Crijević, Ilija (1463-1520) [1484], Carmina e cod. Vat. lat. 1678, versio electronica (, Dubrovnik), 7675 versus, verborum 46525, Ed. Darko Novaković [genre: poesis - elegia; poesis - epigramma; poesis - lyrica; poesis - epica] [word count] [crijevicarm1678].
-- 81v -- Proh pudor, et sexu debiliore capit!
Me quoque conuellit: uiden ut Cythereia myrthus
Exclusit laurum, Martia serta, meam,
Nec fera sanguinei uacat hiscere praelia Martis,
Sed iubeor curas euigilare leues?
Quoque magis pateant obprobria, prodere cogor
Crimina nequitiae dissimulanda meae.
Ergo mihi toties uultus offerre uenustos
Desine; blanditiis, Flauia, parce tuis,
Nequa sinistra meum perstringat fabula nomen,
Differat et uulgi uoxque leuisque sonus.
Quis uero fera bella canat Martisque furorem,
Si mihi me uultu surripis ipsa tuo?
Quis sparget flammas, quis hyantia uulnera dicet,
Quis lituos aut quis classica pulsa ciet?
Quis cantu audaces animare in proelia turmas,
Quis queat hostiles conseruisse manus?
Quis spolia eripiet donisque onerabit opimis
Castra? Quis undantem sanguine tinget humum?
Parce igitur uati, uultu saeuire uenusto
Desine; uisceribus, Flauia, parce meis!
Vt uidi, ut perii, et stipulae leuis instar acerui
Crijević, Ilija (1463-1520) [1484], Carmina e cod. Vat. lat. 1678, versio electronica (, Dubrovnik), 7675 versus, verborum 46525, Ed. Darko Novaković [genre: poesis - elegia; poesis - epigramma; poesis - lyrica; poesis - epica] [word count] [crijevicarm1678].
|