Marulić, Marko (1450-1524) [1519], De humilitate, versio electronica (), Verborum 81625, Ed. Branimir Glavičić [genre: prosa oratio - tractatus] [word count] [marulmarhumil].
Ad probaticam piscinam curato illi, qui duodequadraginta annos ęger fuerat et cui tam
diutino langore membris prope mortuis iacenti dixerat Dominus: Surge, tolle grabatum
tuum, et ambula, dixerunt: Sabbatum est, non licet tibi grabatum tollere.
Sed mox a Domino, quod non recte de sabbati obseruatione sentiant, arguuntur: Si
circumcisionem — inquit — accipit homo in sabbato, ut non soluatur lex Moysi,
mihi indignamini, quia totum hominem sanum feci in sabbato? Quasi diceret: Si
circumcidere licet, profecto et sanare licet, quod est pietatis opus.
Marulić, Marko (1450-1524) [1519], De humilitate, versio electronica (), Verborum 81625, Ed. Branimir Glavičić [genre: prosa oratio - tractatus] [word count] [marulmarhumil].
|