Bunić, Jakov; Caluus, Hieronymus; Gučetić, Ivan; Hieronymus; And.; Severitan, Ivan Polikarp (1469-1534; c. 1526; 1451-1502; c. 1526; 1472 - c. 1526) [1502], Carmina minora ex libro De vita et gestis Christi, versio electronica (), 360 versus, 4279 verborum, Ed. Neven Jovanović [genre: poesis - carmen; poesis - epigramma; poesis - sapphicum; prosa - epistula] [word count] [aavvcarminavgc].
Ad eundem Epistola.
Quod hucusque litterarum silentio fuerim usus, amplissime Domine, nec ad te
quicquam mihi scribere sit uisum, causam quidem tui aduentus, utpote quem in
dies expectabam fuisse scias. Nam quum amplitudo tua ab urbis digressu in
procinctu esset, ego tum uerbis tuis, tum mox etiam Pontificis Max.
id ipsum credere persuasus sum. Quum uero me mea frustratum opinione creuissem,
protinus tum allocutione F. Dorothei, tum quorundam aliorum tuum
aduentum in dies Natalis domini differri mihi responsum est, ab Abbate uero
Lauri in VII. Klas Nouembris ex litteris tuis ad eum missis. Has
itaque meas his omnibus adductus perbreues ad te scripsi, simul etiam uersiculos
quos operi applicui, quibus animum meum tibi diu perspectum agnosceres. Ego
quidem nulla fatigabor expectatione tui. At postquam opus illud meum a Theatino
recoepimus intactum, si quid deinceps in eo per me limari potuit, aut rectius
examussim dici, ad unguem discussimus, et ueluti ultimam meo quidem iudicio
perpolitionem imposuimus. Ni forsan aliqua Dominus me latere uoluerit, Argoo
illi celsitudinis tuae capiti lynceique reseruans oculis indicandum.
Vale beatissime Domine.
Bunić, Jakov; Caluus, Hieronymus; Gučetić, Ivan; Hieronymus; And.; Severitan, Ivan Polikarp (1469-1534; c. 1526; 1451-1502; c. 1526; 1472 - c. 1526) [1502], Carmina minora ex libro De vita et gestis Christi, versio electronica (), 360 versus, 4279 verborum, Ed. Neven Jovanović [genre: poesis - carmen; poesis - epigramma; poesis - sapphicum; prosa - epistula] [word count] [aavvcarminavgc].
|