12.1. [ERROR: no reftable :](S. C.) Ex senatus consulto: senatus consultum fiebat aut per
discessionem, si consentiretur, aut, si res dubia esset, per singulorum sententiam. Hic
Antoninus cognomento Pius appellatus est. Liberalem fuisse aiunt, ad commoda reipublicę
-- 7v -- prouidum, boni et ęqui studiosum. Quidam externorum principum, quum
armis inter se pro finibus decertarent, conuenisse feruntur eius iudicio stare, ratum
habituri quicquid decreuisset. [ERROR: no reftable :](Faustina) Anniam Faustinam duxit uxorem, quam
tertio imperii sui anno defunctam consecrari passus est.
[ERROR: no reftable :]Cf. SHA, Ant. Pius 6,7
Senatus igitur, cum ipsi quoque consecrato arcus uel statuę
honorem statuisset, dignam iudicauit quę glorię principi exhibitę particeps fieret.
Magna profecto optimi uiri felicitas mulierem habere thori pariter uirtutisque
consortem. Fuit et alia Faustina, huius Faustinę filia, quam multa libidinis respersit
infamia.
[ERROR: no reftable :]Cf. SHA, M. Ant. 19,1-4; 24,5; 29,1