Crijević Tuberon, Ludovik (1458-1527) [1522], Commentarii de temporibus suis, versio electronica (), Verborum 118743; librorum 11, capitum 165, Ed. Vladimir Rezar [genre: prosa oratio - historia] [word count] [tuberocomm].
Ductis deinde duobus muri utrinque brachiis regionem [1] protensis munitionibus ad
rupes zephyro obiectas moenibus circundat, planitie omni extra munitiones
relicta, quam partim sylua, partim palustre solum id temporis obtinebat. Nam
quicquid urbi inde adiectum est, id totum postea ciues aucti fortuna
extruxere. In medio fere oppidi, regionem hanc nunc incolae Pusternam
nuncupant, Polimirus diui Stephani Protomartyris erigit templum,
reliquiasque Neraei, Archilęi ac Pancratii martyrum, Petronillaeque ac
Domitillae uirginum argento inclusas, secumque Roma asportatas ibi condit,
attributa templi cura quibusdam clientibus suis e familia a cruce
denominata, quae iam maiorum ignauia pene extincta est.
Crijević Tuberon, Ludovik (1458-1527) [1522], Commentarii de temporibus suis, versio electronica (), Verborum 118743; librorum 11, capitum 165, Ed. Vladimir Rezar [genre: prosa oratio - historia] [word count] [tuberocomm].
|
