Crijević, Ilija (1463-1520) [1484], Carmina e cod. Vat. lat. 1678, versio electronica (, Dubrovnik), 7675 versus, verborum 46525, Ed. Darko Novaković [genre: poesis - elegia; poesis - epigramma; poesis - lyrica; poesis - epica] [word count] [crijevicarm1678].
-- 15v -- Saepeque fraternae conscia Roma necis,
Aut quod Echioniis uix fas est credere Thebis:
Victum armis fratrem uincis amore pio.
Sic pia sanctorum rediit concordia fratrum
Et redit unanimi gratia iuncta fide.
Si qua fuit, penitus nunc exulat illa simultas
Et procul amborum corde reuulsa iacet.
Frustra igitur, frustra spargat furiale uenenum,
Frustra in uos Liuor perfida bella gerat!
Ite procul, Fraudes, Furiae procul ite nocentes;
Non hic Thebana est aut Pelopaea domus,
Sed simplex Spartana fides et qualis Atridas
Aut Siculos fratres alliciebat amor.
Tuque tuas depone faces et parce, Megaera,
Parce, precor, sanctum dissociare genus.[ERROR: no reftable :]2,132 sanctum in margine: reges | genus : suprascriptum pios
Ocyus Euryalum Nisus, Phocaeus Orestem,
Pyrithoique suum Thesea fallet amor,
Quam uos Inuidiae possint mala uerba furentis
Vincere et Allectus Thesiphonesque furor.
Nec uos credulitas, nec mens mala, caecus et error
Decipit, aut rabies aeris et atra fames.
Ah potius pereatis, opes, pereatis, auari,
Omnia cum regnis, aera, perite suis,
Quam uos ulla queant diuellere regna uel aurum,
Turpiter aut uestram commaculare fidem!
Crijević, Ilija (1463-1520) [1484], Carmina e cod. Vat. lat. 1678, versio electronica (, Dubrovnik), 7675 versus, verborum 46525, Ed. Darko Novaković [genre: poesis - elegia; poesis - epigramma; poesis - lyrica; poesis - epica] [word count] [crijevicarm1678].
|
