n="2.7.12"> Qui canis hoc saltem: Cinthya dulcis, aue!</l>
<l n="2.7.13"> Quod consulta petis, placidissime Panphile, miror,</l>
<l n="2.7.14"> Nam tibi, quod cantas, Cypria pulchra dedit.</l>
<l n="2.7.15"> Meque rudem doceas facilem reperire puellam,</l>
<l n="2.7.16"> Cui canerem semper: Tu mihi sola places!</l>
</div>
<div xml:id="GS208" type="carmen" met="sapphicum">
<head>Narcisi epitaphium</head>
<l n="2.8.1"> Non fere dire, sitis alta nunquam</l>
<l n="2.8.2"> Nec mihi fontis latices amoeni,</l>
<l n="2.8.3"> Nempe Narcisi nocuere falsi</l>
<l n="2.8.4"> Sed mihi uultus.</l>
<l n="2.8.5"> Ipse dum forma capior tenella</l>
<l n="2.8.6"> Basium forme cupiens, sed unde</l>
<l n="2.8.7"> Osculum figo penitusque uano</l>
<l n="2.8.8"> Rumpor amore.</l>
<l n="2.8.9"> Ergo non urna premor ipse foeda,</l>
<l n="2.8.10"> Flore sed claudor titulum ferente.</l>
<l n="2.8.11"> Floreo semper redoletque nostrum</l>
<l n="2.8.12"> Vere cadauer.</l>
</div>
<div xml:id="GS209" type="poesis-elegia-epistula" met="elegiacum">
<head>Ad Raphaelem Zouenzonium poetam</head>
<l n="2.9.1"> Pulchra uolutabam Tergesti carmina uatis</l>
<l n="2.9.2"> Cantabam et dulces saepius ore modos.</l>
<l n="2.9.3"> Legi ergo, quem tecum celebrabo semper, amorem</l>
<l n="2.9.4"> Accumulans patrie carmina grata tue.</l>
<l n="2.9.5"> Quid referam, toto uoluebam pectore uates,</l>
<l n="2.9.6"> Quidue canam patria diuite pauper ego.</l>
<l n="2.9.7"> Sed magis ipse locis turbabar non mihi notis,</l>
<l n="2.9.8"> Vexabant patrie non loca uisa tue.</l>
<l n="2.9.9"> E digito furtim calamus cadit ipse, cadente</l>
<l n="2.9.10"> Occupat et dulcis pectora nostra quies.</l>
<l n="2.9.11"> Vidi ego dormitans plenis me currere uelis</l>
<l n="2.9.12"> Et per Tergestes naue salire sinus.</l>
<l n="2.9.13"> Nauita Tergeste pelagus cantabat amoene</l>
<l n="2.9.14"> Et cecinit pisces, quos fouet ille sinus.</l>
<l n="2.9.15"> Dum canit, aura fugit, dum ponunt carbasa malo,</l>
<l n="2.9.16"> En tangit sospes littora nostra ratis.</l>
<l n="2.9.17"> Vidi ego tunc madidus pergrati rore soporis</l>
<l n="2.9.18"> Tergestam, que nam collibus alta sedet.</l>
<l n="2.9.19">
<q>Vrbs Tergesta decens, salue salueteque</q>, dixi,</l>
<l n="2.9.20">
<q>Vos quoque Martigene terque quaterque uiri!</q>
</l>
<l n="2.9.21"> Ipse triumphantem foelici sydere terram</l>
<l n="2.9.22"> Vidi uel doctis multa canenda uiris.</l>
<l n="2.9.23"> Vidimus hortorum, Raphael, pulcherrima leti:</l>
<l n="2.9.24"> Sunt pyra, sanguineo mora colore, nuces,</l>
<l n="2.9.25"> Cerea pruna quidem; cerasos quoque uidimus omnes,</l>
<l n="2.9.26"> Grata puellarum punica mala genis,</l>
<l n="2.9.27"> Vidimus et rigido, sed molli cortice mala</l>
<l n="2.9.28"> Persica uel ficus dente premente bonas.</l>
<l n="2.9.29"> Nec, Raphael, stupeas: hec tempore uno uidi,</l>
<l n="2.9.30"> Quamuis diuerso tempore cuncta uigent.</l>
<l n="2.9.31"> Equora camporum uiridi patuere capillo,</l>
<l n="2.9.32"> Quem ferit aspirans saepius aura leuis.</l>
<l n="2.9.33"> Hoc seges in campo surgit pulcherrima uisu,</l>
<l n="2.9.34"> Vnde corolla tibi texitur, alma Ceres.</l>
<l n="2.9.35"> Hoc tumet in campo perpulchris uua racemis;</l>
<l n="2.9.36"> Nascitur hic nectar, candide Bacche, tuum.</l>
<l n="2.9.37"> Hic florent olee ramis uiridantibus alte,</l>
<l n="2.9.38"> Paciferum donum, uirgo Minerua, tuum.</l>
<l n="2.9.39"> Est nemus umbrosum, nebulis quod uertice certat:</l>
<l n="2.9.40"> Hic abies, quercus uel siler alta uiret.</l>
<l n="2.9.41"> Vidimus hic tenues cithisos, tenues quoque myrthos,</l>
<l n="2.9.42"> Vidimus hic toto pascua grata gregi.</l>
<l n="2.9.43"> Rustica caseolos stringebat, rusticus edos</l>
<l n="2.9.44"> Coeperat et maius connumerare pecus.</l>
<l n="2.9.45"> Argento similem uidi cum cespite fontem,</l>
<l n="2.9.46"> Quem claudit laurus, rosmaris atque silex.</l>
<l n="2.9.47"> Hunc circum picte cantant Tergeste uolucres,</l>
<l n="2.9.48"> Hoc sedant Driades Pyeridesque sitim.</l>
<l n="2.9.49"> Huc ueniunt uestre forma prestante puelle</l>
<l n="2.9.50"> Lilia seccantes purpureamque rosam.</l>
<l n="2.9.51"> Hec uiolis implet calathos, hec altera gaudet</l>
<l n="2.9.52"> Flore papauereo et flore, Hyacinthe, tuo.</l>
<l n="2.9.53"> Saepe Iouem timui, ne formam mutet in illas</l>
<l n="2.9.54"> Florum delicias, ut solet, ipse suam.</l>
<l n="2.9.55"> Parte alia pueri currentes gramine gaudent,</l>
<l n="2.9.56"> Quisque Suum comitem uel superare studet.</l>
<l n="2.9.57"> Exercentur equis alii, qui colla recuruant</l>
<l n="2.9.58"> Et flectunt modico semper in orbe pedes.</l>
<l n="2.9.59"> Complures tellum discunt torquere lacerto</l>
<l n="2.9.60"> Atque pila palmas candida turba ferit.</l>
<l n="2.9.61"> Pergebant multi flauum cingendo capillum</l>
<l n="2.9.62"> Et Veneris myrtho purpureisue rosis.</l>
<l n="2.9.63"> Hos iuuat interdum castas mordere puellas</l>
<l n="2.9.64"> Deque sinu gaudent surripuisse rosas.</l>
<l n="2.9.65"> Innuit hic alios cupiens nescire sodales,</l>
<l n="2.9.66"> Actorides nullus Pirythousque foret.</l>
<l n="2.9.67"> Preterea plures grato sub tegmine fagi</l>
<l n="2.9.68"> Cantabant doctos, clare poeta, uiros:</l>
<l n="2.9.69"> Meonidem et magnum, genuit quem Mantua, uatem,</l>
<l n="2.9.70"> Nasonem doctum teque, Catulle, sacrum.</l>
<l n="2.9.71"> Te quoque cantabant, Raphael clarissime uates,</l>
<l n="2.9.72"> Patria nam per te nomen habere cupit.</l>
<l n="2.9.73"> Cunque ita cantarent, placidis sopor euolat alis</l>
<l n="2.9.74"> Visaque uoluentem scribere cogit amor.</l>
</div>
<div xml:id="GS210" type="poesis-epigramma-gratulatio" met="elegiacum">
<head>Ad Azzonem Phorestum medicum</head>
<l n="2.10.1"> Docte Phoreste, tuo nato mea Musa puello</l>
<l n="2.10.2"> Gratatur uotis, carmine, mente, ioco.</l>
<l n="2.10.3"> Democrito cui nomen erit per secla, puelle,</l>
<l n="2.10.4"> Sit tua foelici ferrea lana colo.</l>
<l n="2.10.5"> Sit tibi forma decens, qualem Narcisus habebat,</l>
<l n="2.10.6"> Et uincat uultus, belle Hyacinthe, tuos.</l>
<l n="2.10.7"> Si cupies patrias sectarier ipse lucernas,</l>
<l n="2.10.8"> Erudiat medicas doctus Apollo manus.</l>
<l n="2.10.9"> Mella spirant fauces: si te ciuilibus armis</l>
<l n="2.10.10"> Ipse dabis, faueant totius ora fori,</l>
<l n="2.10.11"> Sed si Castalio gaudebis rore, draconem</l>
<l n="2.10.12"> Carmine tu frenes Indicolasque feras.</l>
</div>
<div xml:id="GS211" type="poesis-epigramma" met="elegiacum">
<head>Ad Hieronymum Traguriensem iurisconsultum</head>
<l n="2.11.1"> Soluere nodosi te solum uincula iuris</l>
<l n="2.11.2"> Et te credebam sollicitare forum.</l>
<l n="2.11.3"> Inter Pyeridas uersarier ipse uideris</l>
<l n="2.11.4"> Et iam uerbosum deseruisse forum.</l>
<l n="2.11.5"> Vidi ego Castalio lotum bene flumine carmen</l>
<l n="2.11.6"> Et redolens laurum, pulcher Apollo, tuam.</l>
<l n="2.11.7"> Io, tua cygneas imitantur guttura uoces,</l>
<l n="2.11.8"> Cogis et Aonio saxa mouere sono.</l>
</div>
<div type="poesis-carmen" met="sapphicum">
<head>Iudicium Paridis</head>
<l n="2.12.1"> Pulchrior docta, Venus, es Minerua</l>
<l n="2.12.2"> Et Iouis dura nimium sorore;</l>
<l n="2.12.3"> Praemium tante, Citherea, forme</l>
<l n="2.12.4"> Accipe pomum!</l>
<l n="2.12.5"> Regna, uirtutem renuo dearum,</l>
<l n="2.12.6"> Alteram forma Venerem requiro;</l>
<l n="2.12.7"> Da meo miram thalamo Lacenam,</l>
<l n="2.12.8"> Alma Dione!</l>
<l n="2.12.9"> Tu faue nostro, precor, ipsa uoto,</l>
<l n="2.12.10"> Rustici lectum rapiam mariti,</l>
<l n="2.12.11"> Sanguinem pro quo patriamque perdam,</l>
<l n="2.12.12"> Testor amorem.</l>
</div>
<div type="poesis-elegia" met="elegiacum">
<head>Ad Hieronymum Contarenum</head>
<l n="2.13.1"> Accipe, que nuper cecinit mea garrula Clyo,</l>
<l n="2.13.2"> Contarene tuis gloria Hieronyme!</l>
<l n="2.13.3"> Asper erat rigido castigans crimina uerbo</l>
<l n="2.13.4"> Stigmiferi frater relligione dei,</l>
<l n="2.13.5"> Asper et inculto tectus duroque cucullo,</l>
<l n="2.13.6"> Asper nodoso funeque cinctus erat.</l>
<l n="2.13.7"> Aspera uox totam rumpens clamoribus aedem,</l>
<l n="2.13.8"> Asper erat dictis asperiorque sonis.</l>
<l n="2.13.9"> Hei tibi, cui sudant uitiis precordia nigris,</l>
<l n="2.13.10"> Clamabatque, tibi, turpis auare, caue!</l>
<l n="2.13.11"> Carpebat merito uel laudis amore tumentem</l>
<l n="2.13.12"> Vel qui mordaci rumpitur inuidia.</l>
<l n="2.13.13"> Saepe minabatur, quam captat Tantalus, undam</l>
<l n="2.13.14"> Et penam saxi, Sysiphe, saepe tui,</l>
<l n="2.13.15"> Atque scelestarum caua dolia saepe sororum,</l>
<l n="2.13.16"> Tartareos latices anguigerasque comas.</l>
<l n="2.13.17"> Omnia que paterer, faciles in amore puelle</l>
<l n="2.13.18"> Quod caueant, non possum hoc ego ferre tamen.</l>
<l n="2.13.19"> Ante alias quaedam forma prestante puella</l>
<l n="2.13.20"> Erubuit tales percipiendo sonos.</l>
<l n="2.13.21"> Suspirans imo uerbum pulmone trahebat</l>
<l n="2.13.22"> Et lachrymis rosee sic maduere gene.</l>
<l n="2.13.23"> Credula cognoscens proprio sub pectore uulnus</l>
<l n="2.13.24"> "Me miseram", dixit, "sum rea, me miseram!"</l>
</div>
<div xml:id="GS214"
type="poesis-epigramma-salutatio-epistula"
met="elegiacum">
<head>Ad Raphaelem Zouenzonium Poetam</head>
<l n="2.14.1"> Rura colo, Raphael lauro dignissime uates,</l>
<l n="2.14.2"> Delicie Musis sunt modo rura meis.</l>
<l n="2.14.3"> Rure gemit turtur, mordetur rure columba,</l>
<l n="2.14.4"> Rure cibum querens mitis hirundo uolat.</l>
<l n="2.14.5"> Hic lepus assiduo terretur saepe Molosso</l>
<l n="2.14.6"> Et capitur cupidis faucibus ipse lepus.</l>
<l n="2.14.7"> Hedulus hic solo pinguescens lacte uagitur,</l>
<l n="2.14.8"> Ipse dat et blesos saepius ore sonos,</l>
<l n="2.14.9"> Rure legit uarios tenui cum murmure flores</l>
<l n="2.14.10"> Flaua apis et condit cerea mella fauis.</l>
<l n="2.14.11"> Alma Ceres gaudet uiridanti rure capillo,</l>
<l n="2.14.12"> Hic plaudent Cereri ruricoleque boni.</l>
<l n="2.14.13"> Rure corymbiferi uitis cum palmite Bacchi</l>
<l n="2.14.14"> Frondet ruricolis musta datura suis.</l>
<l n="2.14.15"> Rure Minerua sua florenti gaudet oliua,</l>
<l n="2.14.16"> Ruricolae est gratus Palladiusque liquor.</l>
<l n="2.14.17"> Cetera quid referam? Fugiente sub aequore Phebo</l>
<l n="2.14.18"> Capto ego cum Musis frigora grata meis.</l>
<l n="2.14.19"> Vt, rogo mi Raphael, nostris tua numina Musis</l>
<l n="2.14.20"> Delicias capiant, tu mihi mitte deas!</l>
</div>
<div type="poesis-carmen" met="sapphicum">
<head>Ad Azzonem Phorestum medicum</head>
<l n="2.15.1"> Nata tibi nuper prestanti corpore, forma,</l>
<l n="2.15.2"> Dicta sub Emonio Laodamia sono,</l>
<l n="2.15.3"> Sydere foelici Cumeos expleat annos,</l>
<l n="2.15.4"> Prebeat et doctas docta Minerua manus.</l>
<l n="2.15.5"> Et crescente die crescat prestantia forme,</l>
<l n="2.15.6"> Altera sit cultis Laodamia comis.</l>
<l n="2.15.7"> Nympharum sociam faciat castissima Phoebe,</l>
<l n="2.15.8"> Si cupiet fatis uirgo manere sacris.</l>
<l n="2.15.9"> Sed si coniugio casti gaudebit amoris,</l>
<l n="2.15.10"> Altera Penelope sit probitate, fide.</l>
<l n="2.15.11"> Sit specimen teneris tua nata puella puellis,</l>
<l n="2.15.12"> Digna sit Aoniis, Azzo Phoreste, sonis.</l>
</div>
<!-- dovde spellcheck 12-08-30 -->
<div type="poesis-carmen" met="sapphicum">
<head>Carmen Hyppoliti</head>
<l n="2.16.1"> Ante non aequos patiar furores,</l>
<l n="2.16.2"> Moriger quam sim domine nouerce</l>
<l n="2.16.3"> Et tuum linquam nemus ipse sacrum,</l>
<l n="2.16.4"> Candida uirgo.</l>
<l n="2.16.5"> Gnosiam summens ego nunc pharetram</l>
<l n="2.16.6"> Figam apros, ceruos rapidos et ursos,</l>
<l n="2.16.7"> Te sequar, magni soror alma Phoebi,</l>
<l n="2.16.8"> Tu meus ignis.</l>
<l n="2.16.9"> Osculum mollis ualeat puelle,</l>
<l n="2.16.10"> Syderum quamuis radios ocelli</l>
<l n="2.16.11"> Et rosas uincat tenerum labellum</l>
<l n="2.16.12"> Colla niuemque.</l>
<l n="2.16.13"> Sit procul carmen, precor, histrionum,</l>
<l n="2.16.14"> Mollium uatum pereant tabellae</l>
<l n="2.16.15"> Queque iam castos uitiant ocellos</l>
<l n="2.16.16"> Bellerophontis.</l>
</div>
<div xml:id="GS217"
type="poesis-epigramma-propempticon-amicitia"
met="elegiacum">
<head>Ad Franciscum Istrum</head>
<l n="2.17.1"> Hei mihi, cur laceras discedens pectora nostra,</l>
<l n="2.17.2"> Eurialos inter semper habende meos?</l>
<l n="2.17.3"> Sollicitat te dulcis amor, Francisce, tuorum</l>
<l n="2.17.4"> Carior et uita forsan amica tua.</l>
<l n="2.17.5"> I celer, et facilem donent tibi numina cursum,</l>
<l n="2.17.6"> Vt patrios ualeas sospes adire lares.</l>
<l n="2.17.7"> Te tua gaudebit perfoelix sospite tellus;</l>
<l n="2.17.8"> Quales amplexus oscula quotque dabunt!</l>
<l n="2.17.9"> Tunc mea Musa tibi pro me dabit oscula; ne sis</l>
<l n="2.17.10"> Immemor, a, nostri, basia Musa dabit.</l>
</div>
<div xml:id="GS218" type="poesis-epigramma" met="elegiacum">
<head>Ad Petrum Petrachium Spalatensem</head>
<lg>
<l n="2.18"> Virtutem Ascanei mirantur tempora prisca,</l>
<l n="2.18"> Miramur Musas, candide Petre, tuas.</l>
<l n="2.18"> Euryalo pulchro pubes formosa fauebat,</l>
<l n="2.18"> Prosequimur nostram nosque fauore lyram.</l>
</lg>
<lg>
<l n="2.18"> Salue, saepe cano, patriae clarissima lampas</l>
<l n="2.18"> Inter delicias ac numerande meas!</l>
</lg>
<lg ana="povod-perge">
<l n="2.18"> Tu reditum dulci celebras qui carmine nostrum,</l>
<l n="2.18"> Viue, precor, mecum, saepius ipse cano.</l>
</lg>
<lg>
<l n="2.18"> Viue, decus iuuenum, cui sunt sacra carmina cordi,</l>
<l n="2.18"> Cuius in amplexu Phoebus Apollo sedet.</l>
<l n="2.18"> Gratulor ipse tuis nimium nunc, Petre, Camoenis,</l>
<l n="2.18"> Gratulor, et uatum fonte quod ipse bibas.</l>
</lg>
<lg ana="perge">
<l n="2.18"> Perge, precor moneo, doctas cantando puellas</l>
<l n="2.18"> Et nostras memori pectore fige deas.</l>
</lg>
<lg ana="isprika">
<l n="2.18"> Nec me despicias nec me tu, candide, damnes,</l>
<l n="2.18"> Quod dederim tardas reddiderimque uices.</l>
<l n="2.18"> Cum tibi notus ero, nimium me forsan amabis</l>
<l n="2.18"> Et dices tecum: Gorgius ille placet.</l>
<l n="2.18"> Me nimium torquet legum ueneranda potestas,</l>
<l n="2.18"> Inuidet ac Musis saepius ipsa meis.</l>
</lg>
</div>
<div xml:id="GS219" type="poesis-epigramma" met="elegiacum">
<head>Ad Georgium Diphnycum Sibenicensem</head>
<l n="2.19.1"> Maxima perpetuis gaudebit Smyrna Camoenis,</l>
<l n="2.19.2"> Quas celebrat Musis dedita turba sacris,</l>
<l n="2.19.3"> Et docto foelix gaudebit Mantua uate,</l>
<l n="2.19.4"> Cui cytharam Phoebus Calliopeque dedit.</l>
<l n="2.19.5"> Non, puto, sic magno celebrabor munere, Gorgi,</l>
<l n="2.19.6"> Non sunt sublimis carmina nostra lyre,</l>
<l n="2.19.7"> Carmine sed tenui soleo mea fata sonare,</l>
<l n="2.19.8"> Est quoque de fatis magna querella meis,</l>
<l n="2.19.9"> Est quoque pergratum uenerandis carmen amicis,</l>
<l n="2.19.10"> Quodque ego uel cythara uel cano saepe lyra.</l>
<l n="2.19.11"> Notus ob hoc fueram studiose nempe iuuente,</l>
<l n="2.19.12"> Carmina non parui pignus amoris erant.</l>
<l n="2.19.13"> Quamuis me multi nunquam uidere sodales,</l>
<l n="2.19.14"> Viderunt nostras attamen hique deas.</l>
<l n="2.19.15"> Carmine me celebrant, mittunt pro munere carmen,</l>
<l n="2.19.16"> Nam superat carmen ditia regna Myde.</l>
<l n="2.19.17"> Compatriota, tibi grates persoluo benignas</l>
<l n="2.19.18"> Proque tua cythara carminibusque tuis.</l>
<l n="2.19.19"> Tu comes Aonidum, tu nostro nomine gaudes,</l>
<l n="2.19.20"> Tu semper nostre maxima pars anime.</l>
<l n="2.19.21"> Musa tuum crinem grato, studiose, corymbo</l>
<l n="2.19.22"> Cinget et ingenio basia multa dabit.</l>
<l n="2.19.23"> Tu Musam paruo semper ueneratus ab euo,</l>
<l n="2.19.24"> Musa tibi magnum nomen in orbe dabit.</l>
<l n="2.19.25"> Nobilium, ualeas, soboles, pulcherrime Gorgi,</l>
<l n="2.19.26"> Et memor esto mei tempus in omne, precor.</l>
<l n="2.19.27"> Vel quotiens tete tangent tua nomina, Gorgi,</l>
<l n="2.19.28"> Tu totiens nostri nominis esto memor!</l>
</div>
<div type="poesis-carmen" met="sapphicum">
<head>De Amore carmen</head>
<l n="2.20.1"> Perdidit multos Amor esca dulcis,</l>
<l n="2.20.2"> Sed nocens; multis nocuere ceci</l>
<l n="2.20.3"> Tella, complures proceres fuere</l>
<l n="2.20.4"> Preda puelli.</l>
<l n="2.20.5"> Herculem fregit domuitque, Phoebum</l>
<l n="2.20.6"> Vicit hic nudus frameamque Martis</l>
<l n="2.20.7"> Et Iouis pictis iecur occupauit</l>
<l n="2.20.8"> Saepius alis.</l>
<l n="2.20.9"> Hic Iouem taurum puer, hic et aurum</l>
<l n="2.20.10"> Fecit et cygnum, Cererisque natam</l>
<l n="2.20.11"> Pluto deformis rapuit, sed huius</l>
<l n="2.20.12"> Sautius arcu.</l>
<l n="2.20.13"> Pyramus sensit pariterque Tysbe</l>
<l n="2.20.14"> Sensit infoelix calamos Amoris,</l>
<l n="2.20.15"> Hei mihi, quorum calido cruore</l>
<l n="2.20.16"> Mora rubescunt.</l>
<l n="2.20.17"> Dico foelicem, potuit carere</l>
<l n="2.20.18"> Qui suo damno monitu sodalis</l>
<l n="2.20.19"> Siue qui uulnus didicit cauere</l>
<l n="2.20.20"> Vulnere amici.</l>
</div>
<div xml:id="GS221" type="poesis-epigramma" met="elegiacum">
<head>Ad Ioannem Chrisanum Hyaderensem</head>
<l n="2.21.1"> Tu quia pollicitus Musae tua uota daturus,</l>
<l n="2.21.2"> Ingenium Curis subleuet illa tuis.</l>
<l n="2.21.3"> Det tibi Castalio Suaues de fonte liquores,</l>
<l n="2.21.4"> Hausta lauet curas Pegasis unda graues.</l>
<l n="2.21.5"> Summme lyram, tristes propellet pectore nubes</l>
<l n="2.21.6"> Et faciet pulso corda serena metu.</l>
<l n="2.21.7"> Quid ualeat numeris hec barbyton ipsa canoris,</l>
<l n="2.21.8"> Orpheus testis erlt, testis Aryon erit.</l>
<l n="2.21.9"> Nanque leuis cura est, poterit quam pellere Clio</l>
<l n="2.21.10"> Siue tue cantus, pulcher Apollo, lyre</l>
<l n="2.21.11"> Illa grauis nimium, nulla medicabilis herba,</l>
<l n="2.21.12"> Carmina quam nunquam pellere corde ualent.</l>
<l n="2.21.13"> Hec cruciat multos celesti carmine uates</l>
<l n="2.21.14"> Et proceres magnos ad iuga dura trahit.</l>
<l n="2.21.15"> Hec lacerat si forte tuum sceuissima pectus,</l>
<l n="2.21.16"> Nulla tibi poterit, io, medicina dari.</l>
<l n="2.21.17"> Scribe elegos, quales fertur scripsisse Tibullus</l>
<l n="2.21.18"> Et quales Naso composuisset amans,</l>
<l n="2.21.19"> Tu uix formosam poteris mulcere puellam,</l>
<l n="2.21.20"> Hei mihi, difficilil cura cupidinea est!</l>
<l n="2.21.21"> Ius quoque Caesareum pariter tu pectore uersas</l>
<l n="2.21.22"> Et canis Aonio, Chrisane, saepe choro.</l>
<l n="2.21.23"> Tu quoque non una gaudebis nanque corolla,</l>
<l n="2.21.24"> O nimium foelix, ualle sub Elysia.</l>
</div>
<div type="poesis-epigramma" met="elegiacum">
<head>De quodam amico Galle</head>
<l n="2.22.1"> Audio te durum sentire Cupidinis arcum,</l>
<l n="2.22.2"> Vreris et ceco uulnere torquet amor.</l>
<l n="2.22.3"> Galla tuas nimium mordet lasciua medullas</l>
<l n="2.22.4"> Inque tuo semper corde puella sedet.</l>
<l n="2.22.5"> Saepe tue carmen tenerum componis amice</l>
<l n="2.22.6"> Et mulces dominam carmine saepe tuam,</l>
<l n="2.22.7"> Littoreamque ferunt Veneris tua tempora myrtum,</l>
<l n="2.22.8"> Aspirat facibus blanda columba tuis.</l>
<l n="2.22.9"> Carmine tu facies notam per soecula Gallam</l>
<l n="2.22.10"> Vt Nemesim condam, culte Tibulle, tuam.</l>
<l n="2.22.11"> Cinthya iam toto cantatur in orbe Properti</l>
<l n="2.22.12"> Nosceturque ignis, Galla superba, tuus.</l>
</div>
<div type="poesis-epigramma" met="elegiacum">
<head>Ad iurisconsultorum collegium Patauinum</head>
<l n="2.23.1"> Quas tibi nunc referam grates, sanctissime cetus</l>
<l n="2.23.2"> Dedite Caesareis iuribus atque sacris?</l>
<l n="2.23.3"> Magnanimum Aiacem fortis laudauerat Hector</l>
<l n="2.23.4"> Cognoscens animos Marte parante suos.</l>
<l n="2.23.5"> Euryali celeres donauit munere cursus</l>
<l n="2.23.6"> Progenies Veneris patris in exequiis.</l>
<l n="2.23.7"> Tu mihi, sacra cohors, iuris precepta legenti</l>
<l n="2.23.8"> Fauisti, nostra et singula dicta probas.</l>
<l n="2.23.9"> Dicere temptabo et, si fas est dicere, dicam,</l>
<l n="2.23.10"> Dicam perfusis ipse rubore genis:</l>
<l n="2.23.11"> Sudores placuere mei, placuere palestrae</l>
<l n="2.23.12"> Et placuit doctis lectio nostra uiris.</l>
<l n="2.23.13"> Si lyra Callyopes nati concessa fuisset,</l>
<l n="2.23.14"> Laudarem Pataue nobile gentis opus,</l>
<l n="2.23.15"> Vel si me Grai nutrisset Musa poete,</l>
<l n="2.23.16"> Cantarem laudes numine teste tuas,</l>
<l n="2.23.17"> Vel si me docti ditasset uena Maronis,</l>
<l n="2.23.18"> Dictarem studii gloria quanta tui.</l>
<l n="2.23.19"> Pro meritis dignas non possum soluere grates,</l>
<l n="2.23.20"> Sed precibus cunctos sollicitabo deos.</l>
<l n="2.23.21"> Gaudeat urbs Pataui foelici sydere semper,</l>
<l n="2.23.22"> Sint procul a muris tristia bella tuis,</l>
<l n="2.23.23"> Copia sit Cereris, sit loeti copia Bacchi</l>
<l n="2.23.24"> Sitque olei, Pallas, copia magna tui.</l>
<l n="2.23.25"> Posteritas sapiat Baldos, sapiat quoque Cinnos,</l>
<l n="2.23.26"> Et quicquid Cicero dixit et ipse Maro,</l>
<l n="2.23.27"> Totus Aristoteles, omnis doctrina Platonis</l>
<l n="2.23.28"> Et sit in amplexu Scotia tota tuo.</l>
<l n="2.23.29"> Ad te concurrat semper studiosa iuuentus</l>
<l n="2.23.30"> Et celebret nomen tempus in omne tuum.</l>
</div>
<div type="poesis-carmen" met="sapphicum">
<head>Ad Angelum Castrensem et Georgium Priolam praeceptores</head>
<l n="2.24.1"> Alloquor te nunc, decus omne iuris,</l>
<l n="2.24.2"> Patrie lampas, pater et studentum,</l>
<l n="2.24.3"> Qui uelut Phoebus Latiis in oris,</l>
<l n="2.24.4"> Angele, fulges.</l>
<l n="2.24.5"> Scias meas curas merito probatas</l>
<l n="2.24.6"> Voce doctorum simul et fauore,</l>
<l n="2.24.7"> Qui micant totam Patauam per urbem</l>
<l n="2.24.8"> Sydera sicut.</l>
<l n="2.24.9"> Praemium posco uigilum laborum,</l>
<l n="2.24.10"> Codicem iuris resera sacrati,</l>
<l n="2.24.11"> Infulam ponas roseam capillo,</l>
<l n="2.24.12"> Da simul aurum!</l>
<l n="2.24.13"> Ille fere uates hedere coronam</l>
<l n="2.24.14"> Miles et durum gladium triumphans</l>
<l n="2.24.15"> Portat et myrtum Veneris satelles</l>
<l n="2.24.16"> Carmina dictans.</l>
<l n="2.24.17"> Milites iuris merito sacrati</l>
<l n="2.24.18"> Et ferunt gemmas uarias et aurum,</l>
<l n="2.24.19"> Turba nam sacri studiosa iuris</l>
<l n="2.24.20"> Regnat in orbe.</l>
<l n="2.24.21"> Angelum Castro precibus mouebo,</l>
<l n="2.24.22"> Te simul, Gorgi, soboles Priola,</l>
<l n="2.24.23"> Vt meas curas precio leuetis</l>
<l n="2.24.24"> Muneribusque.</l>
<l n="2.24.25"> Surge nunc, queso, mihi da corymbum</l>
<l n="2.24.26"> Nomen implorans domini superni,</l>
<l n="2.24.27"> Cuncta qui dono uario decorat</l>
<l n="2.24.28"> Semper et ornat.</l>
</div>
<div type="poesis-epigramma" met="elegiacum">
<head>Ad Franciscum</head>
<l n="2.25.1"> Lux, Francisce, aderit natalis crastina nostri,</l>
<l n="2.25.2"> O mihi iucundam terque quaterque diem!</l>
<l n="2.25.3"> Dimidium cordis libeat, Francisce, uenire,</l>
<l n="2.25.4"> Natalem faustum si cupis esse meum.</l>
<l n="2.25.5"> Certe Castalie uenient mea turba puelle</l>
<l n="2.25.6"> Nympharumque chorus florida scerta ferens</l>
<l n="2.25.7"> Et Charites uenient pulsantes ter pede terram,</l>
<l n="2.25.8"> Sed mihi nil sine te posse placere puto.</l>
</div>
<div type="poesis-epigramma" met="elegiacum">
<head>Ad Antonium Patauum</head>
<l n="2.26.1"> Nox aderat luna primoque serenior astro,</l>
<l n="2.26.2"> Qua deus enixa uirgine factus homo.</l>
<l n="2.26.3"> Iam Pataui sacro fumabant thure penates,</l>
<l n="2.26.4"> "Gloria", cantabant, "sit tibi, nate puer!"</l>
<l n="2.26.5"> Assiduo sonitu reboabant aurea templa,</l>
<l n="2.26.6"> Plurimus ascendens sydera adusque sonus.</l>
<l n="2.26.7"> Hoc pro natali ueluti rhedarius axis</l>
<l n="2.26.8"> De Cereris grano melleque factus erat.</l>
<l n="2.26.9"> Et piper hunc condit, mandentia labra quod urit,</l>
<l n="2.26.10"> Ornabatque cibos ipsa medulla nucis.</l>
<l n="2.26.11"> Munere donasti me tali nocte sub ista,</l>
<l n="2.26.12"> Antoni uates; hec tibi nunc uoueo:</l>
<l n="2.26.13"> Non tua Gargareis cedant, precor, arua colonis,</l>
<l n="2.26.14"> Producant ulmi plurima uina tue.</l>
</div>
<div type="poesis-epigramma" met="elegiacum">
<head>Ad Tristanum rectorem</head>
<l n="2.27.1"> Nunc age tu nostre princeps, Tristane, caterue</l>
<l n="2.27.2"> Quique tuo tandem functus es officio,</l>
<l n="2.27.3"> Da presigne decus, Tyrio quod murice fulget</l>
<l n="2.27.4"> Pelleque candidula, te mea Musa rogat.</l>
<l n="2.27.5"> Hoc poscit uirtus niueo delecta lapillo,</l>
<l n="2.27.6"> Hoc poscit rector te tribuente nouus.</l>
<l n="2.27.7"> Nec tibi sit durum. sacros deponere fasces,</l>
<l n="2.27.8"> Nec durum manibus ponere sceptra tuis.</l>
<l n="2.27.9"> Consulibus sic moris erat, Tristane, Quiritum</l>
<l n="2.27.10"> Ponere regales, quas habuere, manus.</l>
<l n="2.27.11"> Hac tibi lege graues licuit deponere fasces,</l>
<l n="2.27.12"> Scipio, Romanae gloria magna toge.</l>
<l n="2.27.13"> Sic licuit magno Ciceroni cedere quondam,</l>
<l n="2.27.14"> Quamuis perpetuo consule dignus erat.</l>
<l n="2.27.15"> Maiorum exemplo liceat tibi cedere, rector,</l>
<l n="2.27.16"> Atque animum uertas ad meliora tuum.</l>
</div>
<div type="poesis-carmen" met="sapphicum">
<head>Ad Georgium in rectorem designatum</head>
<l n="2.28.1"> Summe tu, Gorgi, capitis coronam</l>
<l n="2.28.2"> Pellibus multum niueis nitentem</l>
<l n="2.28.3"> Atque fulgentem Tyrio colore,</l>
<l n="2.28.4"> Summe, precamur.</l>
<l n="2.28.5"> Et graues dotes, uenerande, summas,</l>
<l n="2.28.6"> Regimen iustum studiique curas,</l>
<l n="2.28.7"> Quas tuo semper, celebrande rector,</l>
<l n="2.28.8"> Pectore figas.</l>
<l n="2.28.9"> Iure consultis faueas, precamur,</l>
<l n="2.28.10"> Qui sciunt sacras reserare leges,</l>
<l n="2.28.11"> Nobilis sic te celebrabit omnis</l>
<l n="2.28.12"> Turba studentum.</l>
<l n="2.28.13"> Lucis istius memor esto semper,</l>
<l n="2.28.14"> Qua tibi dignos dabit ille fasces,</l>
<l n="2.28.15"> Flantis eterni duci qui beatum</l>
<l n="2.28.16"> Spirat amorem.</l>
<l n="2.28.17"> Tempus hoc pulchrum fauet ecce nobis</l>
<l n="2.28.18"> Luce formosus meliore Phoebus,</l>
<l n="2.28.19"> Floribus tellus rubeis et albis</l>
<l n="2.28.20"> Graminibusque.</l>
<l n="2.28.21"> Festa florenti facie iuuentus</l>
<l n="2.28.22"> In tui laudem facient triumphi</l>
<l n="2.28.23"> Nobiles cursus agitans equorum</l>
<l n="2.28.24"> Ludet et hastis.</l>
<l n="2.28.25"> Ducet et festas pariter choreas</l>
<l n="2.28.26"> Verberans pubes pedibus theatra,</l>
<l n="2.28.27"> Tibiae cantus resonabit omnis</l>
<l n="2.28.28"> Nunc tibi plaudens.</l>
<l n="2.28.29"> Gratulor plaudens tibi, clare rector,</l>
<l n="2.28.30"> Gratulor plaudens fidibus canoris,</l>
<l n="2.28.31"> Barbyton moui facilem canendo</l>
<l n="2.28.32"> In tua uota.</l>
<l n="2.28.33"> Pontifex huius benedicat urbis,</l>
<l n="2.28.34"> Zeno Iacobus Venetis ab oris,</l>
<l n="2.28.35"> Qui micat totam Patauam per urbem</l>
<l n="2.28.36"> Sicut Apollo.</l>
<l n="2.28.37"> Praesides ambo faueant, precamur,</l>
<l n="2.28.38"> Clara Franciscus Veneris propago</l>
<l n="2.28.39"> Et simul nostris celebranda Musis</l>
<l n="2.28.40"> Gorgia proles.</l>
<l n="2.28.41"> Hec tibi nostre cecinere Musae</l>
<l n="2.28.42"> In tuam laudem, uenerande rector,</l>
<l n="2.28.43"> Esto nunc foelix simul iste cetus</l>
<l n="2.28.44"> Tempus in omne.</l>
</div>
<div type="poesis-elegia" met="elegiacum">
<head>Elegia de Sibenicensis agri uastatione</head>
<l n="2.29.1"> Credebam post multa mei mala fata uigoris</l>
<l n="2.29.2"> Denique iam fatis uiuere posse bonis.</l>
<l n="2.29.3"> Interdum celum nimbis agitatur et auris,</l>
<l n="2.29.4"> Interdum radiis ornat Apollo suis.</l>
<l n="2.29.5"> Non mutat scaeuas in me fortuna sagittas;</l>
<l n="2.29.6"> Me miserum semper, fors mala, quid crutias?</l>
<l n="2.29.7"> Sapphica credebam iam leto condere cantu</l>
<l n="2.29.8"> Te, pulcher, Musis, Phoebe, fauente meis.</l>
<l n="2.29.9"> Nunc elegos iterum cogor cantare dolentes</l>
<l n="2.29.10"> Et premor, a! lacrimis protinus ipse meis.</l>
<l n="2.29.11"> Non fato similes habeo, fortuna, poetas,</l>
<l n="2.29.12"> Qui cecinere elegos corde gemente malos.</l>
<l n="2.29.13"> Delia, te cultus cantat, formosa, Tibullus</l>
<l n="2.29.14"> Et dolet ingratas semper habere faces.</l>
<l n="2.29.15"> Non erat ille dolor uatis sine uulnere ceco,</l>
<l n="2.29.16"> Attamen ille dolor plenus amoris erat.</l>
<l n="2.29.17"> Naso, pulsus eras patria cariturus, amicis,</l>
<l n="2.29.18"> Sollatio multo, coniuge et ipse tua.</l>
<l n="2.29.19"> Ille dolor cunctos uincebat, Naso, dolores,</l>
<l n="2.29.20"> Quem uincit certe nunc meus iste dolor.</l>
<l n="2.29.21"> Praetereo fratres crudeli morte peremptos,</l>
<l n="2.29.22"> Quos fleuit misero nostra querella sono,</l>
<l n="2.29.23"> Et taceo multos, qui me pressere, dolores;</l>
<l n="2.29.24"> Me miserum semper, fors mala, quid crucias?</l>
<l n="2.29.25"> Hei mihi, nunc doleo patrios <FONT COLOR="#CC3300"><b>uastarier</b></FONT> agros</l>
<l n="2.29.26"> Factaque Christicolis maxima probra uiris.</l>
<l n="2.29.27"> Ista mei luctus et magni causa doloris,</l>
<l n="2.29.28"> Et superat querulos nostra querella modos.</l>
<l n="2.29.29"> Est genus inuisum cunctis in partibus orbis,</l>
<l n="2.29.30"> Turcorum semper perfida turba fuit.</l>
<l n="2.29.31"> Viuit et hic populus Maomethis lege nephanda,</l>
<l n="2.29.32"> Gens Alcorano credit et ipsa suo.</l>
<l n="2.29.33"> Est tamen huic generi fas ille uel ille cupido,</l>
<l n="2.29.34"> Fas Veneris crimen, fas Ganymedis amor.</l>
<l n="2.29.35"> Lex uetat his semper feruentis pocula Bacchi,</l>
<l n="2.29.36"> Saepe tamen uino turba sepulta iacet.</l>
<l n="2.29.37"> Lex data, ne porcis utatur turba prophanis,</l>
<l n="2.29.38"> Foedior est porcis Turchia turba tamen.</l>
<l n="2.29.39"> Dedita perpetuo et sceuo gens dedita bello,</l>
<l n="2.29.40"> Vnica spes ferrum, parmula, cuspis, equus.</l>
<l n="2.29.41"> Gens inimica sacras ardescit perdere leges,</l>
<l n="2.29.42"> Quas deus electis fixit in orbe suis.</l>
<l n="2.29.43"> Conqueror, antiquam uicit Bizantion urbem,</l>
<l n="2.29.44"> Foedauit Graiam sanguine Turcus humum.</l>
<l n="2.29.45"> Lesboas Turcus superauit perfidus arces,</l>
<l n="2.29.46"> Plurima sub diro continet arua iugo.</l>
<l n="2.29.47"> Nuper et innumeram conflauerat equore classem,</l>
<l n="2.29.48"> Qualem non Xerxes duxerat in Danaos.</l>
<l n="2.29.49"> Pugnauit bombis et muros Aulidis altos</l>
<l n="2.29.50"> Fregit et in tota profluit urbe cruor.</l>
<l n="2.29.51"> Dicere si uellem, quot uicit regna, quot urbes,</l>
<l n="2.29.52"> Deficeret carmen deficerentque dies.</l>
<l n="2.29.53"> Turcus adest patrie, patrios populetur ut agros,</l>
<l n="2.29.54"> Et Sibenicas frangere pergit opes.</l>
<l n="2.29.55"> Cernebam Turcos alta de turre furentes</l>
<l n="2.29.56"> In patrios iuuenes in patriosque uiros.</l>
<l n="2.29.57"> Certe ego ueloces cursus mirabar equorum</l>
<l n="2.29.58"> Hastarumque minas barbaricumque dolum</l>
<l n="2.29.59"> Motaque per uarios uexilla rubentia uentos</l>
<l n="2.29.60"> Saepius et uidi candida signa trahi.</l>
<l n="2.29.61"> Pulchra iuuenta furens scutum portabat et ensem</l>
<l n="2.29.62"> Pro patria pugnans pro domibusque suis.</l>
<l n="2.29.63"> Currebatque simul cum fundis rustica pubes</l>
<l n="2.29.64"> Praestoque cum tellis aduena miles erat.</l>
<l n="2.29.65"> Pugnabant patrii, dirus pugnabat et hostis,</l>
<l n="2.29.66"> Plurima sunt Turcis uulnera fixa uiris.</l>
<l n="2.29.67"> Ter conatus erat nostras inuadere turmas,</l>
<l n="2.29.68"> Ter nostris Turcus Martia terga dedit.</l>
<l n="2.29.69"> Ad sua festinat compulsus uerbere castra</l>
<l n="2.29.70"> Noster ager Turco milite plenus erat.</l>
<l n="2.29.71"> Impius ille furens uillas dedit ignibus omnes</l>
<l n="2.29.72"> In cinerem uersa est rustica tota domus.</l>
<l n="2.29.73"> Aruaque cum teneris alte surgentia spicis</l>
<l n="2.29.74"> Ieiunis potuit iam dare Turcus equis.</l>
<l n="2.29.75"> Totaque cum folio florentis uinea Bacchi</l>
<l n="2.29.76"> Esca fuit capto maxima facta gregi.</l>
<l n="2.29.77"> Vulcanoque datur preclare Palladis arbor,</l>
<l n="2.29.78"> Vel facit umbrosas cesa Minerua domos.</l>
<l n="2.29.79"> Protinus et capiunt multos iuuenesque senesque,</l>
<l n="2.29.80"> Captaque cum natis uillica multa fuit.</l>
<l n="2.29.81"> Verbera uel patitur captus uel uincula suffert,</l>
<l n="2.29.82"> Captaque sed Venerem passa iuuenta fuit.</l>
<l n="2.29.83"> Nec dubitant alii diuum foedare figuras,</l>
<l n="2.29.84"> Hei mihi, nec sacre numina fixa cruci.</l>
<l n="2.29.85"> Numine nec uero panem timuere sacratum,</l>
<l n="2.29.86"> Sunt data fumosis denique templa focis.</l>
<l n="2.29.87"> Carmine quo flebo? Faciam quid, patria dulcis?</l>
<l n="2.29.88"> Quidue miser faciam, tuque sacrata fides?</l>
<l n="2.29.89"> Est mea mens tanto nimium, queror, egra dolore,</l>
<l n="2.29.90"> Rumpuntur fletu pectora nostra graui.</l>
<l n="2.29.91"> Cogor Apollineum uates deponere plectrum</l>
<l n="2.29.92"> Et gladium nostra stringere posse manu.</l>
<l n="2.29.93"> Consultus ponam numerosa uolumina iuris</l>
<l n="2.29.94"> Et clypeum capiam Marte fauente mihi.</l>
<l n="2.29.95"> Pro te, sacra fides, et, dulcis patria, pro te</l>
<l n="2.29.96"> Sit mea barbaricis dedita uita uiris!</l>
<l n="2.29.97"> Pro te me uoueo, pro te mea pectora trado</l>
<l n="2.29.98"> Et morior pro te uulnera sceua ferens.</l>
</div>
<div xml:id="GS230" type="poesis-epigramma" met="elegiacum">
<head>Ad Nasonem optimum poetam</head>
<l n="2.30.1"> Inter quando tuas sum dulces, Naso, Camoenas,</l>
<l n="2.30.2"> Ingenium ueluti miror Apollo tuum.</l>
<l n="2.30.3"> Dic nemus umbrosum, quo iam resonare solebas,</l>
<l n="2.30.4"> Nectare dic, Naso, pocula mixta sacro!</l>
<l n="2.30.5"> Quo, precor, inueniam tam sacrum fonte liquorem,</l>
<l n="2.30.6"> Inter mortales qui sine morte facit?</l>
<l n="2.30.7"> Naso, olor ut moriens deflebas fata Tibulli,</l>
<l n="2.30.8"> Nunc tecum campis uiuit in Elysiis.</l>
<l n="2.30.9"> Viuite, foelices, duo lumina, uiuite, uates,</l>
<l n="2.30.10"> Viuite purpureas inter uterque rosas.</l>
<l n="2.30.11"> Pene puer teneram tu cantas, Naso, Corinnam,</l>
<l n="2.30.12"> Pace tua non tu, Cinthyus illa canit.</l>
<l n="2.30.13"> Nomine nuptarum mittuntur scripta maritis,</l>
<l n="2.30.14"> Vt redeant, ut sit salua marita fides.</l>
<l n="2.30.15"> Scribere perdidicit numeros Ledea tenellos,</l>
<l n="2.30.16"> Tindaridis pulchrae, Naso, magister eras.</l>
<l n="2.30.17"> Tu quoque mutatas resonas noua scripta figuras</l>
<l n="2.30.18"> Romanosque canis splendida festa dies.</l>
<l n="2.30.19"> Tu cantas teneros, Musarum miles, amores,</l>
<l n="2.30.20"> Sed cadis ingenio, proh miser! ipse tuo.</l>
<l n="2.30.21"> Frange, miser, calamos, imple tua scripta lituris,</l>
<l n="2.30.22"> Exul eris scriptis, hei mihi, Naso, tuis.</l>
<l n="2.30.23"> Quantum irasceris studiis quantumque dolebis</l>
<l n="2.30.24"> Atque erit exilio quanta querella tuo!</l>
<l n="2.30.25"> Naso poeta, tuis uiues per saecula Musis;</l>
<l n="2.30.26"> Gaude igitur, non te tristia uerba decent.</l>
</div>
<div xml:id="GS231" type="poesis-epigramma" met="elegiacum">
<head>De morte Virgilii</head>
<l n="2.31.1"> Que mors Virgilium potuit sic perdere magnum,</l>
<l n="2.31.2"> Heu, qui diuino carmine magnus erat?</l>
<l n="2.31.3"> Sydera namque reor toto lucentia celo</l>
<l n="2.31.4"> Et lunam fatis condoluisse suis.</l>
<l n="2.31.5"> Credo ego lugubres uestes sumpsisse Camoenas</l>
<l n="2.31.6"> Et puto Phoebeam tunc gemuisse lyram.</l>
<l n="2.31.7"> Tunc Charites crinem lachrymis rupisse profusis</l>
<l n="2.31.8"> Et memorant Nymphas ueluti ululasse lupas.</l>
<l n="2.31.9"> Tityrus ipse senex, puer et formosus Alexis</l>
<l n="2.31.10"> Ecce gemunt laeto, diue poeta, tuo.</l>
<l n="2.31.11"> Ecce iacent fruges campis uicieque fabaeque,</l>
<l n="2.31.12"> Extincto que nam te cecidere, Maro.</l>
<l n="2.31.13"> Ecce Venus sparso deflet tua funera crine,</l>
<l n="2.31.14"> Qui fuerit nati, Cypria, preco tui.</l>
<l n="2.31.15"> Heu, Iouis inuidiam referunt nocuisse poete,</l>
<l n="2.31.16"> Cui, Maro, certabas ingenio ipse tuo.</l>
</div>
<div xml:id="GS232" type="carmen" met="sapphicum">
<head>Ad lyram</head>
<l n="2.32.1"> Iam tace misso, lyra grata, plectro,</l>
<l n="2.32.2"> Ecce te circum resident seueri,</l>
<l n="2.32.3"> Qui nimis callent digitis et aure,</l>
<l n="2.32.4"> Mille Catones.</l>
<l n="2.32.5"> Hique suspensis trutinant Camoenis,</l>
<l n="2.32.6"> Quale producunt tua fila carmen,</l>
<l n="2.32.7"> Tu tamen gaude trutina Catonum</l>
<l n="2.32.8"> Iudicioque.</l>
<l n="2.32.9"> Vult et insulsum trutinare uulgus,</l>
<l n="2.32.10"> Quod tenet semper cacethes superbum,</l>
<l n="2.32.11"> Dulce cui carmen facilemque uenam</l>
<l n="2.32.12"> Musa negauit.</l>
<l n="2.32.13"> Tu tamen uanum tolera popellum,</l>
<l n="2.32.14"> Qui solet pulchras lacerare Musas,</l>
<l n="2.32.15"> Et tuo gaude, lyra grata, cantu</l>
<l n="2.32.16"> Tempus in omne.</l>
<l n="2.32.17"> Mel meum Phoebus, cythare magister,</l>
<l n="2.32.18"> Musa solamen mihi semper: ergo</l>
<l n="2.32.19"> Deseram Phoebum compitesque nunquam</l>
<l n="2.32.20"> Callyopeas.</l>
</div>
<div xml:id="GS233"
type="poesis-elegia"
met="elegiacum"
ana="alterius-auctoris">
<head>
Andreas Banda Veronensis
</head>
<l n="2.33.1"> Vir celebrande, tuo nimium sum captus amore,</l>
<l n="2.33.2"> Cogor et ipse loqui, cogit et imus amor.</l>
<l n="2.33.3"> Nec mirere, precor, si te, doctissime, temptat</l>
<l n="2.33.4"> Visere cum raucis nostra Thalia sonis.</l>
<l n="2.33.5"> Hoc poscunt dotes, quibus en, celeberrime, fulges,</l>
<l n="2.33.6"> Hoc poscit uirtus ingeniumque tuum,</l>
<l n="2.33.7"> Hoc probitas, mores, generosa modestia uultus,</l>
<l n="2.33.8"> Eternos reddunt cetera queque uiros.</l>
<l n="2.33.9"> Me quoque constringit ueneranda caterua sororum,</l>
<l n="2.33.10"> Que primos haustus ante dedere mihi,</l>
<l n="2.33.11"> Que bene cantanti lauri cessere coronam</l>
<l n="2.33.12"> Et uatem plausu te petiere suo.</l>
<l n="2.33.13"> Sunt igitur merito data sunt tibi premia uatum</l>
<l n="2.33.14"> Omnia, que doctis sunt tribuenda uiris.</l>
<l n="2.33.15"> Nouisti elloquii, doctissime, flumina et artem,</l>
<l n="2.33.16"> Elloquio terso Tullius alter ades.</l>
<l n="2.33.17"> Scit uariis cantare modis tua docta Camoena,</l>
<l n="2.33.18"> Orpheus es dulci tu uel Apollo sono.</l>
<l n="2.33.19"> Inque tuo sunt iura simul sacra corde locata</l>
<l n="2.33.20"> Iureque consulti tu quoque nomen habes.</l>
<l n="2.33.21"> Nuper es et palmam tam forti Marte secutus,</l>
<l n="2.33.22"> Vt celebret nomem candida fama tuum.</l>
<l n="2.33.23"> Gaudeat Illyricus tractus tua cara simulque</l>
<l n="2.33.24"> Preclaro nato Sibenicena parens.</l>
<l n="2.33.25"> Te manet atque cupit propriis amplectier ulnis</l>
<l n="2.33.26"> Aduentuque tuo tota serena micat.</l>
<l n="2.33.27"> Clarum oratorem, clarum mamet<!-- ?? --> illa poetam,</l>
<l n="2.33.28"> Doctorem expectat te radiata nouum.</l>
<l n="2.33.29"> Perge igitur foelix, foelici et sydere rerum</l>
<l n="2.33.30"> In patriamque ferat prosperitate parens.</l>
<l n="2.33.31"> Deprecor, aspirent uenti, cum uela per equor</l>
<l n="2.33.32"> Tendes cumque undis credita nauis erit.</l>
<l n="2.33.33"> Iamque uale, et tandem tua numina uota secundent</l>
<l n="2.33.34"> Atque aliquando uelis tu memor esse mei.</l>
</div>
<div xml:id="GS234"
type="poesis-epigramma"
met="elegiacum"
ana="alterius-auctoris">
<head>
Hilarion Vicentinus
</head>
<l n="2.34.1"> Vatibus ut multis prestatur laurea, Gorgi,</l>
<l n="2.34.2"> Immeritis, merito sic tibi tantus honor.</l>
<l n="2.34.3"> Aonidum tibi turba fauet: dum carmina condis,</l>
<l n="2.34.4"> Surgit in obsequium Phoebus Apollo tuum.</l>
<l n="2.34.5"> Sapphicon interdum si summis, amice, cothurnum,</l>
<l n="2.34.6"> Iurem, quod Sappho docta magistra tibi.</l>
<l n="2.34.7"> Tu sapis ambrosiam et nectar sermone diserto,</l>
<l n="2.34.8"> Seu pedibus curras siue solutus eas.</l>
<l n="2.34.9"> Descripturus eram meritas tibi carmine laudes,</l>
<l n="2.34.10"> Ore licet rauco nostra Thalia foret,</l>
<l n="2.34.11"> Sed me Banda meus comitum fidissimus imus</l>
<l n="2.34.12"> Praeuenit, laudes pinxit et ille tuas.</l>
<l n="2.34.13"> Nunc contentus ero diuino munere Bande,</l>
<l n="2.34.14"> Laudati sat erit laus tibi tanta uiri.</l>
<l n="2.34.15"> Sufficiet scripsisse mihi atque orasse poetam,</l>
<l n="2.34.16"> Hilariona adamet confoueatque sinu.</l>
</div>
<div xml:id="GS235" type="poesis-epigramma-hymnus" met="elegiacum">
<head>Ad summum Deum</head>
<l n="2.35.1"> Summe deus, qui cuncta uides, qui cuncta gubernas,</l>
<l n="2.35.2"> Laus tibi, cui debet gloria cuncta dari.</l>
<l n="2.35.3"> Que mare, que tellus, retinent que sydera celi,</l>
<l n="2.35.4"> Sunt tua, magne deus, sunt tua, summe deus.</l>
<l n="2.35.5"> Syderibus celos ornasti, piscibus equor,</l>
<l n="2.35.6"> Alitibus pictis ethera, flore solum,</l>
<l n="2.35.7"> Ornastique hominem diuino munere solum</l>
<l n="2.35.8"> Et facis, ut sapiat te duce sacra deo.</l>
<l n="2.35.9"> Et mihi scintillam donorum, summe, dedisti,</l>
<l n="2.35.10"> Laus tibi, cui debet gloria cuncta dari.</l>
</div>
<div xml:id="GS236" type="poesis-epigramma" met="hendecasyllabus">
<head>Ad Andream Bandam Veronensem</head>
<l n="2.36.1"> Andrea, decus omnium studentum</l>
<l n="2.36.2"> Et sydus patrie tue refulgens,</l>
<l n="2.36.3"> Musis tu ne faues in orbe magnis?</l>
<l n="2.36.4"> Que magnos faciunt uiros et almos,</l>
<l n="2.36.5"> Vt doctum patrie tue Catullum</l>
<l n="2.36.6"> Aut cultum numeris bonis Tibullum</l>
<l n="2.36.7"> Vel uatem quoque Cinthyam canentem,</l>
<l n="2.36.8"> Nasonem quoque deditum Corinne.</l>
<l n="2.36.9"> Praeclarissime, qui faues poetis</l>
<l n="2.36.10"> Et qui Castalios bibis liquores,</l>
<l n="2.36.11"> Credas tu mihi, melle dulciores,</l>
<l n="2.36.12"> Certe gratus es et nouem puellis</l>
<l n="2.36.13"> Et Phoebo quoque uatibus sacrato.</l>
<l n="2.36.14"> Laetantur Charites tuis Camoenis</l>
<l n="2.36.15"> Pulsantes pedibus theatra magna,</l>
<l n="2.36.16"> Et texunt Driades tibi coronas</l>
<l n="2.36.17"> Ornatas uiolis sacro et hiacyntho.</l>
<l n="2.36.18"> Musae muneribus petunt poetam</l>
<l n="2.36.19"> Et lauro uiridi premunt capillum.</l>
<l n="2.36.20"> Salue tu potius, poeta dulcis,</l>
<l n="2.36.21"> Quem Verona dedit nouem puellis!</l>
<l n="2.36.22"> Nam Phoebus mihi diceris secundus</l>
<l n="2.36.23"> Et forma Eurialus uideris alter,</l>
<l n="2.36.24"> Tu semper generosa Banda proles</l>
<l n="2.36.25"> Et doctissimus utriusque legis.</l>
<l n="2.36.26"> Censerem bene me, scias, beatum,</l>
<l n="2.36.27"> Quod tanti celebrer uiri Camoenis,</l>
<l n="2.36.28"> Si digni fuerint mei uigores</l>
<l n="2.36.29"> Phoebo carminibus tuis sacratis.</l>
<l n="2.36.30"> Sed uates tibi gratias habebo,</l>
<l n="2.36.31"> Dum Phoebi radiis fruar coruscis,</l>
<l n="2.36.32"> Quod me perpetua lyra serenas,</l>
<l n="2.36.33"> Et te pectoribus meis tenebo,</l>
<l n="2.36.34"> Dum nostri memor ipse sim uigoris.</l>
</div>
</div>
<div type="poesis-liber">
<!-- liber III -->
<head><add>Liber <num value="3">III</num></add></head>
<div xml:id="GS301" type="poesis-elegia" met="elegiacum">
<head>Ad Ambrosium Sibenicensem philosophum</head>
<l n="3.1.1">Impia fors nostrum uexabat denique corpus,</l>
<l n="3.1.2"> Non tamen exitio corpus inane dedit,</l>
<l n="3.1.3"> Vel quia me noluit melioribus addere fatis,</l>
<l n="3.1.4"> Vel quia non uno tempore sceua premit.</l>
<l n="3.1.5"> Hei mihi, cum primum coepi sentire uapores,</l>
<l n="3.1.6"> Iam caput ex stomacho qui petiere malo,</l>
<l n="3.1.7"> Hei mihi, cum sicco riguit mea lingua palato</l>
<l n="3.1.8"> Bucchaque fastidit febre referta cibum,</l>
<l n="3.1.9"> Ignibus assiduis urgebat feruida febris</l>
<l n="3.1.10"> Occupat et noctes sceuior illa meas.</l>
<l n="3.1.11"> Hei mihi, tunc mecum clamabam saepe gemendo</l>
<l n="3.1.12"> Poscoque decoctam saepius eger aquam.</l>
<l n="3.1.13"> Tangebat medicus uitalem pollice pulsum,</l>
<l n="3.1.14"> Dicebat medicus: "Flammeus egror inest."</l>
<l n="3.1.15"> Cernebat croceos uitreo sub uase liquores,</l>
<l n="3.1.16"> Purgando stomacho ferre iubebat opem.</l>
<l n="3.1.17"> Antyciram sumpsi, uomitumque mouentia pocla</l>
<l n="3.1.18"> Purgarunt succis uiscera plena malis.</l>
<l n="3.1.19"> Interea bibulos coepi sentire calores</l>
<l n="3.1.20"> Et memor offensum saepe timere deum.</l>
<l n="3.1.21"> Lux aderat diue, que tersit crine magistrum</l>
<l n="3.1.22"> Et que purgauit crimina multa gemens.</l>
<l n="3.1.23"> Vt mea nota sacro facerem secreta ministro,</l>
<l n="3.1.24"> Deposui tuta crimen in aure meum.</l>
<l n="3.1.25"> Heredes nostros legali robore scribo,</l>
<l n="3.1.26"> Legoque sed tumulo carmina bina meo:</l>
<l n="3.1.27"> "Ius colui, Musas colui coluique beatos,</l>
<l n="3.1.28"> Sisgoreo dicas, lector amice, uale!"</l>
<l n="3.1.29"> Nunc me restituit nostre deus ille saluti,</l>
<l n="3.1.30"> Virgine qui natus, qui cruce passus erat.</l>
<l n="3.1.31"> Thura feram et grano fumabunt templa Sabeo</l>
<l n="3.1.32"> Atque canam nostro carmina grata deo.</l>
<l n="3.1.33"> Tu, decus Ambrosi nostrum, mactato bidentem,</l>
<l n="3.1.34"> Qualem pro nato saepe litare solent.</l>
<l n="3.1.35"> Quam si mactabis, nostro de more beato</l>
<l n="3.1.36"> Cantabo dotes tempus in omne tuas.</l>
</div>
<div xml:id="GS302" type="poesis-epigramma-epistula" met="elegiacum">
<head>Ad Tydeum Acciarinum poetam</head>
<l n="3.2.1">Neptuno pecudem mactauimus e grege nostro,</l>
<l n="3.2.2"> Vt faueat uelis, Acciarine, tuis.</l>
<l n="3.2.3"> Non sine uersiculis sacram et iugulauimus agnam,</l>
<l n="3.2.4"> Temperet ut rabiem uentus et unda suam.</l>
<l n="3.2.5"> Sanguine placantur pecudum pia numina quedam</l>
<l n="3.2.6"> Placatumque magis carmine numen erit.</l>
<l n="3.2.7"> Eurydices coniunx plectro mulcebat Achiuo</l>
<l n="3.2.8"> Sceuitiem uenti, flumina, saxa, feras.</l>
<l n="3.2.9"> O utinam uires habuissent carmina nostra,</l>
<l n="3.2.10"> O utinam nobis esset et ampla domus!</l>
<l n="3.2.11"> Pro te dictarem carmen, dulcissime uatum,</l>
<l n="3.2.12"> Et mihi nunc pro te, crede, darentur opes.</l>
<l n="3.2.13"> Tu mihi Nisus eris, nec te tua sydera fallunt,</l>
<l n="3.2.14"> Si cupis Eurialum, Nise, ualere, uale!</l>
</div>
<div xml:id="GS303"
type="poesis-epigramma-epistula"
met="elegiacum"
ana="alterius-auctoris">
<head>
Raphael Zouenzonius poeta
</head>
<l n="3.3.1">I, mea Musa, uocat Gorgis, qui rure beato</l>
<l n="3.3.2"> Viuit, ad ambrosias i, mea Musa, dapes,</l>
<l n="3.3.3"> Pallas ubi Liberque pater docteque sorores</l>
<l n="3.3.4"> Cunque corymbifera pulcher Apollo coma.</l>
<l n="3.3.5"> Vescimur incoctis nos glandibus, arrida fontes</l>
<l n="3.3.6"> Lingua bibit, uilem dat mihi terra thorum.</l>
<l n="3.3.7"> Squallidus Illyricis uersabor solus in antris,</l>
<l n="3.3.8"> Solus agam miseros te sine, Musa, dies.</l>
<l n="3.3.9"> I, pete foelices, foelix mea Musa, penates,</l>
<l n="3.3.10"> Est mihi cum duris fas habitare feris.</l>
<l n="3.3.11"> Cur contraxisti frontem? quid abire recusas?</l>
<l n="3.3.12"> Quid premis amplexu flens mea colla tuo?</l>
<l n="3.3.13"> Non ego te mittam, mea sis comes usque licebit,</l>
<l n="3.3.14"> Desine iam lachrymis sollicitare genas.</l>
<l n="3.3.15"> Tu ueniam nostre dato, candide Gorgi, puelle,</l>
<l n="3.3.16"> Que sine me non uult limine ferre pedem,</l>
<l n="3.3.17"> Amplius et nostram nolis tu arcessere Musam</l>
<l n="3.3.18"> Ad te uel mecum, Gorgi, uenire iube!</l>
</div>
<div xml:id="GS304" type="ode" met="sapphicum">
<head>Carmen ad Christum</head>
<l n="3.4.1"> Christus totius dominator orbis,</l>
<l n="3.4.2"> Virginis gaudens utero pudice,</l>
<l n="3.4.3"> Signa diuino faciens triumpho,</l>
<l n="3.4.4"> Rector in orbe,</l>
<l n="3.4.5"> Christe Iudeam patiens cateruam</l>
<l n="3.4.6"> Et crucis mortem tolerans prophanam,</l>
<l n="3.4.7"> Vt tibi totum pietate mundum</l>
<l n="3.4.8"> Conciliares.</l>
<l n="3.4.9"> Christe, qui uicta nece suscitasti</l>
<l n="3.4.10"> Carneam formam pietate sumptam,</l>
<l n="3.4.11"> Vulneris plenam, deitate magnam,</l>
<l n="3.4.12"> Virgine natam.</l>
<l n="3.4.13"> Christe, regnator deus et creator,</l>
<l n="3.4.14"> Celicos lectis reserans triumphos,</l>
<l n="3.4.15"> Nube conclusus penitus uolasti</l>
<l n="3.4.16"> Patris ad arces.</l>
<l n="3.4.17"> Christe, foelicem mihi da salutem</l>
<l n="3.4.18"> Et meam cernas lachrymam profusam,</l>
<l n="3.4.19"> Cerne pulmonis gemitus gementis,</l>
<l n="3.4.20"> Pectora cerne.</l>
</div>
<div type="poesis-epigramma" met="elegiacum">
<head>Ad Marcum Bollanum pretorem</head>
<l n="3.5.1"> Magnum, Marce, decus Veneti, Bollane, senatus,</l>
<l n="3.5.2"> Quem sortita uirum patria nostra fuit.</l>
<l n="3.5.3"> Nam tua laetitiam nobis pretura gerebat,</l>
<l n="3.5.4"> Cum te pretorem curia sacra dedit.</l>
<l n="3.5.5"> Venisti, pretor, miro expectatus amore,</l>
<l n="3.5.6"> Publica res tali preside laeta fuit.</l>
<l n="3.5.7"> Vrbs tibi tota dedit plausum, sonitumque tubarum</l>
<l n="3.5.8"> Aduentu eripuit plurima bomba tuo.</l>
<l n="3.5.9"> Sunt data, Marce, tibi preture insignia, fasces</l>
<l n="3.5.10"> Et tota uotis urbe fauente tuis.</l>
<l n="3.5.11"> Gaudebant ciues Saturnia regna redire</l>
<l n="3.5.12"> Et tecum laetos degere posse dies.</l>
<l n="3.5.13"> Spes nimium fallax, cupidos spes fallit amantes,</l>
<l n="3.5.14"> Fallit et agricolas, fallit et illa feras.</l>
<l n="3.5.15"> Iuncta tibi fuerat Venetorum prole bonorum</l>
<l n="3.5.16"> Moribus et forma Penthesilea decens.</l>
<l n="3.5.17"> Non sic cara uiro fuerat Lucretia casta,</l>
<l n="3.5.18"> Nec fuerat socio Penelopeque suo.</l>
<l n="3.5.19"> Mors rapuit nuptam, mors omnia nata prophanat,</l>
<l n="3.5.20"> Hei mihi, crudelis mors cita, cruda nimis.</l>
<l n="3.5.21"> Te dolor inclusus constanti pectore uexat,</l>
<l n="3.5.22"> Et fers pullatam, pretor, in urbe togam.</l>
<l n="3.5.23"> Nam dolor iste tuus dolor est communis in urbe,</l>
<l n="3.5.24"> Moestitiam populus luget et ipse tuam.</l>
<l n="3.5.25"> Certe elegos lusi semper, miserabile carmen,</l>
<l n="3.5.26"> Degebat miseros nam mea uita dies.</l>
<l n="3.5.27"> Te ueniente quidem nostram, bone pretor, ad urbem</l>
<l n="3.5.28"> Scribebam laetis Sapphica metra modis.</l>
<l n="3.5.29"> Laetitiam nostram mutauit funus amarum,</l>
<l n="3.5.30"> Infoelix funus, Penthesilea, tuum.</l>
<l n="3.5.31"> Nam lyra nostra gemit crudeli funere demptam,</l>
<l n="3.5.32"> Que fuerat longos digna uidere dies.</l>
<l n="3.5.33"> Ipse doles, minuit tua sed constantia luctum,</l>
<l n="3.5.34"> Quod populus laudat semper ad astra ferens.</l>
<l n="3.5.35"> Pone, rogat populus, totas de corde querellas,</l>
<l n="3.5.36"> Tu sic moestitie, Marce, leuamen eris.</l>
<l n="3.5.37"> Ciuibus esto tuis foelix, clarissime pretor,</l>
<l n="3.5.38"> Estoque iustitie cum probitate tenax!</l>
<l n="3.5.39"> Esto mihi misero et nostris tutella Camoenis,</l>
<l n="3.5.40"> Pulsabo nostram saepius ipse lyram.</l>
</div>
<div type="poesis-elegia" met="elegiacum">
<head>Ad Symonem Diphnycum theologum</head>
<l n="3.6.1"> Scripsi multa dolens, Symon, generosa propago,</l>
<l n="3.6.2"> Dedite stigmiferi numinibusque dei.</l>
<l n="3.6.3"> Non cesso miseras uates resonare querellas,</l>
<l n="3.6.4"> Hei mihi, sunt uite stammina nigra mee.</l>
<l n="3.6.5"> Iam dudum fleui crudelia funera fratrum</l>
<l n="3.6.6"> Et pressit nostras lachryma multa genas.</l>
<l n="3.6.7"> Et solitus Turcus nostris accurrere campis</l>
<l n="3.6.8"> Turbauit querulo carmina nostra sono.</l>
<l n="3.6.9"> Melpomene citharam pulsabat moesta gementem,</l>
<l n="3.6.10"> Cum mala uexabat pectora nostra lues.</l>
<l n="3.6.11"> Fugerat extremo fato pretoria coniunx</l>
<l n="3.6.12"> Et cecinit tristes nostra Thalia modos.</l>
<l n="3.6.13"> Hei mihi, perpetui uexabor carmine luctus,</l>
<l n="3.6.14"> Nec me solari nunc ualet ulla quies.</l>
<l n="3.6.15"> Predia Virgilii Romanus miles habebat,</l>
<l n="3.6.16"> Reddita Pyerio sunt tamen illa uiro.</l>
<l n="3.6.17"> Arua paterna mihi ciuili lege relicta</l>
<l n="3.6.18"> Heu rigor eripuit sceuitiesque mala.</l>
<l n="3.6.19"> Magnaque ditauit Ciceronem Roma disertum</l>
<l n="3.6.20"> Atque humilis Cicero consul in urbe fuit.</l>
<l n="3.6.21"> Me ciuem ciuis sacro spoliauit honore,</l>
<l n="3.6.22"> Foelices doluit uiuere posse dies.</l>
<l n="3.6.23"> Vrbem Antenoream, que me donauit honore,</l>
<l n="3.6.24"> Foelicem memoro terque quaterque deam.</l>
<l n="3.6.25"> Qua tibi lege querar, dulcissima patria, de te,</l>
<l n="3.6.26"> Que miserum crucias et sine lege uides?</l>
<l n="3.6.27"> Non cernis nigrum me, patria terra, Sinonem,</l>
<l n="3.6.28"> Famosa certe qui cruce dignus erat,</l>
<l n="3.6.29"> Nec me damnasti Paridem uirtute carentem,</l>
<l n="3.6.30"> Nam fueram semper tyro, Minerua, tuus.</l>
<l n="3.6.31"> Delia nulla fuit, fuerat uel Cinthya nulla,</l>
<l n="3.6.32"> Fabula uel de me nulla Corinna fuit.</l>
<l n="3.6.33"> Blanditie nostre fuerant sacra uirgo Diana,</l>
<l n="3.6.34"> Nec colui numen, Cypria blanda, tuum.</l>
<l n="3.6.35"> Nec fixi precio, nec patria iura refixi,</l>
<l n="3.6.36"> Tanthaleis careo Sysipheisque malis.</l>
<l n="3.6.37"> Sentio Pyerios in me sine lege furores,</l>
<l n="3.6.38"> Vos nimis iratas arbitror esse deas.</l>
<l n="3.6.39"> Me uobis dederam teneris studiosus ab annis,</l>
<l n="3.6.40"> Carmina nam uobis uersiculosque dabam.</l>
<l n="3.6.41"> Nunc tamen ipse magis sacrorum iura colebam</l>
<l n="3.6.42"> Non memor Aonidum Pyeridumque chori.</l>
<l n="3.6.43"> Parcite, Pyerides, stimulo uicistis acuto,</l>
<l n="3.6.44"> Iuribus en positis carmina scribo dolens.</l>
<l n="3.6.45"> Castalides fuerant nostrorum causa dolorum,</l>
<l n="3.6.46"> Conqueror et miseros continuasse dies.</l>
<l n="3.6.47"> Certe ego uexatus tolerarem cuncta poeta,</l>
<l n="3.6.48"> Omnia, que nostri causa doloris erant.</l>
<l n="3.6.49"> Sed, rogo, quis uates fictos toleraret amicos?</l>
<l n="3.6.50"> A, pereat simulans hostis amicitiam!</l>
<l n="3.6.51"> Nisus et Euriali perierunt tempora cari,</l>
<l n="3.6.52"> Quos mirata fuit denique prisca fides.</l>
<l n="3.6.53"> Lelius in sacro semper uiuebat amore,</l>
<l n="3.6.54"> Scipio testis erat tempus in omne grauis.</l>
<l n="3.6.55"> Aonides, nimium nostros lacerastis honores,</l>
<l n="3.6.56"> Parcite Pyerio, parcite, queso, uiro!</l>
<l n="3.6.57"> Parcite iam nostris, foelix, rogo, turba, querellis,</l>
<l n="3.6.58"> Non ego uos linquam Castaliosque lacus.</l>
<l n="3.6.59"> Carmina dictabo, Musas uenerabor amantes,</l>
<l n="3.6.60"> Nec mittam syluas, pulcher Apollo, tuas.</l>
<l n="3.6.61"> Tu quoque parce meo, dominans fortuna, dolori,</l>
<l n="3.6.62"> Et uates lyricis ipse sonabo modis.</l>
<l n="3.6.63"> Nec me iam laceres, nec me, sceuissima, uexes,</l>
<l n="3.6.64"> Nec des Plutoni Tartareoque cani.</l>
<l n="3.6.65"> Ipse relegatum Nasonem saepe beaui</l>
<l n="3.6.66"> Inter Sauromatas barbaricosque Getas.</l>
<l n="3.6.67"> Filia Pasiphaes scopulis neglecta marinis</l>
<l n="3.6.68"> Visa fuit foelix saepius ipsa mihi.</l>
<l n="3.6.69"> Conqueror, inuidi miseris miserabilis ipse,</l>
<l n="3.6.70"> Saepius inuidi foemineisque malis.</l>
<l n="3.6.71"> Tu, precor, antydotum tribuas, doctissime Symon,</l>
<l n="3.6.72"> Si potis es curas ipse leuare meas.</l>
</div>
<div type="poesis-epigramma" met="elegiacum">
<head>Contra ingratum</head>
<l n="3.7.1"> Euryali formam superas, ingrate, superbam,</l>
<l n="3.7.2"> Euryalus ueluti non tamen ipse places.</l>
<l n="3.7.3"> Tuque, ingrate, licet Pellide stemmata uincas,</l>
<l n="3.7.4"> Tersites tamen es moribus ipse malis.</l>
<l n="3.7.5"> Caedit magna tibi Romani copia Crassi,</l>
<l n="3.7.6"> Pauperiem Codri sed magis ipse uelim.</l>
<l n="3.7.7"> Non tibi Persarum lex est, ingrate, timori,</l>
<l n="3.7.8"> Lex te Persarum perdat, inique, nimis.</l>
<l n="3.7.9"> Nil tibi cum Musis, Charites tibi nulla dedere,</l>
<l n="3.7.10"> Nil tibi cum Nymphis deliciisque sacris.</l>
<l n="3.7.11"> Te, puto, Tisiphone genuit uel Cerberus ipse,</l>
<l n="3.7.12"> Tisiphones habeas Cerbereasque domos.</l>
</div>
<div xml:id="GS3008" type="ode" met="sapphicum">
<head>Ad Ambrosium Sibenicensem philosophum</head>
<l n="3.9.1"> Doctor Ambrosi, Sibenica proles,</l>
<l n="3.9.2"> Patrie sydus probitate fulgens,</l>
<l n="3.9.3"> Te lyre nostre resonabo cantu:</l>
<l n="3.9.4"> Musa, faueto.</l>
<l n="3.9.5"> Tu dei ueri celebrator almus,</l>
<l n="3.9.6"> Qui potens celsa uolitans ab arce</l>
<l n="3.9.7"> Perditum mundum docuit sacrati</l>
<l n="3.9.8"> Lumina uerbi.</l>
<l n="3.9.9"> Dicta sacrorum tibi sunt aperta,</l>
<l n="3.9.10"> Scripserat quicquid sacer ille Aquinas</l>
<l n="3.9.11"> Siue doctorum specimen minorum,</l>
<l n="3.9.12"> Scotia proles.</l>
<l n="3.9.13"> Atque tu figis logycas sagittas</l>
<l n="3.9.14"> Et datas in te bene tu repellis,</l>
<l n="3.9.15"> Copia rerum penitus refulges</l>
<l n="3.9.16"> Philosophie.</l>
<l n="3.9.17"> Verba conscribis bene tu Latina</l>
<l n="3.9.18"> Tullio magno duce uel magistro</l>
<l n="3.9.19"> Et tibi, uir, sunt, celebrande, leges</l>
<l n="3.9.20"> Iustiniane.</l>
<l n="3.9.21"> Tu faues nostris, uenerande, Musis</l>
<l n="3.9.22"> Et dies longos mihi tu precaris,</l>
<l n="3.9.23"> Pro quibus pinguem iugulas iuuencam</l>
<l n="3.9.24"> Atque bidentem.</l>
<l n="3.9.25"> Pro tuis oro meritis poeta,</l>
<l n="3.9.26"> Sit tuo foelix Lachesis uigori,</l>
<l n="3.9.27"> Saeculum post hoc uideasque campos</l>
<l n="3.9.28"> Elysiorum.</l>
</div>
<div type="poesis-epigramma" met="elegiacum">
<head>Ad Paulum Rippam pretorem</head>
<l n="3.10.1"> Paule, magistratus dignissime, Rippa propago,</l>
<l n="3.10.2"> Principium cuius Mantua clara fuit.</l>
<l n="3.10.3"> Rippa domus fuerat dominans tibi, Mantua foelix,</l>
<l n="3.10.4"> Est modo sed Venete gloria facta toge.</l>
<l n="3.10.5"> Rippaque perpetuis uirtutibus ipsa nocebit,</l>
<l n="3.10.6"> Quas paris officio, Paule serene, tuo.</l>
<l n="3.10.7"> Magnanimus Veneta tu dux in classe fuisti</l>
<l n="3.10.8"> Et tua cum magna laude triremis erat.</l>
<l n="3.10.9"> Miles erat fortis, qui remo pelleret undas</l>
<l n="3.10.10"> Et qui barbaricis bella cruenta daret.</l>
<l n="3.10.11"> Est honor iste tuus, nam, si dormisset Vlixes,</l>
<l n="3.10.12"> Dormisset pigro tota caterua uiro.</l>
<l n="3.10.13"> Vidisti ueniens Sibenicam pretor in urbem</l>
<l n="3.10.14"> Prorsus ob aduentum gaudia facta tuum.</l>
<l n="3.10.15"> Te gaudet populus, miseri letantur in urbe</l>
<l n="3.10.16"> Et mea laetitiam clauda Camoena sonat.</l>
<l n="3.10.17"> Credimus Astream tecum uenisse micantem,</l>
<l n="3.10.18"> Credimus et Charites ducere posse choros.</l>
<l n="3.10.19"> Dique tuis faueant, pretor iustissime, coeptis</l>
<l n="3.10.20"> Erigoneque decens nunc tua sceptra regat!</l>
</div>
<div type="poesis-elegia" met="elegiacum">
<head>De miseriis amantium</head>
<l n="3.11.1"> Sunt tua dura nimis, sceuissime, castra, Cupido,</l>
<l n="3.11.2"> Et laudat signum nulla caterua tuum.</l>
<l n="3.11.3"> Est tibi uexillum Tyrio sub murice tinctum</l>
<l n="3.11.4"> Signaque uexilli sanguinolenta tui.</l>
<l n="3.11.5"> Sanguinolenta tui uexilli signa feruntur,</l>
<l n="3.11.6"> Vlceribus gaudent tella Cupidinea.</l>
<l n="3.11.7"> Signa ferunt pictum, presigne Cupidinis, arcum,</l>
<l n="3.11.8"> Signa ferunt etiam spicula dura nimis.</l>
<l n="3.11.9"> Est tibi ductori quam maxima copia gentis,</l>
<l n="3.11.10"> Te duce que semper bella tacenda gerit.</l>
<l n="3.11.11"> Proque tuba cytharam mos est pulsare canoram,</l>
<l n="3.11.12"> Pro plausu molles edere saepe sonos.</l>
<l n="3.11.13"> Pro galea tinctam mos est deferre tyaram</l>
<l n="3.11.14"> Ferre unguentatam molliter atque comam.</l>
<l n="3.11.15"> Militibusque tuis fas est portare lacernam,</l>
<l n="3.11.16"> Pro torace tuo pulchra lacerna uiro est.</l>
<l n="3.11.17"> Militis hasta tui munus presigne rosarum</l>
<l n="3.11.18"> Vel calamus pingens mollia metra nimis.</l>
<l n="3.11.19"> Et gaudet speculo teneram spectando figuram,</l>
<l n="3.11.20"> Pro scuto speculum miles amator habet.</l>
<l n="3.11.21"> Militibus sunt arma tuis male tuta, Cupido,</l>
<l n="3.11.22"> Militis et certe proditor ipse tui es.</l>
<l n="3.11.23"> Cornua tu lunas et turmam figis inertem,</l>
<l n="3.11.24"> Sentit ut in magno uulnera facta rogo.</l>
<l n="3.11.25"> Sceue Cupido, Iouem domuisti uulnere ceco,</l>
<l n="3.11.26"> Miles erat quando Iuppiter ipse tuus.</l>
<l n="3.11.27"> Tu ductor Martis Mauortia pectora laedis,</l>
<l n="3.11.28"> Vulneris et tanti testis Apollo fuit.</l>
<l n="3.11.29"> Pyramus in flamma ceciditque Cupidinis arcu,</l>
<l n="3.11.30"> Mora notant lesi sparsa cruore uiri.</l>
<l n="3.11.31"> Et Paris infoelix tanto guadebat in ictu,</l>
<l n="3.11.32"> Sed Paridis <corr resp="NJ">flamma</corr>, regia Troia, cadis.</l>
<l n="3.11.33"> Tu capis intactam tenero sub Marte iuuencam</l>
<l n="3.11.34"> Et tandem blando cogis amore mori.</l>
<l n="3.11.35"> Heu mihi, nunc, fateor, patitur mala multa, Cupido,</l>
<l n="3.11.36"> Militie molli dedita turba tue.</l>
<l n="3.11.37"> Cura grauis nimium uexans noctesque diesque</l>
<l n="3.11.38"> Et nimium languet pectus in igne furens.</l>
<l n="3.11.39"> Siue cibum carpit uincentis miles Amoris,</l>
<l n="3.11.40"> Pectore in ardenti fixa sagitta manet,</l>
<l n="3.11.41"> Dulcia seu Bromio consummit pocla ministro,</l>
<l n="3.11.42"> Fortius in bibulo pectore torquet amor.</l>
<l n="3.11.43"> Si uenit interdum cupiens sacra liba uidere,</l>
<l n="3.11.44"> Vritur infoelix nec memor ipse dei.</l>
<l n="3.11.45"> Vulnere defessus si forte uagatur in urbe,</l>
<l n="3.11.46"> Querit amans sociam uulneris ipse suam.</l>
<l n="3.11.47"> Tempora si placidam tribuunt nocturna quietem,</l>
<l n="3.11.48"> Occurrunt misero somnia multa uiro.</l>
<l n="3.11.49"> Dormit miles amans et clausis cernit ocellis</l>
<l n="3.11.50"> Saepius et loquitur uerba iocosa tacens.</l>
<l n="3.11.51"> Saepe audit gratas uoces fallente sopore,</l>
<l n="3.11.52"> Saepius et lachrymas fudit ineptus amans.</l>
<l n="3.11.53"> Tangere dormitans ardet sua gaudia amantem,</l>
<l n="3.11.54"> Tangendo tangit candida lina thori.</l>
<l n="3.11.55"> Fallitur infoelix properans et ad oscla puelle,</l>
<l n="3.11.56"> Nam dare saepe solet basia falsa sopor.</l>
<l n="3.11.57"> Protinus assurgens, quem somni cura fefellit,</l>
<l n="3.11.58"> Exit et optatam Phylida querit amans.</l>
<l n="3.11.59"> Nec timet inmensas errans de nocte procellas,</l>
<l n="3.11.60"> Hei mihi, nocturnam nec timet ille niuem,</l>
<l n="3.11.61"> Nec propriam curat sub ceco uulnere uitam,</l>
<l n="3.11.62"> Hei mihi, sunt dura castra, Cupido, tua.</l>
<l n="3.11.63"> Omnia tu superas et sunt sine lege ministri,</l>
<l n="3.11.64"> Quos retines signo, dure Cupido, tuo.</l>
<l n="3.11.65"> Ipse Iouem magnum fecisti, perfide, taurum,</l>
<l n="3.11.66"> In Veneris lecto Martia corda domas.</l>
<l n="3.11.67"> Cecus amor docuit fratrem te, Biblis, amare,</l>
<l n="3.11.68"> Vita tibi turpis, mors quoque turpis erat.</l>
<l n="3.11.69"> Tu Myrram uetito perdis sub amore, Cupido,</l>
<l n="3.11.70"> Patris in amplexu nata nephanda fuit.</l>
<l n="3.11.71"> Egregius forma contactus amore Hiacynthus</l>
<l n="3.11.72"> Turpiter ex puero foemina factus erat.</l>
<l n="3.11.73"> Legeque nature quamuis damnata uoluptas</l>
<l n="3.11.74"> Est concessa tamen lege, Cupido, tua.</l>
<l n="3.11.75"> Lex tua deformis, Veneris quoque digna marito,</l>
<l n="3.11.76"> A pereant leges, magne Cupido, tue.</l>
<l n="3.11.77"> Ille erit infoelix, tua qui uexilla sequetur,</l>
<l n="3.11.78"> Infoelix semper militis esca tui est.</l>
</div>
<div type="poesis-cyclus" met="elegiacum">
<head>De diebus festis</head>
<div type="poesis-epigramma" met="elegiacum">
<head>Ianuarius</head>
<l n="3.12.1.1"> Nil mihi cum ueteri Romane gentis honore,</l>
<l n="3.12.1.2"> Quem canit in fastis Naso poeta suis.</l>
<l n="3.12.1.3"> Vana superstitio dominorum namque Quiritum</l>
<l n="3.12.1.4"> Et fuit eterne relligionis inops.</l>
<l n="3.12.1.5"> Maxima festa sono totum digesta per annum,</l>
<l n="3.12.1.6"> Que populo ueri sunt ueneranda dei.</l>
<l n="3.12.1.7"> Pompilius Ianum perfecit mensibus anni,</l>
<l n="3.12.1.8"> Incipit a Iani mense poeta canens.</l>
<l n="3.12.1.9"> Principium nostris sunt Iani tempora coeptis,</l>
<l n="3.12.1.10"> Ordinibus priscis conuenit ordo nouus.</l>
<l n="3.12.1.11"> Prima dies Iani toto celeberrima mundo est,</l>
<l n="3.12.1.12"> Qua deus incisa carne puellus erat.</l>
<l n="3.12.1.13"> Nomen et excelsum nostre tulit ille salutis,</l>
<l n="3.12.1.14"> Vera salus Iesus nomine dictus erat.</l>
<l n="3.12.1.15"> Nec se iam tanto iactabit nomine quisquam,</l>
<l n="3.12.1.16"> Nomen ad hoc semper flectitur omne genu.</l>
<l n="3.12.1.17"> Sexta dies Iani est, qua stella nouella reduxit</l>
<l n="3.12.1.18"> Virginis ad partum regia dona sacrum.</l>
<l n="3.12.1.19"> Est quindena dies decima cum luce biformis</l>
<l n="3.12.1.20"> Ad decus ensiferi facta beata dei.</l>
</div>
<div type="poesis-epigramma" met="elegiacum">
<head>Februarius</head>
<l n="3.12.2.1"> Februa post Ianum ueniunt cito tempora nobis,</l>
<l n="3.12.2.2"> Laetitiam nobis februa festa dabunt.</l>
<l n="3.12.2.3"> Altera lux mensis totum radiata per euum est.</l>
<l n="3.12.2.4"> Qua tulit ad templum uirgo serena deum.</l>
<l n="3.12.2.5"> Illuxit mihi clara dies duodena canenti,</l>
<l n="3.12.2.6"> Qua doctor Pataua factus in urbe fui,</l>
<l n="3.12.2.7"> Et referens grates nostro cum carmine Christo</l>
<l n="3.12.2.8"> Tempus et hoc inter maxima festa cano.</l>
<l n="3.12.2.9"> Vndenaque die geminata mense sub isto</l>
<l n="3.12.2.10"> Clauiger in sacra sede triumphus erat.</l>
<l n="3.12.2.11"> Ter octaua dies numero numerata sub isto</l>
<l n="3.12.2.12"> Sortibus electum lux dabit ista nouum</l>
<l n="3.12.2.13"> Ieiunique caput ueneratur temporis ipsum,</l>
<l n="3.12.2.14"> Quo sacer ad cinerem cuncta redire docet.</l>
</div>
<div type="poesis-epigramma" met="elegiacum">
<head>Martius</head>
<l n="3.12.3.1"> Ieiune nimium Martis uenere Calende,</l>
<l n="3.12.3.2"> Cum quadraginta sint sine carne dies.</l>
<l n="3.12.3.3"> Doctorale caput triplici diademate cinctum</l>
<l n="3.12.3.4"> Bissenam potuit Martis habere diem.</l>
<l n="3.12.3.5"> Quintaque Mauortis decimam geminando fenestram</l>
<l n="3.12.3.6"> Virgineum uentrem uoce tumere facit.</l>
<l n="3.12.3.7"> Palma dabit festum et ramus uiridantis oliue,</l>
<l n="3.12.3.8"> Quo canit humanum paruula turba deum.</l>
<l n="3.12.3.9"> Prebuit eternos nobis tua coena triumphos</l>
<l n="3.12.3.10"> Instituitque sacrum, Christe benigne, cibum.</l>
<l n="3.12.3.11"> Illa dies colitur lachrymoso plena dolore,</l>
<l n="3.12.3.12"> Qua deus humano corpore passus erat.</l>
<l n="3.12.3.13"> Vulnera flete dei mecum, mare, sydera, tellus,</l>
<l n="3.12.3.14"> Lugeat et nigra flamen in ecclesia.</l>
<l n="3.12.3.15"> Queso, meis oculis date nunc, date flumen aquarum,</l>
<l n="3.12.3.16"> Ipse creatoris flebo poeta necem.</l>
<l n="3.12.3.17"> Christe, tui nobis lux est ueneranda sepulchri,</l>
<l n="3.12.3.18"> Mors tua sed nostre uita salutis erat.</l>
<l n="3.12.3.19"> Diuino radio festum pascale refulget,</l>
<l n="3.12.3.20"> Quo deus in proprio funere uictor erat.</l>
</div>
<div type="poesis-epigramma" met="elegiacum">
<head>Aprilis</head>
<l n="3.12.4.1"> Martius Aprilem generat, quo prata uirescunt</l>
<l n="3.12.4.2"> Et portat gemmas arbor aperta suas.</l>
<l n="3.12.4.3"> Idibus exactis iunctis bis quinque fenestris</l>
<l n="3.12.4.4"> Cum clipeo ueniet diuus ad arma datus.</l>
<l n="3.12.4.5"> Quinta dies decimam geminando mense sub isto</l>
<l n="3.12.4.6"> Alligero gaudens ipsa leone uenit.</l>
</div>
<div type="poesis-epigramma" met="elegiacum">
<head>Maius</head>
<l n="3.12.5.1"> Pulcher Maius adest roseo comitatus odore</l>
<l n="3.12.5.2"> Festaque formosus splendida Maius habet.</l>
<l n="3.12.5.3"> Florida lux Mais semper celebranda Calendis,</l>
<l n="3.12.5.4"> Hec tamen electis festa duobus erit.</l>
<l n="3.12.5.5"> Tercia lux mensis festum solenne datura est,</l>
<l n="3.12.5.6"> Qua fuit inuentum luce salutis opus</l>
<l n="3.12.5.7"> Electosque docens Christus uolitauit in altum</l>
<l n="3.12.5.8"> Talis et est toto festus in orbe dies.</l>
<l n="3.12.5.9"> Filius eterni residendo patris in arce</l>
<l n="3.12.5.10"> Flantis in aduentu gaudia mira dedit.</l>
<l n="3.12.5.11"> Nomina trina dei uenerantur cuncta creantis,</l>
<l n="3.12.5.12"> Est tamen eternus unus in orbe deus.</l>
<l n="3.12.5.13"> Est quoque magna nimis sacri ueneratio festi,</l>
<l n="3.12.5.14"> Quo colitur celso uictima plena deo.</l>
</div>
<div type="poesis-epigramma" met="elegiacum">
<head>Iunius</head>
<l n="3.12.6.1"> Iunius inmensi uenit cum fruge caloris</l>
<l n="3.12.6.2"> Festaque letitie Iunius ipse dabit.</l>
<l n="3.12.6.3"> Idibus Antoni Pataua ueneratur in urbe</l>
<l n="3.12.6.4"> Et colitur multo lumine sacra dies.</l>
<l n="3.12.6.5"> Sex dedit illa dies Greca sub imagine delthas,</l>
<l n="3.12.6.6"> Qua nitet agnigeri festus in orbe dies.</l>
<l n="3.12.6.7"> Viginti nonum numerum super adde diebus,</l>
<l n="3.12.6.8"> Clauiger et Paulus scerta sacrata ferent.</l>
</div>
<div type="poesis-epigramma" met="elegiacum">
<head>Iulius</head>
<l n="3.12.7.1"> Iulius ardenti mundum cum sole uidebit,</l>
<l n="3.12.7.2"> Producit festas Iulius ipse dies.</l>
<l n="3.12.7.3"> Mensis in istius preclara luce secunda</l>
<l n="3.12.7.4"> Agnigeri matrem uirgo uidere uenit.</l>
<l n="3.12.7.5"> Quinque quater numera geminas addendo fenestras,</l>
<l n="3.12.7.6"> Fas erit et flentem cernere posse deam.</l>
<l n="3.12.7.7"> Lux bisdena dabit cumulatis quinque diebus</l>
<l n="3.12.7.8"> Cum baculo diuum semper ad astra datum.</l>
</div>
<div type="poesis-epigramma" met="elegiacum">
<head>Augustus</head>
<l n="3.12.8.1"> Venit et Augustus plenus crescentibus uuis,</l>
<l n="3.12.8.2"> Augustus festas et dabit ipse dies.</l>
<l n="3.12.8.3"> Augusti nobis Nonarum tempora prestant</l>
<l n="3.12.8.4"> Virginis ad laudem festa beata nimis.</l>
<l n="3.12.8.5"> Laurifer aduenit decima cum luce leuita,</l>
<l n="3.12.8.6"> Qui fuit ardenti martyr in igne grauis.</l>
<l n="3.12.8.7"> Altera post Idus lux est ueneranda per orbem,</l>
<l n="3.12.8.8"> Qua fuit angelicis uirgo recepta choris.</l>
<l n="3.12.8.9"> Quinque dies generans huius uigesima mensis</l>
<l n="3.12.8.10"> Laetatur festo, Bartholomee, tuo.</l>
<l n="3.12.8.11"> Et bisdena dies coniunctis octo diebus</l>
<l n="3.12.8.12"> Ad decus Aurelii sacra docentis erit.</l>
</div>
<div type="poesis-epigramma" met="elegiacum">
<head>September</head>
<l n="3.12.9.1"> Septimus a Martis numerando mense refulget,</l>
<l n="3.12.9.2"> Cum festis mundo dulcia musta dabit.</l>
<l n="3.12.9.3"> Tercia post Nonas, sacratus uirginis ortus,</l>
<l n="3.12.9.4"> Cantabit toto carmen in orbe nouum.</l>
<l n="3.12.9.5"> Idibus ad laudem nostrum natale Tonantis</l>
<l n="3.12.9.6"> Surgit et ad magni gaudia sacra dei.</l>
<l n="3.12.9.7"> Post Idus octaua dies preclara nitebit,</l>
<l n="3.12.9.8"> Namque dies hominis festa uolantis erit.</l>
<l n="3.12.9.9"> Musarum numerum bisdenis adde diebus,</l>
<l n="3.12.9.10"> Sub pede libriferi perfidus hostis erit.</l>
<l n="3.12.9.11"> Vltima Septembris magno ueneratur honore</l>
<l n="3.12.9.12"> Ad decus excelsi condita Hieronymi.</l>
</div>
<div type="poesis-epigramma" met="elegiacum">
<head>October</head>
<l n="3.12.10.1"> Venit et October uentis imbutus aquosis,</l>
<l n="3.12.10.2"> Mensis et hic nobis candida festa dabit.</l>
<l n="3.12.10.3"> Quarta dies rutilat Francisci lumine claro,</l>
<l n="3.12.10.4"> Stygmiferi toto nomen in orbe uiget.</l>
<l n="3.12.10.5"> Lux octaua dabit iusti Symeonis honores,</l>
<l n="3.12.10.6"> Qui senior natum uidit in orbe deum.</l>
<l n="3.12.10.7"> Tercia post Idus toto lucebit in euo</l>
<l n="3.12.10.8"> Ad decus Alligeri facta beata bonis.</l>
<l n="3.12.10.9"> Octoque uiginti claris super adde diebus,</l>
<l n="3.12.10.10"> Ista quidem electis festa duobus erit.</l>
</div>
<div type="poesis-epigramma" met="elegiacum">
<head>Nouember</head>
<l n="3.12.11.1"> Celicolas cunctos ueneratur prima Nouembris</l>
<l n="3.12.11.2"> Prestat et eterno sic decus omne deo.</l>
<l n="3.12.11.3"> Altera lux umbras tenebroso carcere clausas</l>
<l n="3.12.11.4"> Placat et optata quippe iuuantur ope.</l>
<l n="3.12.11.5"> Mensis in undeno celebratur lumine festum</l>
<l n="3.12.11.6"> Ad decus egregii militis atque pii.</l>
<l n="3.12.11.7"> Portabit iungens quintam uigesima lucem</l>
<l n="3.12.11.8"> Laetitiam diue, quam rota perdiderat.</l>
<l n="3.12.11.9"> Vltimus Andree festum presigne coronat,</l>
<l n="3.12.11.10"> Nunc gaudens celsi qui tenet astra poli.</l>
</div>
<div type="poesis-epigramma" met="elegiacum">
<head>December</head>
<l n="3.12.12.1"> Festa dabit nobis Nicolai sexta Decembris,</l>
<l n="3.12.12.2"> Qui fauet in pelago connubiisque sacris.</l>
<l n="3.12.12.3"> Ambrosii nomen, toto uenerabile mundo,</l>
<l n="3.12.12.4"> Septima sacra dies cantat honore pio.</l>
<l n="3.12.12.5"> Gaudia prestabit nobis octaua Decembris,</l>
<l n="3.12.12.6"> Qua concepta die uirgo serena fuit.</l>
<l n="3.12.12.7"> Tercia post decimam lux est ueneranda Lucie,</l>
<l n="3.12.12.8"> Protinus ad laudem facta, Lucia, tuam.</l>
<l n="3.12.12.9"> Post Idus octaua dies fulgebit in euo</l>
<l n="3.12.12.10"> Ad decus electi, uulnera qui tetigit.</l>
<l n="3.12.12.11"> Nempe diem natalis habet uigesima quinta,</l>
<l n="3.12.12.12"> Quo deus intacta uirgine natus erat.</l>
<l n="3.12.12.13"> Stephanus inmensum sequitur natalis honorem</l>
<l n="3.12.12.14"> Nomine pro Christi plurima saxa ferens.</l>
<l n="3.12.12.15"> Post sequitur uolitans alti Iouis alta uolucris</l>
<l n="3.12.12.16"> Numine prestante celica multa canens.</l>
<l n="3.12.12.17"> Infantum pia turba deum sine labe sequuntur</l>
<l n="3.12.12.18"> Et laudes sparso sanguine saepe sonant.</l>
<l n="3.12.12.19"> Vltima Siluestri ueneratur festa Decembris</l>
<l n="3.12.12.20"> Cumque sua finem luce December habet.</l>
</div>
</div>
<div type="poesis-epigramma" met="elegiacum">
<head>Ad Belgrammonum Iustinopolitanum</head>
<l n="3.13.1"> Censuram placuit tuam uidere,</l>
<l n="3.13.2"> Qua nostram modo iudicas Camoenam,</l>
<l n="3.13.3"> Non quod me trutina tua probaris</l>
<l n="3.13.4"> Scribentem lachrymas, choros, amores,</l>
<l n="3.13.5"> Sed, Belgrammone, copiose scriptor,</l>
<l n="3.13.6"> Vt cernam genii tui nitorem.</l>
<l n="3.13.7"> Prudentem bene tu sapis Mineruam,</l>
<l n="3.13.8"> Sydus Mercurii fauet diserti,</l>
<l n="3.13.9"> Laurum Melpomene dabit capillo.</l>
</div>
</div>
</body>
<back>
<!-- back matter for the whole collection -->
<div type="poesis-epigramma" met="elegiacum" ana="alterius-auctoris">
<opener>
<signed>Giliberthus Grynaeus</signed>
</opener>
<head>Giliberthi, artium doctoris ac fortunae priuigni, clarissimi doctoris Georgii Sisgorei iudicium in hec</head>
<l n="b.1.1">Carmina laudamus sacro perfusa liquore,</l>
<l n="b.1.2"> Factaque Cyreo uertice Musa tua est.</l>
<l n="b.1.3"> Tu, uates uenerande, potes superare canendo</l>
<l n="b.1.4"> Meonidem, solus cum Cicerone sapis.</l>
<l n="b.1.5"> Non celebres sacros uidisti frustra poetas,</l>
<l n="b.1.6"> Quem dederit tantum Dalmata lingua decus.</l>
</div>
</back>
</text>
</TEI>
Šižgorić, Juraj; Marulić, Marko; Mihetić, Ambroz; Tideo Acciarini; Andrea Banda di Verona; Hilarion di Vicenza; Raffaele Zovenzoni; Giliberto Grineo (c. 1445-1509?; 1450-1524; c. 1420-post 1487) [1477], Elegiarum et carminum libri tres, versio electronica (), 1585 versus, verborum 10077, Ed. Veljko Gortan [genre: poesis - carmen; poesis - elegia] [word count] [sisgorgeleg].
|
