Laus et Dedicatio Hierarchiae tertiae ad / Deum Spiritum Sanctum.
Quas agam laudes recinente plectro?[ERROR: no link :]❦
Pro tuis donis tibi summa sancti
Spiritus rectrix deitas Olympi
Nescia nutat
Musa, ni mentem doceas mouendo,[ERROR: no link :]❦
Nam decus terrae, decus omne Coeli
Te nitet sanctis, nitet et beatis
Numine sancto.
Et quod his nostris nitet in choraeis,[ERROR: no link :]❦
Te nitet, totum tibi dedicamus,
Quicquid hoc sacro cecinere nostrae
Carmine musae.
Namque par terno speculo reluces[ERROR: no link :]❦
Spiritus, nati, et genitoris unus,
Vna ter sancta in tribus est imago,
Vna creatrix,
Per choros uenit duce te nouenos[ERROR: no link :]❦
Virginis sanctae benedicta proles,
Per gradus septem duce te superne ad
Astra redibit.
Hinc meis si dux, ouiumque pastor[ERROR: no link :]❦
Addis, et si fas dabitur camoenis,
Exequar septem reliquos, canetque
Tibia flatus. page