Marulić, Marko (1450-1524) [1522], Tropologica Dauidiadis expositio, versio electronica (), Verborum 5871, Ed. Neven Jovanović [genre: prosa oratio - expositio] [word count] [marulmartrop].
Annon Ammonitarum rex male accipit Dauidis legatos. Ioab aduersus eum
missus percussit Syros eius conductitios. Dauid quoque percussit Syros, ab
Adadozero [note] missos, et Sobabum principem militię
interemit. Christus Dauid noster
misit legatos suos apostolos ad gentiles conuertendos; sed Annon, qui interpretatur
gratificationi murmurans, Ammonitis autem imperans, qui interpretantur
comprimentes me murmurare infideles coeperunt, et eos persequi et per milites
suos comprimere. Sed Ioab, qui interpretatur inimicus, hoc est diabolus, percussit
Syros, id est superbos. Syria enim in superbiam uertitur. Quia persecutores
aduersum Christianos potestati diaboli traditi erant. Hos et Dauid noster damnat;
ideo et ipse cęcidisse Syros refertur, qui ab Adadozero missi erant, id est a
separatore, qui a Christo separat. Hi sunt uel heretici uel demones uel idolatrę
persecutores. Sobabum [note] Adadozeri ducem interimit. Damnat enim Christus morte
ęterna eos, qui suppliciis afficiunt Christianos, nisi et ipsi conuertantur. Soba enim
serra secans interpretatur.
Marulić, Marko (1450-1524) [1522], Tropologica Dauidiadis expositio, versio electronica (), Verborum 5871, Ed. Neven Jovanović [genre: prosa oratio - expositio] [word count] [marulmartrop].
|