| Croatiae auctores Latini: inventa |
| domum | qui sumus | textus | auxilia | tolle, lege! | |
Beneša, Damjan (1476-1539) [1534], De morte Christi, versio electronica (, Dubrovnik), 8402 versus, verborum 61948, Ed. Vladimir Rezar [genre: poesis - epica] [word count] [benesaddmc].
120' [ERROR: no link :] 6
Protinus ad finem uidet ultima secula, Iudam Ad patriosque lares reducem, recidiuaque priscę Męnia Hierusalem, uernantia tempora rursus[ERROR: no link :] 7
Promissisque fidem tam longam stare uetustis. Quando etiam, postquam glatialem mitius axem Formarit pietas et fregerit effera corda, Transmittet solem subiectaque regna Canopo Lustrabit, quicquid prorsus tunc gentis et usquam est, Notescet, fidei ritumque docebitur almum. Heu pestem subito qualem miratur oriri Iam qua zona riget septem subiecta trioni! Alciden contra de uulnere quale renascens Monstrum Lerna tulit, triplici dum promicat ore Plaga recens, sistat quo sic conterritus heros. Impulit huc quicquid tenebrarum clauditur Orco: Nequitię prorsus suprema audacia, fędi Extinctusque pudor sceleris, tum denique mentis Vile pię precium, minus haud simulatio uilis, Vt iaceat, despectus enim, quisque optimus inde. Ecce oritur passim pestis, fera monstra tenentque Hinc late terras: profligatissimus usque Exitio rerum sacrę decus arripit aedis. Neu desit mala quo maturent ocyus illa, Fraude niger tenebras huc protinus impulit Orcus, Et mentis lumen populis extinxit utrumque, Interitumque urgens odium disseminat ultro. Quid differt, delet mox, inter iura nephasque, Et subito miseris externum suscitat hostem. Hic cernit fidei nil iam superesse ruinę. Extemplo pietas mouit lachrimasque profudit, Et consternatus dein concidit ille dolore, Ingratos tantum quoniam ultima proferet aetas. Corripiens mox inde suis uis rettulit illum. Instabatque dies, oculis quo sidera Christus Sublatus peteret uiduumque relinqueret orbem Terrarum; lecti coeunt tunc forte sodales. Protinus ecce aderat, medio serit inde loquelas: "Haud[ERROR: no link :]
Beneša, Damjan (1476-1539) [1534], De morte Christi, versio electronica (, Dubrovnik), 8402 versus, verborum 61948, Ed. Vladimir Rezar [genre: poesis - epica] [word count] [benesaddmc]. |
|||||
Zbirka Croatiae auctores Latini, rezultat Znanstvenog projekta "Digitalizacija hrvatskih latinista", dostupna je pod licencom Creative Commons Imenovanje-Nekomercijalno-Dijeli pod istim uvjetima 3.0 Hrvatska.
Podatke o projektu vidi na www.ffzg.hr.
Za uporabe koje prelaze okvire ove licence obratite se na http://www.ffzg.unizg.hr/klafil/dokuwiki/doku.php/z:digitalizacija-hrvatskih-latinista.