Marulić, Marko (1450-1524) [1519], Dialogvs de Hercule a Christicolis superato, versio electronica (), Verborum 8236, Ed. Branimir Glavičić [genre: prosa oratio - dialogus] [word count] [marulmardial].
POETA: [ERROR: no reftable :](Cerua IV) Audi reliqua, fortasse magis obstupesces. Aeripedem ceruam, pulchritudine
conspicuam, aureis cornibus insignem, uiuacissima pernicitate fugacem et quam nulla
uelocium canum uis consequi poterat, ingeniosi laquei cuiusdam uenatu captam, ut iussus
fuerat, adduxit Euristeo. [ERROR: no reftable :](Stymphalides V) Idem Stymphalidas aues in Achaia, quę neque telis
neque clamoribus multorum abigi poterant, et cum uolarent, ueluti nubes late effusa cęlum
obscurabant, ipse ęreę tabulę graui sonoroque tinnitu perterritas fugauit. Qua quidem in re
illum, qui corporis uiribus omnes antecesserat, sagacitate quoque ingenii, quod rarissimum
est, pręstare apparuit. [ERROR: no reftable :](Augei stabulum VI) Huc accedit, quod Augei, Epiorum siue
Elidensium regis, plenum sordium spurciciarumque stabulum purgare iussus, excogitauit,
quemadmodum facinus istud non ignominię sibi, sed glorię foret. Pignionis, propinqui
fluminis, ut Diodorus ait, aquas ad stabulum illud deriuauit et fluentis lymphę impetu
page
purgatum totum reddidit quodque manibus efficere humile ac seruile erat, aquę ductu
peregisse laudi fuit. [ERROR: no reftable :](Taurus VII) Taurum, a Pasiphe, Minois coniuge, ob insignem formam
adamatum, a Creta ad Peloponessum aduexit Euristeoque obtulit. Sed inter uehendum plurima
immensi cuiusdam roboris animique inuicti ędidit argumenta, de quibus postea dicemus, si te
iuuabit etiam illa audire.
Marulić, Marko (1450-1524) [1519], Dialogvs de Hercule a Christicolis superato, versio electronica (), Verborum 8236, Ed. Branimir Glavičić [genre: prosa oratio - dialogus] [word count] [marulmardial].
|