In imaginem Christi crucifixi. Patauii, Faustus Verantius, 1569.
Respice mortalis genitoris, respice, uultus
Faedatos, nostram quo lauet ipse luem.
Vincitur, quo nos Erebi dissoluat ab oris
Irato gratos reddat et usque patri.

Ad Deum carmen Saphicum, idem
Adsis, o summi fabricator orbis,
Tu pias aures aperi precanti,
Qui tuum semper coluit beatum
Numen ubique.
Protegas longo numero dierum
Addito cari patrui seniles
Et simul fessi genitoris annos,
Summe deorum.
Serua et tu matrem sobolis decorae,
Da pius, oro, mihi gratiamque,
Nomen ut possim generisque dignus
Gerere famam.

-- 68v --

Ad reuerendum archiepiscopum Strigoniensem in electione sua [ERROR: no link :]

Post sua ommisi Patauii.

Nouembri 1569, Patauii, idem
Semper et ingentes dum uoluunt aethera caelos,
Viuat fęlices transigat atque dies
Antonius, praestans animi uirtute beata,
Vrantius, eloquio non minus ille potens,
Archus et inuigilans speculator Pannonis orae
Strigonii fidus pastor et ipse gregis.

Ad Petrum Difnicum. Patauii, idem
Diffnice, Charchariae uates non infime diuae,
Diffnice, Sicensis gloria flosque togae:
Si quid habere iuuat clarorum stemmata auorum,
Si quid et ingenii munera pulchra ualent,
Te tua perpetuis decorat prosapia signis,
Teque tuosque feris [ERROR: no link :]Correxi e seris. uindicat usque rogis;
At decus ingenii et sacrae te Palladis artes,
At uirtus diuis assimilari facit.

In insignia Veranciorum, idem
Lilia sex uernant quae de Verantia stirpe
Impiger Alcides seuit [ERROR: no link :]

Correxi e seruit.

Pallasque rigauit,
At fouet ex alto qui conspicit omnia – Phaebus.