Marulić, Marko (1450-1524) [1480], Repertorium, versio electronica (), Verborum 315700, Ed. Branimir Glavičić [genre: prosa oratio - loci communes] [word count] [marulmarrepert].
-- KK1-310 --
Deformis.
Arcesilaus Emone quodam Chio, cum deformis esset et luxuriose indueretur, interrogante,
utrum illi sapiens amaturus uideretur, ait: Non, si ita pulcher fuerit ut tu, neque si ita
speciose uestitus incesserit ut tu [ERROR: no link page:]42.
Zeno corporis habitu deformis [ERROR: no link page:]63.
Diuitię.
Sacietatem ex diuitiis nasci, dixit Solon, et ex satietate contumelias gigni [ERROR: no link page:]8.
Chilo lapideis cotibus aurum exeminari dixit et dare apertum sui documentum, auro
autem bonorum malorumque hominum mentem, cuiusmodi sit, comprobari [ERROR: no link page:]10.
Pitacus pecunias a Croeso missas accipere noluit, duplo plura quam uellet se habere
contestans [ERROR: no link page:]10.
Croeso scripsit ad eum se uenturum non cupiditate habendi, sed humano uiro
familiariter utendi [ERROR: no link page:]11.
Indignum hominem diuitiarum gratia laudare noli [ERROR: no link page:]12.
Pherecydes: Neque aurum neque argentum honorandum [ERROR: no link page:]15.
Anaxagoras patrimonium suis sponte cęssit et se ad speculandum contulit [ERROR: no link page:]16.
Gestabat Aristippi famulus in itinere pecuniam, et cum premeretur onere, ille
"effunde", ait, "quod nimis est et fere ea quę pręuales." Nauigans pecuniam proiecit in
mare, ne propter illam a uectoribus perimeretur [ERROR: no link page:]23.
Stilpo, cum ea, quę capta patria amiserat, conscribere iuberetur restituendi gratia,
nihil suum se perdidisse respondit; quippe doctrinam et eruditionem sibi ademisse neminem
[ERROR: no link page:]26.
Diuitias neruos rerum esse [ERROR: no link page:]43.
Demetrius non modo diuitias cęcas asserebat, uerum et illarum autorem fortunam [ERROR: no link page:]52.
Diogenes diuitem indoctum ouem aureo uellere dicebat 57,
Crates deposuit pecuniam apud trapezitam, mandans, ut, si filii idiotę essent, eis
redderet, sin philosophi, plebi distribueret; nihilo quippe egere philosophos [ERROR: no link page:]61.
Metrocles diuitias nocere dixit, nisi quis eis digne utatur [ERROR: no link page:]62.
Euripidis de Napeo uersus, quod opes quidem illi fuerint, sed opibus
elatus non incesserit neque plus fastus habuerit quam egens uir [ERROR: no link page:]65.
Chrysippus quęrit, quo pacto sapienti quęstus sectandus sit et cuius rei gratia [ERROR: no link page:]79.
Porro, inanium opinionum diuitię in infinitum excidunt [ERROR: no link page:]110.
Dolor.
Solon flens obitum filii, cum sibi diceretur, quod nihil flendo proficeret, ob hoc enim
se flere dixit, quia nihil proficeret [ERROR: no link page:]9.
ms-99r
Marulić, Marko (1450-1524) [1480], Repertorium, versio electronica (), Verborum 315700, Ed. Branimir Glavičić [genre: prosa oratio - loci communes] [word count] [marulmarrepert].
|