Carmen Hieronymi Macarelli Archipresbyteri Traguriensis.
Marulus hic profert sanctorum exempla virorum.
Per quae iter in caelum cuique patere queat.
Attamen ille suos mores, exemplaque uitae
Non profert, cunctis quae referenda forent.
Nam quis eo melior? quis uita sanctior omni?
Cui tantus uerae religionis amor?
Denique quisquis eum factis imitabitur, hic se
Ad superos recta nouerit ire uia.
Dalmatiae tellus tali se iactet alumno.
Ciue suo antiquum gaudeat Aspalatum.