Andreis, Franjo Trankvil (1490-1571) [1527], Dialogus Sylla, versio electronica. (), Verborum 15372, Ed. Neven Jovanović [genre: prosa oratio - dialogus] [word count] [andreisfsylla].
CAE.
Sylla cur cessas? Quin descendis actutum? non didicisti ab istis
sectatoribus tuis inuictam Cęsaris magnitudinem, cuius gratia ei locus iste
destinatus est? Nam Brutum minime uidetur ęquum suo loco mouere: non
mehercule qui nescio cuius libertatis assertor et uindex fuisse nuncupetur
in admodum tenui ciuitate uelut incunabulis nostri amplissimi imperii, sed
cum ob solam antiquitatis memoria et admirationem, tum maxime qui
ipso Bruto consularis impii auctore hic honor ad nos tamquam per manus
traditus peruenerit -- xx -- quo nostra uirtus non excitata solum,
uerum adaucta quoque ac celebris per totum orbem diffusa est.
Andreis, Franjo Trankvil (1490-1571) [1527], Dialogus Sylla, versio electronica. (), Verborum 15372, Ed. Neven Jovanović [genre: prosa oratio - dialogus] [word count] [andreisfsylla].
|