Croatiae auctores Latini: inventa |
domum | qui sumus | textus | auxilia | tolle, lege! | |
Mužić, Frano [1586], Carmina VI e codice Variorum Dalmaticorum, versio electronica (), 113 versus, verborum 764, Ed. Teo Radić [genre: poesis - carmen; poesis - epigramma] [word count] [muzicfvd].
Musaei ad Veturios carmen
Gentis et antiquae patriae decora alta Veturi, Quam Mars, armorum sophiae, quam pulcher Apollo Egregiis quondam titulis ad sidera uexit, Quid maerere iuuat genitoris funera iussa Imperio ac nutu supremi regis Olympi, Qui sine fine suo moderatur cuncta tenore? Parcite maereri lacrimis, iam parcite multum, Solari debent nullo non tempore uestrum Eximii mores et candida uita dolorem, Excessusque patris tota laudabilis hora: Praeterea clarum satis et memorabile nomen. Exitus hic unus mortalia corpora certe Semper habet, uerum lucis spes certa futurae Corda tenet sacrae fidei coniuncta uigori, At diuinus amor uirtutem absoluit utramque Iure suo iactatque nouas in pectora flammas. Inflammata polos hominum praecordia scandunt Et Dominum immensi caeli speculantur et orbis. Quid plura? Ingentis, uerae quoque laudis honore Perbreue curriculum uitae natura rependit Naturam moderante Deo per saecula rerum.
Mužić, Frano [1586], Carmina VI e codice Variorum Dalmaticorum, versio electronica (), 113 versus, verborum 764, Ed. Teo Radić [genre: poesis - carmen; poesis - epigramma] [word count] [muzicfvd]. |
Zbirka Croatiae auctores Latini, rezultat Znanstvenog projekta "Digitalizacija hrvatskih latinista", dostupna je pod licencom Creative Commons Imenovanje-Nekomercijalno-Dijeli pod istim uvjetima 3.0 Hrvatska.
Podatke o projektu vidi na www.ffzg.hr.
Za uporabe koje prelaze okvire ove licence obratite se na http://www.ffzg.unizg.hr/klafil/dokuwiki/doku.php/z:digitalizacija-hrvatskih-latinista.