Marulić, Marko (1450-1524) [1519], De humilitate, versio electronica (), Verborum 81625, Ed. Branimir Glavičić [genre: prosa oratio - tractatus] [word count] [marulmarhumil].
Stabant — inquit — serui et ministri ad prunas, quia frigus erat, et
calefaciebant se. Erat autem cum eis et Petrus stans et calefaciens se. Petrus, cum
iam negasset se esse Christi discipulum, ministris etiam pontificis intermiscebat se, ne
agnosceretur. Stabant ad prunas, quia frigus erat. In illis erat perfidię frigus,
in Petro timoris. Frigescebat iam in pectore eius uicta metu charitas, eum, quocum se
moriturum promiserat, captum et uinctum et male acceptum uidens, cum illo mori timuit et suum
esse magistrum negauit.
Marulić, Marko (1450-1524) [1519], De humilitate, versio electronica (), Verborum 81625, Ed. Branimir Glavičić [genre: prosa oratio - tractatus] [word count] [marulmarhumil].
|