Marulić, Marko (1450-1524) [1519], De humilitate, versio electronica (), Verborum 81625, Ed. Branimir Glavičić [genre: prosa oratio - tractatus] [word count] [marulmarhumil].
Parum est montem dici Ecclesiam, mundus quoque appellata est in Scripturis. Ait enim
Apostolus: Deus erat in Christo mundum reconcilians sibi. Neminem autem Deus
reconciliat sibi nisi credentem. Mundus ergo, cui reconciliationis confertur beneficium,
credentium est Ecclesia, Et quoniam Christus
erat lux uera, quę — ut Ioannes ait — illuminat omnem hominem uenientem in
hunc mundum, illic etiam mundum Ecclesiam dici reor. Illi enim, qui extra Ecclesiam
sunt, a luce ista non illuminantur, sed in tenebris cęcutiunt errorum.
Marulić, Marko (1450-1524) [1519], De humilitate, versio electronica (), Verborum 81625, Ed. Branimir Glavičić [genre: prosa oratio - tractatus] [word count] [marulmarhumil].
|