Baničević, Jakov (1466-1532) [1516], Spectabili et egregio Domino Ioanni de Curijs Dantisco, versio electronica. (, Augsburg), Verborum 189, Ed. Neven Jovanović [genre: prosa oratio - epistula] [word count] [banicjepistdantisc15160106].
Mittitur D. V. expeditio sua, per Caesaream Maiestatem et prouidetur pridem ei de viatico; ego etiam mitto priuilegium suum expeditum. Si qua alia in re possum seruire D. V., faciam libentissimo animo. Si commode potest D. V. secum defere scorpionem, uel balistam illam regie Maiestati, faciet mihi rem singulariter gratam. Quam commendando me Regie sue Clementie offeret ei; munus quidem tanto Rege indignum, sed in signum seruitutis et sincere fidei mee ad maiestatem suam erit pro venatione. et si potest eam defere D. V. exhibeat annexas Domino Cabrieli de Tasis, Magistro postarum in Insprug, qui eumdem scorpionem consignabit D. V.. Que itidem me plurimum comendet Reuerendissimo Domino Plociensi et suis colegis qui fuerunt cum eo apud Caesarem et similiter domino Vicecancellario, et Magnifico Domino Cancellario, et Domino Bernardino Gallo conteraneo meo.
Baničević, Jakov (1466-1532) [1516], Spectabili et egregio Domino Ioanni de Curijs Dantisco, versio electronica. (, Augsburg), Verborum 189, Ed. Neven Jovanović [genre: prosa oratio - epistula] [word count] [banicjepistdantisc15160106].
|