Marulić, Marko (1450-1524) [1519], De humilitate, versio electronica (), Verborum 81625, Ed. Branimir Glavičić [genre: prosa oratio - tractatus] [word count] [marulmarhumil].
Nemo igitur propriis uiribus fidat contra prauę cupidinis pugnas; nunquam ad uictoriam ullus
perueniet, nisi Omnipotentis ope fuerit adiutus. Vnde Hieremias ad Ecclesiam loquens ait:
Et dabo te populo huic in murum ęreum fortem; et bellabunt aduersum te, et non
pręualebunt, quia ego tecum sum, ut saluem te, et erruam te, dicit Dominus. Et liberabo te de
manu pessimorum, et redimam te de manu fortium; hoc est de persecutione infidelium et
diaboli potestate, ut in terra uincas et in cęlo coroneris. Illa uero, ut hoc consequi possit,
se fidem seruasse gloriatur dicens: Multi persequuntur me et tribulant, ego autem a
testimoniis tuis non declinaui. Tales fuere martyres Christi, qui, dum soli Deo
peccare timent, tyrannorum uim atque sęuitiam nihil timuerunt.
Marulić, Marko (1450-1524) [1519], De humilitate, versio electronica (), Verborum 81625, Ed. Branimir Glavičić [genre: prosa oratio - tractatus] [word count] [marulmarhumil].
|
