Grbić Ilirik, Matija (1503/1512 - 1559) [1559], Aristeae historia cum conversione Latina, versio electronica (), Verborum 3353, Ed. Nino Zubović [genre: prosa oratio - historia; prosa oratio - versio] [word count] [grbicmaristea].
[ERROR: no reftable :]Tertii diei convivium Sequenti ergo die, cum idem -- 68 -- discumbentium
ordo esset, Rex ubi putavit adesse tempus quaerendi aliquid ex illis, primum ex reliquis
nondum interrogatis hac allocutus est interrogatione: [ERROR: no reftable :]21 QUOD imperium
esset optimum? Respondit: Sibi ipsi imperare, nec rapi ab affectibus suis. Nam hoc
quidem est in natura omnium hominum, ut sint animis proni et inclinati ad aliquid
prosequendum. et hinc vulgus fere putat se debere inclinari ad commessationes,
potationes, et alias huius generis voluptates: Reges vere existimant, sibi pro suae
potentiae et dignitatis amplitudine convenire regionum subiugationem: sed modus in
omnibus rebus rectus est, et probatur. Tu ergo Rex, conserves et tuearis illa quę Deus
tibi contribuit: quę vero ad te non pertinent, et ad quae non datur tibi accessus
iustus, illa ne concupiscas.
Grbić Ilirik, Matija (1503/1512 - 1559) [1559], Aristeae historia cum conversione Latina, versio electronica (), Verborum 3353, Ed. Nino Zubović [genre: prosa oratio - historia; prosa oratio - versio] [word count] [grbicmaristea].
|