| Croatiae auctores Latini: inventa |
| domum | qui sumus | textus | auxilia | tolle, lege! | |
Beneša, Damjan (1476-1539) [1534], De morte Christi, versio electronica (, Dubrovnik), 8402 versus, verborum 61948, Ed. Vladimir Rezar [genre: poesis - epica] [word count] [benesaddmc].
Ecce piis, inquam, pręsentem sentiet Prędicto at uates de me quęcunque locuti, Mandatis parens diuinis functus obiui." Lux, dicente, animis penitus subsidere uisa Prisca uirum claro sub lumine scripta recludit. Eia age tu, quęcunque latent, arcana reconde Lux eadem, et sacro da vati promere cantu: Sensile, diuersum et genus intellectile primo Consistunt; uia sed nobis signanda secundo In genere, humanę hic mentis uis ultima sidit. Notior hęc, tamen hinc et adhuc altissima prorsus Coniectanda datur, primum dicenda subinde. Prorsus dissimili coniuncta retunditur ultro, Exemplo et flammę sopito delitet igne, Colligit et sese sensim sibi uindicat usque. Commodus ut primum sibi factus corporis usus, A rebus furata habitum ingeniosa recondit A specie triplici uariatum protinus oris, Et sic pręclaris effulsit dotibus aucta, Vnde nihil prorsus rerum generosius extat. Quin etiam uarię mirus faber exiit artis, Qua sese excoluit res pręstantissima facta, Cui, postquam ex uoto uitę prouidit egenti, Cuncta quidem studio uigili lustrare uacabat. Tunc nouit propriis subsistere mobile causis, Et stabat, moli quę sic moderetur inerti Esse quidem mentem, cuius quęsita subinde Vis est, collatis nimirum cognita rebus, Et fabra hęc melior, non uisa potentia demum. Atque ideo illa facit, fieri quod protinus apta est Nostra, nec omnino quod dedolet, exigit usquam. Namque rei totum prorsus ratio ultima profert Non exempta quidem, sed nostris indita rebus. Hic aliunde nihil, cognatum at protinus omne, Quicquid iam penitus complexum mente profunda, 121' Quę legit regnum non entis, nempe tenebras[ERROR: no link :] 8
Luce ciens, seriem pręstans rebusque creatis. Et cognoscendis illis uia facta tuenti Hinc menti nostrę: simile hoc, quo ficta tuenti Materies, ea cum dispar diuersaque multum. Inde, sinum uacuum mentis quod format hiantis, Collectum, impressum diuino ibi scilicet ore: Sicque ferunt habitum notę concrescere uocis. Sed dubium, fuerit talis[ERROR: no link :]
Beneša, Damjan (1476-1539) [1534], De morte Christi, versio electronica (, Dubrovnik), 8402 versus, verborum 61948, Ed. Vladimir Rezar [genre: poesis - epica] [word count] [benesaddmc]. |
|||||
Zbirka Croatiae auctores Latini, rezultat Znanstvenog projekta "Digitalizacija hrvatskih latinista", dostupna je pod licencom Creative Commons Imenovanje-Nekomercijalno-Dijeli pod istim uvjetima 3.0 Hrvatska.
Podatke o projektu vidi na www.ffzg.hr.
Za uporabe koje prelaze okvire ove licence obratite se na http://www.ffzg.unizg.hr/klafil/dokuwiki/doku.php/z:digitalizacija-hrvatskih-latinista.