Croatiae auctores Latini: inventa |
domum | qui sumus | textus | auxilia | tolle, lege! | |
Ilija Crijević (Aelius Lampridius Cervinus) (1434 – 1520) [1495], Laudationes Stagni et Rhacusae Aelii Cervini (non ante 1495), versio electronica (Ex libris), Ed. Darko Novaković [word count] [1003cerva-aelius-1495]. Si vis in lexico quaerere, verbum elige et clavem 'd' in claviatura preme.
20.
Rhacusam furis Aeliumque uatem Cursu praepete concitus uidere: Et mens excidit et loquella muta est Dum uultu attonitus stupes hyanti, 100 Vt quos littore Tethyos supremo Ingens gloria traxerat Quiritum Et facundia Liuiana, Romae Par moles nec imaginis secundae. Hinc me Phocidos autumas parentem Rhacusam, Illyrici decus, canisque Turres aereas, superba cultu Et Cyclopea saxa ductibusque Riuos marmoreis scaturientes, Quales Martia uirgo uix recuset, Et miracula fontium recenses Rhacusae et proceres diu togatos. Nec liberrima iura conticescis, Molles delicias, amoena Tempe, Vt nec Seplasiam beatiorem Credas nec ueteres fuisse Baias. Regum Parthenope nec aula tanti est, Nec culti accola municeps Timaui Censetur tibi pluris. Ergo uisus Vix exples patriam meam tuendo Nec desiderio teneris ullo Thuscos cernere cespites; propinqui Sed quod littore contigit Traguri Maternum genus, hinc libenter omnis Conterranea natio probamur, Cognatus patriae sinus secundae, 100v Vt crudelia facta perfidorum Thracum et barbariem feram rependas Immanis Scythiae ausibusque diris Infestum mare Barculumque Teucamque Infames et inhospitale littus Tot praedonibus. Hinc prioris aeui Labes eluitur decore nostro, Et seclum uetus exolesse uate Auctore et duce patriaque uatis Gaudes foetaque portubus meorum Incunabula Dardanosque montes Insignes pecore et scaturientes Auro diuite et omnibus metallis Iactas, Marteque nobiles colonos Omnemque Illyriam libens honestas, Nec gleba ubere quam uiris ouantem, Et tot Caesaribus feraciorem Quam laetis, puto, frugibus creandis.[ERROR: no reftable :]20,48 creandis in margine: ferendis
Ilija Crijević (Aelius Lampridius Cervinus) (1434 – 1520) [1495], Laudationes Stagni et Rhacusae Aelii Cervini (non ante 1495), versio electronica (Ex libris), Ed. Darko Novaković [word count] [1003cerva-aelius-1495]. |
Zbirka Croatiae auctores Latini, rezultat Znanstvenog projekta "Digitalizacija hrvatskih latinista", dostupna je pod licencom Creative Commons Imenovanje-Nekomercijalno-Dijeli pod istim uvjetima 3.0 Hrvatska.
Podatke o projektu vidi na www.ffzg.hr.
Za uporabe koje prelaze okvire ove licence obratite se na http://www.ffzg.unizg.hr/klafil/dokuwiki/doku.php/z:digitalizacija-hrvatskih-latinista.