Laus et dedicatio Hierarchiae secundae / Ad Deum Filium.
O quibus porro memorem camoenis[ERROR: no link :]❦
Christe te, totis celebrande terris?
Nam tui nobis properat triumphi
Integer aetas.
Perfidi tandem redeunt rebelles[ERROR: no link :]❦
Ad fidem sanctam tenebris fugatis,
Christus in toto micat orbe, in uno
Pastor ouili.
O, dies nostro cupienda saeclo,[ERROR: no link :]❦
Num meis olim te oculis uidebo?
Quam libens pro te, et ferienda macter
Hostia Christo.
Sub tuis bellans ego laetus armis,[ERROR: no link :]❦
Laurea uates et Apollinari,
Munus accaeptum referens Olympo
Rite dicabor.
O, meos lusus utinam canamus,[ERROR: no link :]❦
Quos tibi nostra est meditata Clio,
Inter astantes superos, choreas
Inter ouantes. page