Ursulam meam tibi, ut me ipsum, et si quid me
mihi charius esse possit, etiam atque etiam commendo.
Negotium illius quonam pacto actum sit, aut, si adhuc
pendet, quomodo sese habeat, vehementer ex te scire
-- 204 --
cupio. Ut autem bene et ex sententia perficiatur, conserveturque ab indignatione viri, et a publica infamia
Deum etiam ac omnes superos precor et exoro. Donec
enim eius rei exitum optatum intelligam, vix crederes,
quantum doloris suffero, quantum molestiarum ac
moeroris devoro. Neque mireris; quandoquidem, ut
ommittam, quam obsequens, quam morigera in omnibus mihi semper extitit; tantam eius fidem, tantum
erga me amorem sum expertus, quantum nullius hominis alterius amicae a nativitate mea. Juva igitur eam
opera, studio, re atque industria tua, et utrumque
nostrum salvum reddes, altero conservato.
Vale.
Albae Juliae Transylvaniae kalendis Martii M. D. XL.
